Hanwon 31:9 - Yálá laawoo hɛɓɛ (dc)

⁹ Kiti tee a tələnmolaa, ə́ mąąwɛli nuą da yeehvowolo nuą di mąą mɛ̨nį ɲɛ̨i kulɔ.

Yálá laawoo hɛɓɛ

⁹ Kiti tee a tələnmolaa, ə́ mąąwɛli nuą da yeehvowolo nuą di mąą mɛ̨nį ɲɛ̨i kulɔ.

Bible

⁹ Lóno dímɛni ma í ƃò a dítɔ̃yâ mɛni saa-ƃo-nuu. Gôlo-ƃelai dímɛni lɛ́lɛɛ-ŋai maa kɔ̃ɔ da diai pɔ̂ri maa fé dîɛi.”

Hanwon 31:9 Referans Kwoze

Azaya 1:17

'Ka mɛ̨nį lɛlɛɛ kɛɛ mąąkwɛli, 'ka ka kwəi kwələ, 'ka heemɛ̨i laa kulɔ ka lɔwai, 'ka təlilon ɉon a kwəi kwələ laa, 'ka kalanin dɔɔ bulu kɛ.

Levetekɔ 19:15

«'Hvó kiti tee a hulu, 'hvo tɔɔ nu ta pulu nwɔ mąąwɛlilaa ɓa, nu kɛnɛ̨ ta hvo ə kilimąą pənə, kɛlaa, nuą kiti tee a tələnmolaa.

Dutɛrɔnome 1:16

Ya ɓə ŋį́ kɛ ka wɔ mɛ̨nįɓo-nuą diɛ: «Ka kaa pai kɛi ka wəli tɔɔi ka nąn nonnii woo ɓa. Kaa nuą lɔwai mɛ̨nįɠaa hutɔɔ a tɛ̨ą, ə mą kɛ nwɛ̨ąąi heeni ka kɔ́wɔ mɛ̨i.

Ɉeremi 22:3

Yai-Laa yɛ ka mɛ̨nį ɓo a tɛ̨ą da tələnmolaa. Nui daa hee mɛ̨i, 'ká gulɔ ɲəi kɛ. Yɛ ə kɛ a nwɛ̨ą, yɛ ə kɛ a təlilon da kalanin, 'ká hvo hee da mɛ̨i, 'ká hvo da mɔ̨nɔ̨ɓo. 'Ká hvo kwəi kwələ mun ɲąmą pu gɛɛnąąi ŋɛ̨i ɓa.

Danîa 4:27

Nąąlɔwai, ə mo yɛ diɛ: «Babilonə taa kɛnɛ̨i kaa ləi, ɲą́ą́ ɓə dɔɔ, ɲá gɛ a nwɔ́ kɛnɛ̨ laa mąąwiɛ.»

Ɉeremi 23:5

Yai-Laa woo ka, yɛ diɛ: «Yələ ta kaa pai həlii, gáá pai Davidə mąąpoo tɔɔi mą, yɛ pɛli nɔi ɲąąwooɓoi a tələnmolaa, yɛ tələnmolaa da tɛ̨ą di mąąkɔ̨nwɔ̨.

Ɉeremi 5:28

Di ɲɛ̨i wulɔ yɛ kulɔ, di koo a hee, di yee laɠin ŋąą nu kəlee mɛ̨i mɛ̨nį ɲɔ̨n gɛɛ hu. Di hva kɛa tɛ̨ą mąąwiɛ kiti tee lɔwai, di hva təlilon nwɔ tɛ̨ą mɛ̨nį ɲɛ̨i kulɔ, ə gɛ lɔ di hɛn ɉɔlɔɓo. Di hva mąąwɛli mun mąą mɛ̨nį ɲɛ̨i kulɔ.

Azaya 1:23

Ə́ nwun nąmįną daa di pulu tɔɔ mą́ą́, da nwuɔ̨ kuláaɠaa daa di yee pili gee hu, di kəlee, nɔgwəi hɛn mə nwɛli kaa diɛ, di hvilɛn ŋąą nɔgwəi hɛn gɔw pulu diɛ gwɛli, di hva mɛ̨nį haŋąą kɛ a təlilon, kalanin a mąą kanąn naa həli diɛ, diɛ di yee lɔ di wəlii.

Hanwon 16:12

Nwąnąlɔ túwɔ́ wɛli kpɛɛi kpɔ tɔɔɓɛlaa diɛ kpɔ tɛ̨ɛ̨tɛ̨ɛ̨?. Mąąhɔlɔɓo, tɔɔlaa lamun ɉɛn maa tələnmolaa.

Zôo 29:12

Mąąhɔlɔɓo, mąąwɛlimun lɔpee kɛi kpɔnmąą kwɛli, ŋį́ kɛi gulɔ ɉu. Gɛ́ kpɔmąą tɛɛ təlilɛa pɔ.

M̀ɛni-lɛɛi 19:11

Yili pulu, ŋį́ yələkɔlɔn gaa naa ɓoɔ, hoo kwɛlɛɛ ta ə kulɔ laa, nui kɛ heeni mɛ̨i, naa ɓaa a: Tələnmo, da Tɛ̨ą. A kiti tee, ɛlɛɛ, yɛ kɔ́ kɔ́ a ɉaŋąą.

Ɉaan 7:24

Ka hvo kiti tee lɔ mɛ̨i pɛlɛ, kɛlaa, ka kiti tee a ɉaŋąą.»

Zakari 7:9

«'Mo nɔi lonnii kəlee diɛ, yɛ́ diɛ: Yai-Laa Mɛ̨nį Kəlee ŋą Hééɓomun woo ka, yɛ: 'Ka kiti tee a tɛ̨ą, nu kəlee ə nąn non ɉon a kwəi kwələ laa, da wɛlikɛmąąlaa.

Hanwon 20:8

Tɔɔmun a kɛ heeni nwɔ kiti tee kpəlin hu, a mɛ̨nį ɲɔ̨n gəlee kulɔ ɉu kɛ a ɲɛ̨ikɔw.

Samia Veerɛi 8:15

Davidə ə heeɓolaa kɛ Israɛlə kəlee nwun na. Ə kɛi nwɔ nuąi hutoo a tələnmolaa, da kwəi kwəlɛlaa.

Hebreu 1:9

Ə́ Tələnmolaa wɛli la kɛ, Ə́ mɛ̨nį ɲɔ̨n nwɛli kpɛɛ yɛ́, Yili ɓə gɛ, oo Yálá, ə́ wɔɔ Yálái ə́ ə́ mąątí a dɔɔ wulɔ, a kwəinɛ̨ɛ̨ wulɔ, ə ə́ həɠə ɉu ə́ ɓɛlaa lɔwai.»

Azaya 11:4

A mąąwɛli nuą mąą mɛ̨nį hutɔɔ a tɛ̨ą, yee hvowolo nuąi nɔi, a di mąą mɛ̨nį ɓo a ɉaŋąą. Nwoo kaa pai kɛi yɛ hváɠá, yɛ toomɛ̨i kɛ nuą kɛlɛ la, yɛ nwąnąlɔ nuą paa a naa wəleen.

Zakari 9:9

'Pili yələi a kwəinɛ̨ɛ̨, Siɔn nɛ̨ɛ̨gbɛla! 'Tómą a kwəinɛ̨ɛ̨, Ɉerusalɛmə nɛ̨ɛ̨gbɛla! Ə́ wɔ tɔɔmun gaa pai ə́ pɔ, dələnmoɔ, ɛlɛɛ, gɔ́ aa nɛ̨ɛ̨ mą, hva nwun dɛ, gaa heeni hvoohvaalən mɛ̨i, hvoohvaalən non mɛ̨i.

Samuɛlə dɔlɔɔ 19:4

Ɉonatan ə Davidə mąąkɔ̨nwɔ̨ pələ kwɛli nąn ɲəi, yɛ mą: «Tɔɔmun və ɓaɠaɓo nwɔ tí mun Davidə ɓa, gbala ə tɔɔ, hvo nɛ̨ŋɛ̨n ɉəɠə li yɛ́, ə lɛɛ, nwɔ kulaa laa kaa a kóló lɛlɛɛi nu a gɛ, ə́ ma mɛ̨nį ɓa.

Samuɛlə dɔlɔɔ 20:32

Ɉonatan ə nąn Saulə woo pulu pənə, yɛ mą: «Da baa lə mɛ̨nį ɓa? Lə ɓə ə gɛ?»

Hanwon 29:7

Tələnmomun ə mąąwɛli nuą di mąą mɛ̨nį nwun gɔlɔn. Nwąnąlmun nwɛi kili hvo mą yɛ ŋąhiɛ yili ɓa.

Mąątɛ̨nɛ̨ 82:3

Nui ɲee hva lɔ, da təlilon, 'ka di mąą mɛ̨nį ɓo a ɉaŋąą, nui hɛn və ɲəi, 'ka di mąą tɛ̨ą ɓo.

Ɉeremi 21:12

«Davidə yəi bɛlɛ́n nuą, Yai-Laa woo ka! Yɛ diɛ: Ka kiti tee a ɉaŋaa yələwala pɔ tɛitɛi kəlee ɓa. Nui daa hee mɛ̨i, ka gulɔ ɲəi kɛ; a wala kɛ tii, nwɔ́ liiholi kaa pai ɓɛlai yɛ nwɔ̨n, gaa pai kɛi lən ɉii, nu hva hɔlɔɓo hvo nuwun. Mąąhɔlɔɓo, ka túwɔ́ pələ aa ɲɔ̨n.