Hanwon 30:33 - Yálá laawoo hɛɓɛ (dc)

³³ Mąąhɔlɔɓo, yá ɲįnįyá kulɔ, nwulɔ a hee ŋą, hunwɔ̨ a túwɔ́, ɲąmą a pu, yá líiholi tuwɔ, hvaa a kulɔ.

Yálá laawoo hɛɓɛ

³³ Mąąhɔlɔɓo, yá ɲįnįyá kulɔ, nwulɔ a hee ŋą, hunwɔ̨ a túwɔ́, ɲąmą a pu, yá líiholi tuwɔ, hvaa a kulɔ.

Bible

³³ Kpɛ́ni fêi, à kɛ̀ ƃà niŋa ŋini-ya su pène, a kɛ̂ kìŋ-kpɛŋ. À kɛ̀ ƃà núu lòkwa zũa ma, ŋ̀ãa a pû. À kɛ̀ ƃà lii-ŋwana-nuu líi sóli mɛni kɛ̀, laa-saa a pâ.

Hanwon 30:33 Referans Kwoze

Hanwon 29:22

Nui níiholi laa nɛ̨ɛ̨, a hvaa too. Nui níi kələn ŋąą gwəi, a nɛ̨ŋɛ̨n diɲɛ gee mɛ̨i.

Hanwon 28:25

Nui ɲɛ̨i kulɔ bɔ wɛli kaa mą, a hvaa too. Kɛlaa, nui a gilitɔɔ Yai-Laa ɓa, nįį a hee ɲee kɔ̨nwɔ̨n ɉu ə ɓɛlɛ.

Hanwon 17:14

Nui a hvaa kɔ́wɔ tɔɔ, gaa yɛ nui a gaɓan ɉəɠə yá tɔwɔ. Gɛɛ vaa hu hvo kɛnɛ̨, həɠə laa.

Hanwon 26:21

Tiɠi a nwɔ̨n deŋą kulɔ, kwɛi tɔɔ nwɔ̨n ma a nwɔ̨n ɉee; bələ lɔ ɓə nui hvaa wɛli kaa mą, a hvaa ŋąą hee la.

Hanwon 16:28

Gbąnąlaa ɲɔ̨nwɔ̨ɔ̨ kɛmun a hvaa too nuą lɔwai. Hiɛnɔwai yɛ ɓɛlan naa taɠa.

Hanwon 15:18

Nui a níiholi ɉa, a hvaa too, nui ɲee a pɛli níi ɓa, a kpilɛn ŋąą yɛɛ.

Zɛnɛse 18:8

Ɓɛlɔwai kɛa ɉuwɔ ə mɔn na, Abrahamə ə ɉuwɔi tii həɠə ə bɛlɛ nįŋɛ̨ ɲįnįya kpona ɓa da nįŋɛ̨ ɲįnįya kulaa nįnɛ̨, ə paa la nwɛ̨ąi tii pɔ. Abrahamə ə lɛɛ tɔɔ ni di kwɛlɛ nwulu mu, nwɛ̨ą diɛ di laa mį́i.

Hanwon 10:12

Wɛlikpɛmąą a hvaa too, Kɛlaa, wɛlikɛmąą a nɛ̨ŋɛ̨n gəlee mɛ̨i kpulu.

Hanwon 31:1

Tɔɔmun Lemuɛlə, woo ka; niɛwooi gaa lee ə gɛ mą, ya ka: