Hanwon 3:4 - Yálá laawoo hɛɓɛ (dc)

⁴ Yá gɛ tii, ə́ wɛli a too Yálá ɓa, da nu kanŋaa.

Yálá laawoo hɛɓɛ

⁴ Yá gɛ tii, ə́ wɛli a too Yálá ɓa, da nu kanŋaa.

Bible

⁴ Ƃà gɛ̀ tí, gɛ̀ ní ƃa pâi ƃaa-kɛ-maa da láa-maa-tɛ sɔlɔ ƃôi Ɣâla yêei da núu-kpune.

Hanwon 3:4 Referans Kwoze

Lukə 2:52

Jesus ə kɛi kɛnɛ̨, kili yɛ ɓo mą, yɛ Yálá da nuą di lii hon a nɛlɛɛ.

Lomaŋ 14:18

Nui a kɛi tí kɛ tii Kristə ɓa, ya ɓə gaa a Yálá liiɓamun. Ɛlɛɛ, nuą da dɛ̨nɛ̨.

Samuɛlə dɔlɔɔ 2:26

Samuɛlə nwɛi, ə kɛi kɛnɛ̨, yɛ Yai-Laa da nu haŋąą di lii hon.

Mąątɛ̨nɛ̨ 111:10

Kili kɛ ɲəi kpalatɔɔi ɓaa, nu ə ɲɔw Yai-Laa ɓa, nuąi da yili kɛ, yɛnɛ̨ɛ̨ hon bələ mąą gbąnąlaa kaa di yəi; di kaa pai kɛi dɛ̨nɛ̨i a yələ kəlee.

Zɛnɛse 39:21

Bələi mąn Ɉosɛfə ə kɛ la laa gaho pɛlɛ́ mu, Yai-Laa ə kɛ lɔ bɔ, ə ɲɛ̨i lɛlɛɛ hee mą, Ɉosɛfə wɛli ə too gaho pɛlɛ́ mɛ̨i kaamun ma.

Gɛlaɠaa 2:47

Di kɛi Yálá hɛɠɛɛɓo di wɛli yɛ ɓo nu kəlee ɓa. Hvóló kəlee, Ną́mu Yálá ə kɛi laa na nuą ta pɛlɛ ma.

Danîa 1:9

Yálá ə hvaa mą Daniɛlə wooi tii ə laa a gbɛtɛɠaai tii nwun nąmu lii.

Korɛntə veelɛ 8:21

Kwa ku liihɛlɛn na, ə lɛɛ a nɛlɛɛ Yálá ɲɛ̨i ɓa, ə mą kɛ, nu kanŋaa ɲɛ̨i ɓa.

Hanwon 8:35

Mąąhɔlɔɓo, nui a ɉɔ́lɔɓo, aa yɛnɛ̨ɛ̨ hɔlɔɓo, a gɛ tii, a Yai-Laa nwɔ mɛ̨inɛ̨ɛ̨ hɔlɔɓo.

Hanwon 12:2

Nu lɛlɛɛ a Yai-Laa ɲɛ̨i lɛlɛɛ hee gbɔwɔ ɓa, Kɛlaa, nui kiliŋąhiɛ ɲɔ̨nwɔ̨ɔ̨ kaa mą, Yai-Laa a ɉutɔɔ.

Hanwon 13:15

Nui kili kaa mą, mąą nu wɛli a too nuą diɛ, Kɛlaa, nuąi da di woo kala, di wɔ pələi, laa kulɔi hvo mą.

Samuɛlə dɔlɔɔ 2:21

Yai-Laa ə ɲɛ̨i lɛlɛɛ hee Anə ɓa, Anə ə lon ɉinąą haaɓa da lon nɛ̨ą hveelɛ kaa. Samuɛlə logolo nwɛi, ə kɛi kɛnɛ̨ Yai-Laa lííla.