Hanwon 3:33 - Yálá laawoo hɛɓɛ (dc)

³³ Yai-Laa a nwąnąlɔ nuą di wɔ pɛ́lɛ́i nɛ̨ŋɛ̨n naa, Kɛlaa, a lúwɔ́ too nu haŋąąɠaa di wɔ pɛ́lɛ́ɠaai diɛ.

Yálá laawoo hɛɓɛ

³³ Yai-Laa a nwąnąlɔ nuą di wɔ pɛ́lɛ́i nɛ̨ŋɛ̨n naa, Kɛlaa, a lúwɔ́ too nu haŋąąɠaa di wɔ pɛ́lɛ́ɠaai diɛ.

Bible

³³ Ɣâla Yâwɛɛ ŋɔnáɣaŋ káa ŋ̀wana-lɔ̂ɔ-nuui ŋɔpɛ́rɛi ma, kɛ́lɛ ŋɔlûwai káa tɔ̃yâ-nuu ŋɔpɛ́rɛi ma.

Hanwon 3:33 Referans Kwoze

Mąątɛ̨nɛ̨ 37:22

A tɛ̨ą, nuąi a lúwɔ too diɛ, di pɔɔ ɓaa a nɔi, nuąi a di nɛ̨ŋɛ̨n naa, da di kulɔ a di nwun.

Malasi 2:2

Ɲą́ą́ Yai-Laa Mɛ̨nį Kəlee ŋą Hééɓomun, ka wala ka wəli tɔɔ, ka hvo gɛ pələ kwɛli mą, ka hvo náá mąąwiɛ mɛ̨nį həɠə a ka lii kəlee, gáá pai mɛ̨nį ɲąąnwąnąą laai kaa, mɛ̨inɛ̨ɛ̨ɠaai wɔlɔ ŋą́ naakwɛlanmo kaa, ŋą́ mąą pənə a nɛ̨ŋɛ̨n naa; ŋą́ gɛ tii, mąąhɔlɔɓo, ka hva mɛ̨nį ta kɛ a gɛ pələ.

Mąątɛ̨nɛ̨ 91:10

Mɛ̨nį ɲɔ̨n və pai həlii yɛ́, mɛ̨nį ɲąąnwąnąą ta hva lɛɠɛ ə́ wɔ yíi-pɛ́lɛ́i ɓa;

Dutɛrɔnome 7:26

Hɛn ɲɔ̨nwɔ̨ɔ̨ Yálá ɲɛ̨i ɓa, ka hvo da lɔ ka yəi bɛlɛ́n, ka gɛ tii, ka ɉɛnŋąą tii da həɠə, da nəi ka hu kala a gee. Mąąnɛ̨ɛ̨ ka ɉɛnŋąą tii kaa a hɛn mąąliɓiɛ, da hɛn mąąnɛ̨ɛ̨ nwɛli ə kpɛɛ nu ɓa; mąąhɔlɔɓo, di nɛ̨ŋɛ̨n naai.

Hanwon 21:12

Tələnmomun a nwąnąlɔ nuą di wɔ pɛ́lɛ́i mąą kpɛɛ, yɛ di pili mɛ̨nį ɲąąnwąnąą hu.

Mąątɛ̨nɛ̨ 1:3

Gaa yɛ wului daa ɉin ya kwɛlɛ, yɛ ɓá a mái lɔwai, naa hva kpala ɲą a yələ lɔpee ta, gɛ mɛ̨nį kəlee hu a nɛ̨ɛ̨ mą.

Samia Veerɛi 6:11

Yai-Laa nwɔ kəhii ə ɲąnin ɉaaɓa kɛ Ovɛdə-Edomə yəi bɛlɛ́n. Yai-Laa ə lúwɔ́ too Gatə mun Ovɛdə-Edomə nwɔ pɛlɛ́i ɓa.

Zasua 7:13

Ə́ muhəɠə, ə́ nuą mąąhəɠə, mo diɛ, yɛ diɛ: Nu kəlee ə gbɔwɔ mąąhəɠə tinąą mąą mɛ̨nį ɓa; mąąhɔlɔɓo, Yai-Laa Israɛlə nwɔ Yálá yɛ: Hɛn tɔ́n dɔɔ mą, da kaa Israɛlə nuą lɔwai ɉɛn tii a lɛɛ ka lɔwai, ka hva pɛli tɔɔi ka yowo lííla, akɛ ka hvo ɉɛn tii kulɔ li ka lɔwai.

Dutɛrɔnome 11:28

Ka ka nwun gulɔ Yai-Laa ka wɔ Yálái nwɔ tɔ́nŋąąi mu, bələi ŋɛ̨i gáá nɛi kaa háákələi, ka həɠə mɛ̨i, kaa hvilɛn haliɠaa pulu, diɛi di kaa a hɛnŋąąi ka hvo di kɔ́lɔn yiihu; nɛ̨ŋɛ̨n naa ɓə ka ɉɔlɔɓo.

Zasua 6:18

Yii ɓaa ka wɛi, ka ka kpɔɔ mɛ̨i kaa daa ŋɛ̨i hu hɛnŋąą mąą mɛ̨nį ɓa. 'Ka hvo da həɠə, ə gɛ, ka nwun na hvo pa pili, ə lɛɛ, ka hvo pa Israɛlə nwɔ ɓuwui kɛ a hɛn ɲɔ̨nwɔ̨ɔ̨, kaa kpalo ɓɛla mą yili pɔ pələ.

Zôo 24:18

Ka wɛi, ka kɛ kɛi diɛ: «Mɛ̨ni ɲɔ̨n gɛ nuą da kɛ tɛɛi yɛ ya, nɔi nuą diɛ nwɔ pɛ́lɛ́i nɛ̨ŋɛ̨n naa, di wɛi, di hva kɛa viɲə yɛa pələ həɠə.

Zôo 31:12

Yili a kɛ kɛ a nwɔ̨n, yii a lɛɛ níi kələn ɉii ə nwún na pili, Ə li nwɔ́ wuluɠaai kəlee paa kpɔ, ə həli la ɉamu ɓa.

Hanwon 10:6

Tələnmomun bɔɔ ɓaa lúwɔ́, Kɛlaa, nwąnąlɔɔ nuą ɓə toomɛ̨i kaa di la.

Hanwon 14:11

Nwąnąlɔ nuą di wɔ pɛ́lɛ́i a pu, nu haŋąąɠaa di wɔ kələ yɛ kɛ a hɛn gɔw pɛlɛ́.

Hanwon 15:6

Tələnmomun nwɔ pɛlɛ́ kaa a hɛn gɔw kɛnɛ̨, Kɛlaa, nu ɲɔ̨nwɔ̨ɔ̨ hɔlɔɓo hɛn a liihɛlɛn doo nu ɓa.