Hanwon 3:3 - Yálá laawoo hɛɓɛ (dc)

³ Tələnmolaa da mɛ̨nį haŋąą kɛ, 'doo ə́ kwąną, bɛ̨ɛ̨ ə́ lii pɔ.

Yálá laawoo hɛɓɛ

³ Tələnmolaa da mɛ̨nį haŋąą kɛ, 'doo ə́ kwąną, bɛ̨ɛ̨ ə́ lii pɔ.

Bible

³ Ífe nɛ̀ɛ naa wɛli-kɛ-maa da sã́a-laa dí kúla íyêei. Dí tóo íkɔŋ ma, í dípɔ̃yɛ ílii su.

Hanwon 3:3 Referans Kwoze

Korɛntə veelɛ 3:3

Gəlee ə mą kɛ, ka káá a hɛɓɛ́i Kristə ə bɛ̨ɛ̨, galihvaɓoɔ kuɔ, kuɔ naa həli; hvo pɛ̨ɛ̨ li a hɛɓɛ́-yá, kɛlaa, bɛ̨ɛ̨i a Yálá hvulúmąą ŋą Kilii yee pɔɔ, hvo pɛ̨ɛ̨ li kwɛni ɓɛla mɛ̨i, kɛlaa, bɛ̨ɛ̨i nuą kili pɔ.

Hanwon 7:3

'Hvó nɛɛ laa hvo kulɔ ə́ yəi, doo ə́ yee kpiɛ ɓa yɛ gbono, ə́ ganąn ə́ lii pɔ.

Hebreu 10:16

«Mįnɛ̨i pai kɛi kwa diɛni ku yilii a mąą yələɠaa tii, ya ka: Ŋą́ kɛli pa ŋą́ tɔnŋaai tɔɔi, di lii hu, da di wɔɔ kiliŋąhiɛ hu ɓə gáá pai bɛ̨ɛ̨i laa. Gu Nąmu ɓə mo!

Hanwon 6:21

Ganąn ə́ líi ɓa, a yələ kəlee ə́ gbulɔn ə́ kwąną.

Malasi 2:6

Tɛ̨ą mɛ̨nį ɓə kɛ di la diɛ nuą mąąkwɛli la, da mɛ̨nį haŋąą, di hvo lɛ́ɛ́ tɔ̨nɔ̨ kpɛli kɛ. Kwa diɛni ku yee lɔɔ kɛ gee hu, mɛ̨nį haŋąą kɛɛ hu. Di nu tamąą kilaa pɔ̨nɔ̨, yiliɠaa di lənə mɛ̨nį ɲɔ̨n ma.

Ifisiɛŋ 5:9

Ɛlɛɛ, kɛɛ pono ɓá ɓaa: Lii nɛ̨ɛ̨ gwəi laa, tələnmo laa da tɛ̨ą.

Hanwon 16:6

Ɲɛ̨imąąwɛli kaa da lɛɛ nwoomulaa da nɛ̨ŋɛ̨n nwaa, Yai-Laa nwɔ ɲɛ̨i ɲɔw mąąlaa yɛ nu pulu tɔɔ mɛ̨nį ɲɔ̨n ma.

Hanwon 20:28

Kulɔ nwoo ɓa laa da tələnmolaa da di ɲɛ̨i kɛ tɔɔmun ma, nwɔ tɔɔlaai a lamun, tələnmolaa haalai.

Hanwon 1:9

Mąąhɔlɔɓo, da kɛ ə́ nwun ma a nwun nanɛ̨ɛ̨ ɓɔlɔ, diɛ ɓo ə́ kɔn ma a kwɛɛn.

Mąątɛ̨nɛ̨ 119:11

Mɛ̨nįɠaai ə́ mo, ŋą́ di kanąn níi pɔ, əgɛ, və́ pa nəi nɛ̨ŋɛ̨n ɉəɠə yɛ́.

Mąątɛ̨nɛ̨ 25:10

Yai-Laa nwɔ pələɠaai kaa a tələnmolaa, da tɛ̨ą, nuąi da nwɔ mįnɛ̨i hu wooɠaa pɔ mɛ̨nį kɛ.

Lɛɛ gbɔwɔ ɓa 13:9

Ɉɛlii ti pu mɛ̨nį ka yəi, gaa a kili lɛɛ ɉu, ka doo ka yee ɓa, ka da yili ka ɲɛ̨i mɛ̨i; əgɛ, Yai-Laa nwɔ tɔ́n nąą kili hvo pa kpɛɛ ka ɲą. Mąąhɔlɔɓo, ya ɓə ka kulɔ luwɔlaa hu a nwɔ huwalawalai hɛn da hva tɔɔ na.

Ɉeremi 17:1

Nɛ̨ŋɛ̨n Ɉuda aa ɉəɠə; a tɛ̨ą! Bɛ̨ɛ̨i a kwɛli hɛɓɛ́ kpɔw, a wala kɛti a Kúwɔ́-kwɛni hunwɔla. Bɛ̨ɛ̨i di lii hu! Bɛ̨ɛ̨i di wɔ haláá kulɔ kəhi wəli la!

Dutɛrɔnome 6:8

Ka di kpulɔn ka yee kwaną, a di kili too pələ ka ŋą; ka di yili ka tɔwɔla.

Osia 4:1

Israɛlə lonnii, ka ka wəli tɔɔ Yai-Laa woo ɓa: Yai-Laa da nɔi lonnii di kaa kiti haɠa ɓa, mąąhɔlɔɓo tɛ̨ą mɛ̨nį, nu mɛlan gaalon nwɛli la kɛɛ, da Yálá kɔ́lɔn mɛ̨nį, da hvo kɛa nɔi.

Maafîu 23:23

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo ɓɛlaai kaa! Mąąhɔlɔɓo, ka ka hɔlɔɓo hɛn bow nąn tɛɛ Yálá pɔ, ə mą kɛ ka yəi ɲɛa nɔwɠaa kəlee. Kɛlaa, ka dɔ́n yiiɠaai lɛɛ laa, yɛ pələi: tələnmolaa, túwɔ́ pələ lɛlɛ da woo tɔ̨nɔ̨ nąmu laa kaa la. Mąąnɛ̨ɛ̨i kɛ kaa kɛi yiiɠaa tii kɛ, ka hvo gbəliɠaa ŋɛ̨i lɛɛ pulu.

Samia Veerɛi 15:20

ə lɛɛ, wɛi lɔ ɓə ə́ paa la, a kɛ tii nwɔ̨nɔ̨ háákələi gɛ́ ə́ kpaan, yɛ́ hvilɛn búlu; ya pa, nwɛ́i ŋɛ̨i nwɛi, gáá lii too nwuma ɓa. Ə́ pulu pənə ə́ li ka ə́ nąn nonnii, gɛ́ Yai-Laa ə ə́ hon a wɛlikɛmąąlaa da lii nɛɛ gwəi.»

Mąątɛ̨nɛ̨ 85:10

Nuąi da ɲɔw mą, nwɔ ɓaloi a mąą lɛɠɛ diɛ, ɛlɛɛ, mąąwiɛ kaa pai heei nɔi hu.

Hanwon 14:22

Nu kɛɛ lɔ mɛ̨nį ɲɔ̨n bənəi gwəi yɛ doo, gɛɛ lan bələ mɛ̨i hvə li? Kɛlaa, nui a giliŋąhiɛ mɛ̨nį lɛlɛɛ ɓa, da di kili hvilɛn mą, diɛ di kwəi kwələ mą.

Lɛɛ gbɔwɔ ɓa 34:6

Yai-Laa ə tɛɛ Moisə lííla, yɛ mą: «Náá ɓaa a: Yai-Laa, ɲą́ą́ ɓə a Yai-Laa. Gáá a Yálá líi nɛ̨ɛ̨ gwəi, ɲɛ̨imąąwɛli kaa Yálá, yai níí hva holi ɉa, yɛ kulɔ nwoo ɓa, a tɛ̨ą ɓo Yálá.