Hanwon 3:28 - Yálá laawoo hɛɓɛ (dc)

²⁸ 'Hvó kɛ ə́ ɓɛlan gaalon ma: Li ə́ pa tinąą, gáá pai vəi. A kɛ hen ganąn gaa mą gaa ə́ yəi dɛɛ ɓo, 'hvó lənə dɛɛi mɛ̨nį ɓa bɔ.

Yálá laawoo hɛɓɛ

²⁸ 'Hvó kɛ ə́ ɓɛlan gaalon ma: Li ə́ pa tinąą, gáá pai vəi. A kɛ hen ganąn gaa mą gaa ə́ yəi dɛɛ ɓo, 'hvó lənə dɛɛi mɛ̨nį ɓa bɔ.

Bible

²⁸ À kɛ̀ íkɔlɛ ma-nuui à pà ípɔ kpɔŋ-mâ mɛni ma, maa-sɛŋ à kɛ̀ íyêei, ífe kɛ̀ ma lí í pá tínaa zɛŋ ƃa ŋ̀wɛ̂lii ŋa pâi dɛɛ̂i ípɔ.

Hanwon 3:28 Referans Kwoze

Levetekɔ 19:13

«Hvó ə yee pənə ə́ ɓɛlan gaa lon ɉu, hvo too mɛ̨i. Kóló kɛ mun vɛla hvo lɛɛ ə́ yəi yələ hvo ɓɔ.

Korɛntə veelɛ 8:11

Yiihu kani, 'ká ká yee laa kulɔ; a kɛ tii, mɛ̨nįɠaa káá mąą kili tee ká kwəi a nɛlɛɛ, naa a kulɔ ká yəi, yɛ bələi ká yee pɛlimąą mɛ̨nįɠaa kaa la.

Ikilisiati 9:10

Yii kpɔ ə́ yee a pɛli mą, gɛ a huwalawalai gaa ə́ yəi. Mąąhɔlɔɓo, ɓɛi ə́ kaa pai lii laa haaɓɛlaataa, kóló hvo laa, mɛ̨nį dɛ̨ą kwɛliɛ hvo laa, mɛ̨nį kɔ́lɔn ŋąą hvo laa da kili mɛ̨nį.

Timote dɔlɔɔ 6:18

'Di yee ə kɛ mɛ̨nį lɛlɛɛ kɛɛ ɓa, di yee ə kɛ diɛ hvɛa-hvɛa, diɛ nu takpɛliɠaa kɔ a di yəi hɛn.

Korɛntə veelɛ 9:3

Gáá gu nąn nonnii ŋɛ̨i tɔɔi ká pɔɔli, gbɔ́wɔ́ ɲąąkɛnɛ̨i gáá moi ká mąą mɛ̨nį hu, hvo pa kɛ a lɛɛ; ɛlɛɛ, yɛ bələi ŋą́ mo la, ká yee ɲąą ə kɛ kpɔ a bɛliɛ.

Ikilisiati 11:6

Yili ɓa, 'humó a ə́ wɔ hihɛn ɉiɛ, ə həɠə yələ wala pɔ ɓa, ə həli la yələ wulii ɓa, hvo kpɛla mą. Mąąhɔlɔɓo, ə́ kɛ kólóɠaai tii lɔwai, yii pai kɛi a nɛlɛɛ hvo gɔlɔn, ɛlɛɛ, akɛ gəlee ɓə tɔ̨nɔ̨ kaa pai kɛi ɉu, hvó gɔlɔn.

Hanwon 27:1

'Hvó ə́ kpɔwɔ mąątɛ̨nɛ̨ tinąą mɛ̨nį hu, mąąhɔlɔɓo, mɛ̨nįi háákələi kaa pai naai yɛ́, hvó gɔlɔn.

Wɛli 5:3

Ŋą́ą́ mą́ą́ hɛnŋaa kulɔ mą́ą́, ŋą́ pənə kpɔ kɛa ləi gɛ́ gɛ mą́ą́! Ŋą́ą́ gɔ́wɔ́ ɓa kələ a nɛlɛɛ, ŋą́ pənə kpɔ kɛa ləi gɛ mąąliɓi!