Hanwon 3:24 - Yálá laawoo hɛɓɛ (dc)

²⁴ Yá laa a kpinį, hva ɲɔw, yá laa, ə́ yíi a nɛ̨ɛ̨ hvɛ-hvɛ.

Yálá laawoo hɛɓɛ

²⁴ Yá laa a kpinį, hva ɲɔw, yá laa, ə́ yíi a nɛ̨ɛ̨ hvɛ-hvɛ.

Bible

²⁴ Ƃà lì lâai, ífe pâi yaôi, ƃa pâi nyiî a ǹɛ́lɛɛ.

Hanwon 3:24 Referans Kwoze

Mąątɛ̨nɛ̨ 3:5

Gáá Yai-Laa təlii, a vą́ŋą kəlee, Aa lɛɛ nwɔ yee mąąhəɠɛɛi nwunɔ̨, aa nwóó mu hon.

Mąątɛ̨nɛ̨ 4:8

Yá gwə́inɛ̨ɛ̨, a kwəinɛ̨ɛ̨ kɛnɛ̨, ə tɛɛ mɔ̨nun da lɔɔ di kɛnɛ̨ yələ nu yəi ɓa.

Hanwon 6:22

Yiliɠaai ɓə da ə́ tənən dɔɔ ə́ hiɛ pələ hu. Yá kɛ laani, diɛ ə́ mąą kpɛ, yá ə́ ɲįnąą ɓo, ka diɛni kaa lono kɛ.

Ɉeremi 31:26

Nąąlɔwai, ŋą́ nwun, ɛlɛɛ, ŋą́ gbaɠala kaa, gɛ́ kɛ ŋą́ą́ yíi ɲąąnɛ̨ɛ̨ ɓo.

Zôo 11:19

Yá kɛi ə́ hvįįtɔɔ, nu ta hva ə́ hviikpɛɛ. Ə lɛɛ, nu tamąą kaa pai kɛi ə́ ɲɛ̨i kələi.

Levetekɔ 26:6

Gáá pai liilaa heei nɔi hu, ka kɛ laani hɛn da hva ka mąą ɲɔw, gáá pai lɔwɔ huwɔ ɲɔ̨nwɔ̨ɔ̨ɠaa kpɛi nɔi hu, kɔ́ kɔ́ ɓɔwa hvo kɛa pai tɛɛi ka wɔ lɔi hu.

Mąątɛ̨nɛ̨ 127:2

Kpɛli ɓaa nu ə humo a muhəɠɛɛ, yɛ lɛɛ ɲɛ̨i ɓa kpinį hu yɛ kwɛa, yɛ́ mɔ̨nɔ̨ kɔ̨nɔ̨n mį́i lɔ! Yai-Laa a nwɛlikɛmąą nuą lɛɛ yíi, Ə di kɔ́ a kɔ̨nɔ̨n.

Izikiɛ 34:15

Ɲą́ą́ gbínii, gáá pai kɛi nwɔ́ taatɛlɛɛi ɲąąkɔn ɉii, ɲą́ą́ gbínii, gáá pai bɛlɛ́i, Mɛ̨nį kəlee ŋą Hééɓomun Yálá woo li.

Gɛlaɠaa 12:6

Ɲələi ŋɛ̨i Herodə ə kɛi pa giti teei la, nu kəlee ɲɛ̨i ɓa, mąąyíi yələ, Piɛrə ə kɛ laa ni holahi hveelɛ lɔwai yɛ yíi ɲilɛɛ a yɔwɔn veelɛ, gaho pɛlɛ́ mɛ̨ikaa nuą kəlee tɔɔ di tɔɔi bɛlɛ́ laa ləi, diɛ nąą mąąkpɛ.

Mąątɛ̨nɛ̨ 112:8

niikpəlɛɛi, hva ɲɔw hɛn da ɓa; ɲɛ̨i a tɛɠɛɓo ɲowoɠaa hu.

Hanwon 1:33

Kɛlaa, nui a nwəli tɔɔ nwóó ɓa, nwɔ pɛlɛ́i mu ɲąą a nɛ̨ɛ̨, kpalo hva gaa.»

Ikilisiati 5:12

Ŋą́ mɛ̨nį mąąwɛliɛ ta kaa ɓɛ yələkɔlɔn mu, ya ɓaa: Nu ta ə nwɔ wali laaikɛ, gbaan mɛ̨nįɠaa tɔwɔ,

Kɔlɔnikɔ Veerɛi 20:30

Ɉosafatə nwɔ tɔɔlaai hu ɲąą ə laɠi; nwɔ Yálái ə liilaa tɛɛ bɔ da gwɛlɛ lɔiɠaa kəlee di lɔwai.

Mąątɛ̨nɛ̨ 3:6

Ɛlɛɛ ɲą́ą́n, ŋą́ laa, ŋą́ nwɔ́ yíi ɓo! Ŋą́ nwun! Yai-Laa ɓə a dɔ́ɔ́ bulu.

Mąątɛ̨nɛ̨ 91:5

A kɛ nu yəi, hvá ɲɔw hɛn nɔpee ta ɓa: yɛi kɛ a kpinį nwɔ mąąɲɔw hɛnŋaa, yɛi kɛ a mɛ̨ɛ̨kɔwii da bili hvóló ɲa ɉə ɉə,

Hanwon 19:23

Nu ya ɲɔw Yai-Laa ɓa, a nu ɓalo. Ɲɔw mąą tii, a nu niilɔ, ya yɛnɛ̨ɛ̨ kɛ, mɛ̨nį nwąnąą hva ə́ hɔlɔɓo.

Azaya 54:14

Ə́ hamu a kɛ a vilɛn ŋąą tələnmolaa mɛ̨i, di hva kɛa too ə́ mɛ̨i, hva kɛa ɲɔw, ə́ mąą hva kɛa kpɛlin, ə́ mąąɲɔw mɛ̨nį ta hva kɛa lɛɠɛ yɛ́.

Izikiɛ 34:25

«Kwa nwɔ́ taatɛlɛɛ kpului, ku kaa pai liilaa mįnɛ̨ həɠəi; gáá pai nɔwɔ huwɔ ɲɔ̨nwɔ̨ɔ̨ɠaa kulɔi nɔi, nwɔ́ taatɛlɛɛɠaai diɛ kɛ liilaa hu, nɔi pun ɉu; Diɛ yii gbomoɠaa hu.

Izikiɛ 34:27

Nɔwɔi wuluɠaa diɛ ɓa, nɔi yɛ mɔ̨nun dɛɛ di pɔ; nwɔ́ nuąi da kɛ a di wəli pulu laɠiɛ di wɔ lɔi hu. Mąą yələ, da gili kɔ́lɔn, diɛ kɛ, ɲą́ą́ ɓə gáá a Yai-Laa, ɓɛlɔwai gáá pai di wɔ tiɛ̨i həɠəi la di nwuɔ̨, gɛ́ di kulɔ di mɔ̨nɔ̨ɓo nuą yəi.