Hanwon 3:20 - Yálá laawoo hɛɓɛ (dc)

²⁰ Nwɔ mɛ̨nį kɔ́lɔn ŋąą pɔ pələ ɓə, lɔi mɛ̨i yáɠaa da tɛ la yələi, tulɔ kpinįnŋąą diɛ tulɔ pu.

Yálá laawoo hɛɓɛ

²⁰ Nwɔ mɛ̨nį kɔ́lɔn ŋąą pɔ pələ ɓə, lɔi mɛ̨i yáɠaa da tɛ la yələi, tulɔ kpinįnŋąą diɛ tulɔ pu.

Bible

²⁰ Ŋɔtárei ƃé gɛ̀ ǹɔii lá é ƃó a gɛɛ yá é kúla naa, ŋ̀ele-kɔlɔŋ é tuna pú ǹɔii ma.

Hanwon 3:20 Referans Kwoze

Zɛnɛse 7:11

Noe kaa kwɛlan nwun mɛ̨idanąą, ɲąnin veelɛ, voló pow gɔw mɛ̨ihveelɛ yələ, lɔi laa ə ɓo, yələkɔlɔn naa ə ɓo, yá yɛ kulɔ nąą kəlee.

Zɛnɛse 27:28

«Gɛ́ Yálá ə luwuluwu tulɔ pu yɛ́. Ə lɔi hɛn gɔw tɛɛ ə́ pɔ, ə́ mɔ̨nun ɉɔlɔɓo kɛnɛ̨, da lɔɔ nįnɛ̨.

Zɛnɛse 1:9

Yálá yɛ nwɔ̨nɔ̨ diɛ: «Gɛ́ lɔi ɓa pələ yáɠaa kəlee di pili di kee mɛ̨i kɛɛnąą tɔ̨nɔ̨, kɛɛ kpalan ə kulɔ!» Yili ə kɛ tii.

Zooɛ 2:23

Siɔn daai nuą, ka kwəinɛ̨ɛ̨ kulɔ. Ka ɓə́lə́n ka pili yələi. Yai-Laa ka wɔ Yálái laa hu. Mąąhɔlɔɓo, aa tulɔ tɛɛ ka pɔ; a hamą tulɔ. Yɛ ka nwun mąąɓo. Yɛ pənə yɛ tulɔ pu ka mɛ̨i a hamą lɔɔ tulɔ. Yɛ pələi ə kɛi gɛ la a bɔlɔ.

Ɉeremi 14:22

Haliɠaai di kaa lɔiɠaa hu, da kaa mɔ̨ɔ̨ laa yɛ pɛli tulɔ pui? Akɛti, yələkɔlɔn ɓə mɔ̨ɔ̨ a tulɔ pu? Kɛlɛi, Yai-Laa, yɛ́i a kuɔ Yálá yɛ́ ɓə-e! Yɛ́ ɓə kwa ə́ mąąkpɔn, Yɛ́ ɓə ya tulɔ pu.

Dutɛrɔnome 33:28

Ə́ hvįįtɔɔ a ə́ wəli pulu laɠiɛ, Ɉakɔbə nwɔ yá nwun gulɔi kaa laai a dee; yɛ li ɓɛi mɔ̨nun da lɔɔ nįnɛ̨ di kaa laa nɔi; yələkɔlɔn yɛ tulɔ pu mą.

Hanwon 8:24

Ɓɛlɔwai hɛn lɔpee ta hvo ni kɛ kɛli la, ŋį́ gbɛa kɛ laa, gɛɛ yátonŋaa di hvo kulɔ, ŋį́ gbɛa kɛ laa.