Hanwon 3:17 - Yálá laawoo hɛɓɛ (dc)

¹⁷ A nu tənən dɔɔ pələ lɛlɛɛ mɛ̨i, yɛ hiɛ ɉu a kili la tee.

Yálá laawoo hɛɓɛ

¹⁷ A nu tənən dɔɔ pələ lɛlɛɛ mɛ̨i, yɛ hiɛ ɉu a kili la tee.

Bible

¹⁷ Mɛni lɛ́lɛɛ káa dûa-pere kélee su, ŋɔpere-ŋai kélee kɛ́ ƃò a lii-see pere.

Hanwon 3:17 Referans Kwoze

Lukə 1:79

Ə gɛ, nuą yiiɠaai di kaa kpinį hu, di ɓo haa nįnįn mu, ə di mąą pono; ə lɛɛ, ə tɔɔ ku tɔwɔ liilaa pələ mɛ̨i.»

Azaya 26:3

Gilitɔɔi mɔ̨ɔ̨ Yɛ́, Yáá liilaa yɛnɛ̨ɛ̨ kpɔkpɔɔ tɛɛ bɔ.

Hanwon 2:10

Kili a kɛ yɛ́, mɛ̨nį kɔ́lɔn ŋąą yɛ kwəinɛ̨ɛ̨ tɛɛ ə́ pɔ. Ə́ nwun a kɛ ə́ hu, hva lan.

Mąątɛ̨nɛ̨ 119:165

Nuąi ə́ wɔ tɔn nwooi wɛli kaa diɛi, di kaa liilaa hu, di wɛi, di kalin ɉɛn və kɛa di tɔwɔ.

Hanwon 22:18

Mąąhɔlɔɓo, yá ə́ kili lɛɛ ɉu, ə́ naaikɛ ə́ líi hu, a ə́ laaləi kɛ kili pələ ɓo laaləi.

Mąątɛ̨nɛ̨ 119:14

Ŋą́ą́ lɛɛ ə́ wɔ tɔn nwooɠaai pulu, ŋą́ą́ gwə́inɛ̨ɛ̨ mɛ̨nį hɔlɔɓo, gaa lɔ yɛ ŋą́ kwiɛn a hɛngɔw kɛnɛ̨ɛ̨.

Mąątɛ̨nɛ̨ 112:1

'Kánikookwəi! Nui a ɲɔw Yai-Laa ɓa, nwun na nɛ̨ɛ̨i, a nui kpɔ tii a nwɔ tiɓoɠaa wɛlilakɛi.

Azaya 57:19

Gɛ́ kwəinɛ̨ɛ̨ wələ lɔ di la. Yai-Laa yɛ diɛ: Liilaa, liilaa 'ə kɛ nui kwɛala mą, 'ə kɛ lɔ nwɔ̨nɔ̨ kpuɔlamun mą, a tɛ̨ą, gáá pai di ɓaloi!

Hanwon 16:7

Nui ɉiɛ pələ a Yai-Laa lii hon, Yálá a mąą nu da ɲowoɠaa di lɔwai pɔn naa kulɔ.

Mąątɛ̨nɛ̨ 119:174

Yai-Laa, ə́ yei ɓə gáá bɔ ŋį́ ɓalo hɔlɔɓo laa, ɛlɛɛ, gwə́inɛ̨ɛ̨ hɛn maa ə́ wɔ tɔn nwooi.

Mąątɛ̨nɛ̨ 119:103

Ə́ wɔ tɔn nwooɠaai nɛ̨ɛ̨i ná, dɛɛ kwɛ̨in nwulɔ ɓa.

Mąątɛ̨nɛ̨ 119:47

Ə́ wɔ tiɓoɠaai da níi hon gbɔ kɛnɛ̨, di wɛli kaa mą́ą́ kpɔ kpąąn.

Mąątɛ̨nɛ̨ 37:11

Kɛlaa, nɔi a lɛɛ a liilaa nuą di wɔɔ; liilaa a kɛ di yəi, di wəli pulu laɠiɛ.

Mąątɛ̨nɛ̨ 25:10

Yai-Laa nwɔ pələɠaai kaa a tələnmolaa, da tɛ̨ą, nuąi da nwɔ mįnɛ̨i hu wooɠaa pɔ mɛ̨nį kɛ.

Lomaŋ 5:1

Laa na laa háálai, gwaa kɛ a tələnmo nuą Yálá ɲɛ̨i ɓa. Liilaa aa kɛ gwa diɛ ni gu lɔwai gu Nąmu Jesus Kristə laa hu.