Hanwon 3:10 - Yálá laawoo hɛɓɛ (dc)

¹⁰ Yá yili kɛ tii, ə́ wɔ kɔ̨nɔ̨n gələi laa a hvɛɛ, ə́ wɔ viɲə yá kulɔi, lɔɔ nįnɛ̨ hva kpɛɛ laa.

Yálá laawoo hɛɓɛ

¹⁰ Yá yili kɛ tii, ə́ wɔ kɔ̨nɔ̨n gələi laa a hvɛɛ, ə́ wɔ viɲə yá kulɔi, lɔɔ nįnɛ̨ hva kpɛɛ laa.

Bible

¹⁰ Gɛ̀ ní íkêre-ŋai lá a pâi fɛ̂ɛi a mii-sãa, íŋwã̂ai-pui kɛ́-sãai kélee láa é fɛ̂ɛ gɛ́ yèŋ la.

Hanwon 3:10 Referans Kwoze

Hanwon 19:17

Nui a mąąwɛlimun mąąwɛli kaa, aa kwələ tɔɔ Yai-Laa ɓa, gaa pai pənəi ə bɔɔi tɛɛ bɔ.

Dutɛrɔnome 28:8

Yai-Laa kaa pai ka wɔ kɔ̨nɔ̨n gələɠaa mɛ̨i kaai, mɛ̨nį lɔpee ka káá pai ka yee tooi ɉu, yɛ lúwɔ́ too mą. Nɔi Yai-Laa ka wɔ Yálái ə dɛɛ ka pɔ, gaa pai lúwɔ́ tooi kaa ɉu.

Hanwon 22:9

Nui nwɔ kɛɛ kaa lɛlɛɛ, a lúwɔ́ hɔlɔɓo, mąąhɔlɔɓo, aa nwɔ kɔ̨nɔ̨n ta tɛɛ yeehvowolomun bɔ.

Zooɛ 2:24

Mɔ̨nun dan ɉiiɠaa laa aa hvɛɛ a mɔ̨nun, di wɔ hɛnɲaŋąɠaa laa ə hvɛɛ a lɔɔ da wulɔ nįnɛ̨.

Maafîu 10:42

Nui lɔpee a kpələ kɔ́wɔ ɲąątɔ̨nɔ̨ tɛɛ nɛapəlɛɛ ŋɛ̨i ta pɔ, mąąhɔlɔɓo, nwɔ́ kalan non ni, mąą nui a mąą hvɛla hɔlɔɓo.»

Egaa 2:19

Kɛlɛi mɔ̨nun gɔ́w tɔ̨nɔ̨ kpɛli hvo kɛa ka yəi gələ́ɠaa hui ee? Viɲəɠaa, ɓolaa wuluɠaa, nwului ŋɛ̨i da kɛ mą grenadə da olivə wuluɠaa, di hvo ɓá. Ə həɠə háákələi ɓa, gáá pai lúwɔ́ tooi kaa.

Kɔlɔnikɔ Veerɛi 31:21

Golóɠaai kpɔ ə ɲee too ɉu Yai-Laa ŋą pɛlɛ́i mąą mɛ̨nį ɓa, Yálá nwɔ tɔ́n da mąą pamą wooɠaa mąą mɛ̨nį ɓa; ə gəlee kɛ a Yálá ɲɛ̨i laa kwɛliɛ a nii kəlee, ɛlɛɛ, ɲee ə lɔ.

Mąątɛ̨nɛ̨ 144:13

Ku wɔ mɔ̨nun gələɠaai laahvɛɛi, di laahvɛɛi kpɔ kɔ́n kɔ́n a kɔ̨nɔ̨ ɉuwu kəlee. Ku wɔ taatɛlɛɛɠaai diɛ di kaa a waa, di ɓo a waa kpulu tamąą ku wɔ yɛɛ kɔ́wɔɠaai hu.

Dutɛrɔnome 14:29

Levi nu huwui tii lɔi hvo di yəi, di kwɛlin və di yəi, nwɛ̨ą, təliɠaa da kalaninŋąą, diɛi tii ka wɔ taaɠaai hui, da pa di di laa mįi, di pilɛ ɉu. Yai-Laa ka wɔ Yálái yɛ pɛli lúwɔ́ tooi kaa ka kɛ mɛ̨nįɠaa kəlee hu.

Kɔlɔnikɔ Veerɛi 31:10

Ya ɓə ɉaláá laa həli mun gɛnɛ̨ Azariahu, yai a Sadɔkə huwu hu mun da, ə nwoo ɲąą pənə, yɛ mą: «Yii kpɔ nuą di gbala tɔɔ diɛ pa, a hɛn mąąnɛ̨ɛ̨ di gulɔ di hɔlɔɓo hɛn ɉu a Yálá nwɔɔ, diɛ paa la Yai-Laa nwɔ pɛlɛ́i mui, kwa hɛn mį́i, kuɔ pilɛ ɉu, gbəli yɛ lɛɛ kpɔ kɛnɛ̨. Mąąhɔlɔɓo, Yai-Laa aa lúwɔ́ too nwɔ nuąi diɛ, gbəli ka buɔ gee mɛ̨i.»