Hanwon 29:7 - Yálá laawoo hɛɓɛ (dc)

⁷ Tələnmomun ə mąąwɛli nuą di mąą mɛ̨nį nwun gɔlɔn. Nwąnąlmun nwɛi kili hvo mą yɛ ŋąhiɛ yili ɓa.

Yálá laawoo hɛɓɛ

⁷ Tələnmomun ə mąąwɛli nuą di mąą mɛ̨nį nwun gɔlɔn. Nwąnąlmun nwɛi kili hvo mą yɛ ŋąhiɛ yili ɓa.

Bible

⁷ Tɔ̃yâ-nuu è kôlo-ƃela dítɔ̃yâi kɔ́lɔŋ, kɛ́lɛ ŋwana-lɔ̂ɔ-nuu fé kpáaŋ ní dí-mɛni ma.

Hanwon 29:7 Referans Kwoze

Zôo 29:16

Ŋį́ kɛ a mąąwɛli nuą di nąn, nui kɔ́lɔn və kɛ mą, gɛ́ mąą mɛ̨nį kɛ.

Mąątɛ̨nɛ̨ 41:1

Nwələ ɲɛ̨itɔwɔ mun. Davidə nwɔ wələ.

Hanwon 21:13

Nui a nwəli laa kpulu mąąwɛlimun domą woo tɔwɔ, gaa pai təliɓo kɛi yaa kpɛli, di hva nwoo mu hon.

Galatə 6:1

Ną́n nonnii, ká ká ɓɛlan da hon mɛ̨nį ɲɔ̨n ɉu, káái Yálá nwɔ Kilii kaa ká yəi, 'ká vilɛn bələ ɓa a liinɛ̨ɛ̨ gwəi laa. 'Ə́ kpɔwɔ mɛ̨ikaa, ɲąąhɛn mɛ̨nį hva mɔ̨ɔ̨ pɛli həlii yɛ́ kpɛli yɛ́?

Ɉeremi 5:28

Di ɲɛ̨i wulɔ yɛ kulɔ, di koo a hee, di yee laɠin ŋąą nu kəlee mɛ̨i mɛ̨nį ɲɔ̨n gɛɛ hu. Di hva kɛa tɛ̨ą mąąwiɛ kiti tee lɔwai, di hva təlilon nwɔ tɛ̨ą mɛ̨nį ɲɛ̨i kulɔ, ə gɛ lɔ di hɛn ɉɔlɔɓo. Di hva mąąwɛli mun mąą mɛ̨nį ɲɛ̨i kulɔ.

Zôo 31:21

Akɛ ŋą́ą́ ta ɲéé kpuwulu kɛ təli lon ma, gɛ́ li la kiti haɠa ɓa,

Zôo 31:13

Akɛ, ŋą́ą́ ta nwɔ́ luwɔ hilɛ ta, a wala kɛ ti, nwɔ́ luwɔ nɛ̨ɛ̨nu ta nwɔ tɛ̨ą mɛ̨nį kpəlaan mɛ̨nį ɓo ta hui,

Izikiɛ 22:7

Ə́ pɔɔli, nuą da tɛɠɛɓo di nąnni da di leeni di hu. Da nweą hon a wea mɛ̨nį ə́ pɔɔli, diɛ di yee pənə, təli da kalanin di hu ə pɔɔli.

Mąątɛ̨nɛ̨ 31:7

Yiiɠaa da hvilɛn kpɛli kpɛli hɛnŋąą pulu, di wɛli hvo mą́ą́, nwɛ́i, ŋą́ gílitɔɔ Yai-Laa ɓa.

Samuɛlə dɔlɔɔ 25:25

Nwɔ́ mɛ̨nį nąmu, hvo ə́ kili lɛɛ Navalə nu kpoloon tii ɓa; naa kpɔ-kpɔɔ li, naa ɓaa: Nu kpoloon. Ɛlɛɛ, nu kpoloon naa hvilɛn ŋaai bulu. Kɛlaa, nwɛ́i, ɉilɛlɛai nwɔ́ mɛ̨nį nąmu ə di tɔɔ, və́ di kaa.

Mąątɛ̨nɛ̨ 72:12

Yili kəlee ə mą kɛ tii, yeehowolo mun pai dəlii, gaa pai yili kulɔi mɛ̨nįi; ə mą kɛ nuąi kɔ́lɔn və diɛ, ɛlɛɛ, nu hvə diɛ.