Hanwon 29:6 - Yálá laawoo hɛɓɛ (dc)

⁶ Ɓaalə kaa nwąnąlɔmun nwɔ nɛ̨ŋɛ̨n ɉu. Kɛlaa tələnmomun nwɛi, a pili yələi a kwəinɛ̨ɛ̨.

Yálá laawoo hɛɓɛ

⁶ Ɓaalə kaa nwąnąlɔmun nwɔ nɛ̨ŋɛ̨n ɉu. Kɛlaa tələnmomun nwɛi, a pili yələi a kwəinɛ̨ɛ̨.

Bible

⁶ Ŋwana-lɔ̂ɔ-nuu a ƃáre tɛ̀ ǹyaa kpîŋ perei a ŋɔsɔnyɔ̂ŋ, kɛ́lɛ tɔ̃yâ-nuu a sîa a lii-nɛ̃ɛ.

Hanwon 29:6 Referans Kwoze

Timote veelɛ 2:26

Ɛlɛɛ, diɛ kpinįi, diɛ pu di kili kɔlɔn ɉii, diɛ kulɔ la tii nąnį ŋą hɛlɛn ɲą, yai aa kɛ di kɛ a ŋą luwɔɠaa, diɛ tí la tii mą, a niiɓa pələ?

Ikilisiati 9:12

Yan, nu lonnii di hvo mɛ̨nį ɲąąnwąnąą pai yələ kɔ́lɔn. Bələi lɔ hɔ̨nwɔ̨lee a too la yá-tuluun dumɔ̨ hu, a wala kɛ tii, nwɛ̨nį yɛ too nwɛ̨nį kpɛ diŋɛ̨n ɉu, di ɲɛ̨i heɛ haa ɓa yɛ pa di pɔ, bələ lɔ ɓə nu kanŋaa kaa la.

Lɛɛ gbɔwɔ ɓa 15:1

Moisə da Israɛlə lonnii di nwələi ŋɛ̨i too Yai-Laa ɓa, diɛ kɛ mą: Gáá wələ tooi Yai-Laa ɓa, aa yeetɛɛmąą walawala kɛ, aa hoo da mɛ̨i nuą pili gboloyá hu.

Mąątɛ̨nɛ̨ 118:15

Kwəinɛ̨ɛ̨ woo da yeetɛɛmąą wələ, diɛ lɔ ɓə tooi tələnmo nuą yəi bɛlɛ́n; diɛ kɛ diɛ: «Yai-Laa ɓa-mįi-yee kaa kuláálaa kɛi!

Mąątɛ̨nɛ̨ 97:11

Kɛɛ pono aa lən, a Tələnmolon nwɔɔ, ɛlɛɛ, kwəinɛ̨ɛ̨ li, kwəi kwələ nuą diɛ.

Mąątɛ̨nɛ̨ 11:6

'Ə nwɔ̨n ɲɛhɛ-yɛhɛ pu a tulɔ nwąnąlɔmun mɛ̨i. Nwɔ̨n, hvąŋą, da ɉigilin, yili ɓə di kpələ gbąmą hu, diɛ gbələ.

Piɛrə dɔlɔɔ 1:8

a yaa tii káá nwɛli la kɛ, ká ɲɛ̨i hvo mąi ɛlɛɛ, káá laa na, ká hvo nwɔ̨nɔ̨ gaai; 'ká pili kani yələi a kwəinɛ̨ɛ̨i ɲɛ̨n deei hvo mą, a mąąwia,

Zĩi 1:2

Ną́n nonnii, hu kɔ́ɔn mɛ̨nįɠaa da həli kaa, 'ká ká kwəinɛ̨ɛ̨ gəlee hu;

Hanwon 12:13

Nu paa ɓaalə kaa kɛɛ kala nuą nɛn mu, Kɛlaa, tələnmomun hva lɛɛ kwəi pili mąą hu.

Hanwon 5:22

Nwąnąlɔ mun a kɔ a gbɔwɔ kpinįi nwɔ nwąnąlɔɔ ɓaalə. A too gbɔɔ-kpɔɔ nɛ̨ŋɛ̨n diŋɛ̨n ɉu.

Mąątɛ̨nɛ̨ 132:16

Gɛ́ nwɔ haláá laa həli nuą mąąyili həɠə kɛ a ɓalo mɛ̨nį, ɛlɛɛ, ɉu lonnii diɛ tómą a kwəinɛ̨ɛ̨.

Zɔ̂ŋ Maa-ŋuŋ 1:4

Ɛlɛɛ, Ku kaa yili pɛ̨ɛ̨i ku dɛɛ kaa, ə gə, ku wɔɔ kwəinɛ̨ɛ̨ laa ə kulɔ.

Nwun mąąɓo 20:41

Israɛlə nuą di pənə di hvilɛn Bɛnɉamɛn nu huwu pulu. Bɛnɉamɛn nu huwu ə pu diɛ, mąąhɔlɔɓo, gbaloi aa ɓɛla diɛ, diɛ kpinįi daa gaa.

Hanwon 22:5

Nui dúwɔ́ pələ hvo haŋą li, ɲąąlən gɔw da ɓaalə di kaa gbaalə hu, nui gaa bɔ ə lamun yɛnɛ̨ɛ̨, a mąą kwɛa mą.

Hanwon 10:28

Tələnmo nuą kilitɔɔi kaa a kwəinɛ̨ɛ̨, Kɛlaa, nwąnąlɔ nuą di wɔ kilitɔɔi hva lamun.