Hanwon 28:4 - Yálá laawoo hɛɓɛ (dc)

⁴ Nuąi da tɔ́n mɛlɛkpɛɛ mą, nwąnąlɔmun mə da mąątɛ̨nɛ̨. Kɛlaa, nuąi da tɔ́n ɉon, da kɔ́ pɛlɛ nwąnąlɔ ɓa.

Yálá laawoo hɛɓɛ

⁴ Nuąi da tɔ́n mɛlɛkpɛɛ mą, nwąnąlɔmun mə da mąątɛ̨nɛ̨. Kɛlaa, nuąi da tɔ́n ɉon, da kɔ́ pɛlɛ nwąnąlɔ ɓa.

Bible

⁴ Diai dífa dɔ̂ŋ mɛi kâai, gáa yɛ̂ɛ da kɛ̀ ŋwana-lɔɔ-ƃelai láa maa tɛ̂i, kɛ́lɛ dɔ̂ŋ-mɛi-kaa-ƃelai da tɔ̂ɔ ŋ̀wana-lɔ̂ɔ-ƃelai dîa.

Hanwon 28:4 Referans Kwoze

Lomaŋ 1:32

Di Yálá nwɔ kitii kɔ́lɔn, di gɔlɔn diɛ: Nui a túwɔ́ ti, vɛla ɓaa a haa. Diɛ kpinįilee da mɛ̨nį ɲɔ̨n ti kɛ, yili pulu, nuąi da kɛi mɛ̨nį ɲɔ̨n ti ɲɔ̨nwɔ̨mąn gɛ, diɛ di mąątɛ̨nɛ̨.

Ifisiɛŋ 5:11

'Ká hvo ká yee too kpinį kólóɠaa hu, diɛi di tɔlɔ hvo diɛ, 'káámun, 'ká di too pono ɲą.

Maafîu 14:4

Mąąhɔlɔɓo, Ɉaan ə kɛ Herodə ɓa: «Mąą hvo nɛ̨ɛ̨li nu hvo ə ləɠə nɛ̨ą həɠə a ə nɛ̨ą!»

Maafîu 3:7

Kɛlaa yii kɛa Ɉaan ə Farisiɛ̨ɠaa da Sadusiɛ̨ɠaa tamąą kaa, diɛ pa bɔ di mąąwaa mɛ̨nį ɓa, ə mo diɛ, yɛ diɛ: «Kaa yiiɠaa ka wɔ mɛ̨nį ɲɔ̨nwɔ̨ɔ̨ ŋɛ̨i, yɛ tumo kwəi lonnii, gbɛɛ ɓə kɛ kaa ka pu, ka həɠə Yálá nwɔ liiɲąnwąną yii gaa pai dɔwɔ?

Mąątɛ̨nɛ̨ 49:18

Mąąhɔlɔɓo ɉaai lɔwai a həli, hvo pai lii a hɛn da; da nwɔ mąąwiɛlaai di hva li a gee.

Tɔɔɓɛlaa dɔlɔɔ 18:18

Eli yɛ mą: «Ɲą́ą́ və́i kpalo ɓɛla Israɛlə ɓa. Yɛ́mun mə ka ə́ nąn ɲəi bɛlɛ́n nuą. Mąąhɔlɔɓo, kaa lənə Yai-Laa nwɔ tiɓoɠaa diɛ, ɛlɛɛ yáá hvilɛn Baalə pulu.

Zûu 1:3

Nwɛ́likɛmąą nuą, ŋą́ gɛ pələ kwɛli mą, ə gɛ, ŋą́ ɲąąwala ŋą́ hɛɓɛ́ tɛɛ kaa; ə gɛ, nwun mąąɓoi ŋɛ̨i gaa a gu kəlee gu kpɔnmąą, ŋą́ mąą mɛ̨nį ta hukulɔ kaa. Kɛlaa, ŋą́ą́ gaa gɛ diɛ, gɛ pələ takpɛli hvo mą hvo kɛ li ŋą́ ɉɛɓɛ́i ŋɛ̨i kɛ ŋą́ dɛɛ kaa. Ə gɛ, ŋą́ ka hvaŋąlɔ naa na laa ŋɛ̨i Yálá ə dɛɛ nwɔ nuą pɔ, gu mąąkɔ̨nwɔ̨.

Zɔ̂ŋ Maa-ŋuŋ 4:5

Di wɛi, di kaa a yɛnɛ̨ɛ̨ nwɔɔ, bələ lɔ ɓə da yɛnɛ̨ɛ̨ woo ɓo la, ɛlɛɛ, yɛnɛ̨ɛ̨ yɛ nwəli tɔɔ di woo ɓa.

Gɛlaɠaa 15:2

Yili ə nuą ɲąąhee geeɓa, Polə da Barnabasə da nuą ti di ɉuyala kpɔ kɛnɛ̨, di woo ə pɛli ɉu, diɛ: Polə da Barnabasə da di wɔ nuą taɠaa di tɛ Ɉerusalɛmə, gɛlaɠaa da galanɉonŋaa kaai, mɛ̨nįi ti ɓo mɛ̨nį ɓa.

Mąątɛ̨nɛ̨ 10:3

Nu ɲɔ̨nwɔ̨ɔ̨, a gbɔwɔ ɲąąkɛnɛ̨, a gwəi kiliɠaa hvulu hɛn gwɛlimun, a vulu hɛn tii ɉɔlɔɓo, yɛ tɛɠɛɓoɉulaa kulɔ a Yai-Laa, yɛ gonon dɔɔ mą.

Tɔɔɓɛlaa dɔlɔɔ 18:21

Eli ə mąą lɛɠɛ diɛ, yɛ diɛ: «Ka káá pai lɛɛi tɔɔi yai yai, ə lɛɛ la ɉu mįnɛ̨ lɔwai? Akɛ ka káá lɛɛi Yai-Laa gu wɔ Yálái pulu, ka lɛɛ bulu; akɛ ka káá hvilɛn ɉii Baalə pulu, ka hvilɛn bulu.» Kɛlaa, nuą di hvo pɛli woo ta ɓoi.

Tɛsalonikə dɔlɔɔ 2:2

Kɛlaa, ya ka, di ku mɔ̨nɔ̨ ɓo, diɛ ku lalan Filipə, yɛ bələi ká gbaɠala kɔlɔn na, ku kilitɔɔmąą laa hɔlɔɓo gu wɔ Yálá yəi, yaan, hvo kɛli kɛ, ku nwɛlɛɛ lɛlɛɛ laa həli, ká mąą mɛ̨nį ɓa, kɔ tamąą hu.

Gɛlaɠaa 19:9

Kɛlaa, nu taɠaa di kɛli di kili walawala, di hvo kɛli tí, di hvo nwoo kaa a tɛ̨ą, yaamun, di kɛli Yálá nwɔ pələi laa ɲɔ̨nwɔ̨ɔ̨ɓo ɲąąkpɔn ɉu; yili ɓa, Polə da nuąi tii di taɠa. Yili pulu, ə galan nɛa həɠə, yɛ kalan gɛ diɛ hvoló tɛitɛi yee mu Tiranɔsə nwɔ lakwɛli kələi mu.

Gɛlaɠaa 12:22

Nuą kəlee diɛ tomą, diɛ kɛ: «Yii nwɛi vaa woo kaa kpɔ a yálá ta woo, nu kan nwoo hvəli.»

Maafîu 3:15

Jesus ə nwoo ŋąąpənə, yɛ mą: «'Hváá mą, ə́ mą́ą́waa. Hvó gaai, bələ ɓə mąąnɛ̨ɛ̨ gu Yálá liiɓa mɛ̨nį ɲɛ̨i kulɔ la.» Ɉaan ə hvaa mą ə mąąwaa.

Ɉeremi 5:30

Kwəi pili mąą mɛ̨nį, da kɛɛ kala mɛ̨nįɠaa kaa kɛi nɔi; a ɓɛlɛ too mɛ̨nį.

Nehemi 13:28

Ɛliasivə ŋɛ̨i kɛ a ɉaláá laa həli mun gɛnɛ̨, non Yoyada lon ɉulɔnu ta, ə Sanbalatə Horɔn mun lon nɛ̨ɛ̨nu ta həɠə a nɛ̨ą, ŋį́ gbɛ, ə həɠə gwɛ́lɛ.

Nehemi 13:15

Nąąlɔwai tii hu, ŋį́ nuą kaa Ɉuda lɔi hu diɛ di wɔ viɲəɠaa ya kulɔ a túwɔ́ lɔwɔ yələ, daɠaa daa mɔ̨nun naa di wɔ hoohvaalənŋąąi pulu, da lɔɔ, viɲə ɓáɠaa, ɓɔ́ɔ́laa ɓa, tiɛ̨ huwui lɔpee gəlee, diɛ lɔ la Ɉerusalɛmə daai a túwɔ́ lɔwɔ yələ, volói tii ɓə, di kɛi di wɔ hɛnŋąą tii lɔwɔ too la, ŋį́ haŋą diɛ.