Hanwon 28:27 - Yálá laawoo hɛɓɛ (dc)

²⁷ Nui a mąąwɛlimun gɔ́, hɛn da mąąkanąn va hee mą. Nui hvo bɔ hvo ɲɛ̨i lɛlɛɛ hee mąąwɛli nuą diɛ, nɛ̨ŋɛ̨n naa kaa mą.

Yálá laawoo hɛɓɛ

²⁷ Nui a mąąwɛlimun gɔ́, hɛn da mąąkanąn va hee mą. Nui hvo bɔ hvo ɲɛ̨i lɛlɛɛ hee mąąwɛli nuą diɛ, nɛ̨ŋɛ̨n naa kaa mą.

Bible

²⁷ Ǹúui a kpɔŋ-maa tɛ̀ɛ kôlo-nuu pɔ́i, sɛŋ da kôlo fé pâi toôi ma, kɛ́lɛ ǹúui a kôlo-nuu ŋɛ́i kpàlai, náɣaŋ a pâi kɛ̂i ma.

Hanwon 28:27 Referans Kwoze

Hanwon 19:17

Nui a mąąwɛlimun mąąwɛli kaa, aa kwələ tɔɔ Yai-Laa ɓa, gaa pai pənəi ə bɔɔi tɛɛ bɔ.

Hanwon 11:24

Nuąi da mɛ̨inɛ̨ɛ̨ kɛ a lii nɛ̨ɛ̨ gwəilaa, di yeela a hvoloon, nuąi da di yee laa kpulu di yəi hɛn ma, diɛ too kanąn ɉu.

Dutɛrɔnome 15:7

Yee howolo mun da a kɛ ka pɔɔ li, ə ɓo a ka kaayɔwɔ ta, ka wɔ taai ta hu, nɔi ŋɛ̨i Yai-Laa ka wɔ Yálái kaa dɛɛi ka pɔ ɉu, ka hvo ɉon a kili wala wala laa, ka hvo ka yee laa kpulu ka kaayɔwɔ ta tɔwɔ, a kɛ a yeehowolo mun.

Dutɛrɔnome 15:10

Ka mɛ̨inɛ̨ɛ̨ kɛ mą a ka kwəinɛ̨ɛ̨. Ka hvə gɔ́ a ka ɲənąą yiliɛ, ka gɔ́ tii, Yai-Laa ka wɔ Yálái kaa pai lúwɔ tooi kaa ka kɛ mɛ̨nįɠaa kəlee hu.

Hanwon 22:9

Nui nwɔ kɛɛ kaa lɛlɛɛ, a lúwɔ́ hɔlɔɓo, mąąhɔlɔɓo, aa nwɔ kɔ̨nɔ̨n ta tɛɛ yeehvowolomun bɔ.

Hanwon 11:26

Nui a ɲee kąnąn kɔ̨nɔ̨n ma, nuą da nɛ̨ŋɛ̨n naa, Kɛlaa, nui a ɉee lɔwɔkpalan ɲą, nuą diɛ ɲá, ya ɓə da lúwɔ́ too mą.

Hebreu 13:16

'Ká gu hvo lɛ̨ą mɛ̨nį lɛlɛɛ kɛɛ ɓa, ɛlɛɛ, guɔ kpɔnmąą tɛɛ gbɔn ɉu lonnii pɔ, mąąhɔlɔɓo, ɉaláá hɛn taaləi tii ɓə a Yálá liihon.

Azaya 1:15

Ɓɛlɔwai ka ka yee tɛ la, kaa vɛ́li, ŋą́ ŋɛ̨́i-laa kpulu, ka mą kɛ wɔlɔi kpɔ kaa vɛ́li, vá nwə́li tɔɔ ka woo ɓa, mąąhɔlɔɓo, ɲąmą kaa ka yee ɓa.

Hanwon 24:24

Nui a kɛ kɛɛ kalamun ma: «Tɛ̨ą kaa ə́ pɔ.» Nɔi nuą da nɛ̨ŋɛ̨n naa, nwɛli ə kpɛɛ lɔi ɓa.

Hanwon 28:28

Nwąnąlɔ nuą da di muhəɠə, nu kəlee da di loo, tələnmo nuą da tamą lɔ, diɛi di nwun na ə pili.

Hanwon 11:25

Nui ɲee kaa mą hvɛa-hvɛa mɛ̨inɛ̨ɛ̨ kɛi, ya ɓə ɲee laa a hvoloon. Nui a kpələ wɛli kulɔ nu ɓa, kpələ wɛli hva baa.