Hanwon 28:21 - Yálá laawoo hɛɓɛ (dc)

²¹ Mɛ̨nį kɛɛ a ɲɛ̨i kɔ́lɔn, hvo lɛlɛ li. Nɔgwəi hɛn nogolo a nu mąąwia ɓɛlɛ too.

Yálá laawoo hɛɓɛ

²¹ Mɛ̨nį kɛɛ a ɲɛ̨i kɔ́lɔn, hvo lɛlɛ li. Nɔgwəi hɛn nogolo a nu mąąwia ɓɛlɛ too.

Bible

²¹ M̀aa fé nɛ̃ɛ ní núu é ŋaa-kɔlɛ mɛni kɛ́. Kɛ́lɛ nûa da mɛni nyɔ́mɔɔ kɛ̀ a gɛɛ dí mii-sɛŋ kpua sɔlɔ ƃó.

Hanwon 28:21 Referans Kwoze

Izikiɛ 13:19

Káá náá pu nwɔ́ nu huwui ɲɛ̨́i ɓa, yeehvɛɛ tɛi tɛi mąą mɛ̨nį ɓa lɔ, da lɛɠɛ kpuo lon; nuąi mąą hvo nɛ̨ɛ̨li di hvo haa, ka káá di paai; ɛlɛɛ nuąi mąą hvo nɛ̨ɛ̨li di hvo lɛɛ yɛnɛ̨ɛ̨, kaa di lɛɛ yɛnɛ̨ɛ̨; nwɔ́ nuąi ɲɛ̨́i di ɓowo la nɛ̨ɛ̨i, bələ ɓə ka di ɓowo la.

Hanwon 24:23

Kilimąą nuą hvaa woo ta lɔ ka: Kiti teɛ a ɲɛ̨ikɔlɔn, hvo lɛlɛ li.

Hanwon 18:5

Mąą hvo nɛ̨ɛ̨li nu hvo tɔɔ nwąnąlɔmun bulu, hvo nu haŋąą nwɔ tɛ̨ą kpəlaan.

Lɛɛ gbɔwɔ ɓa 23:8

Hvó ə́ yee hee nɔgwəi hɛn mu. Mąąhɔlɔɓo, nɔgwəi hɛn a mɛ̨nį kɔ́lɔnmun ɲɛ̨i kpinį mą, yɛ tələnmo nuą di wɔ tələnmolaa kpəlaan.

Lɛɛ gbɔwɔ ɓa 23:2

Hvó hvilɛn mɛ̨nį ɲɔ̨n gɛ nuą kpulu pulu. Hvo ə́ laa too kiti mɛ̨nį hu, nu kpului tɛ̨ą hvo bɔ, hvo tɔɔ di pulu.

Piɛrə veelɛ 2:3

Ə lɛɛ, di wɔ hɛn nwɛli laa mąą mɛ̨nį ɓa, di kaa pai kɛi tooi ka mɛ̨i, diɛ hɛn gulɔ ka yəi a lɛɛ woo, kɛlaa, di kiti tee mun gɛ pələ pɛliɛi ə di kiti tee, ə lɛɛ, di wɔ nwun napili hu hvo kwɛa li.

Lomaŋ 16:18

Mąąhɔlɔɓo, nu huwuɠaai ti di hvo tíi gu Ną́mu Kristə ɓa, kɛlɛɛ di kaa tíi di koolon ma. Da kɛ nuą ɓowoi diɛ di mąątɛ̨nɛ̨ a woo nɛɛ-nɛɛɠaa.

Mise 7:3

Di yee kaa lɔ mɛ̨nį ɲɔ̨n ɉu, nɔi ɲąąwooɓomun a gbɛa niiɓa hɛn vɛli, hvo tɛɠa kɛ mɛ̨nį ɓoi. Giti teemun yɛ nɔgwəi hɛn vɛli, galanɉon a pələ ɓo, ɉɛn ɲɛ̨i a kulɔ bɔ mąą mɛ̨nį ɓa.

Mise 3:5

Nwooi Yai-Laa ə mo yɛ hvilɛn na, nuąi da nwɔ nuąi ɓowo diɛ, ya ka, yɛ diɛ: Gbɛɛ ɓə nwɔ́ nuąi ɓowoi? Nuąi da kɔ̨nɔ̨n dɛɛ di pɔ, da liilaa wɛlɛɛ laa həli diɛ. Kɛlaa nuąi di hva di kɔ́, da kɔ́ muhəɠə yiliɠaai ɓa.

Osia 4:18

Da kpɛɛ a nɔɔɠaa kpəlɛɛ, túwɔ́ pələ ɲɔ̨n mə da di ɲąątɔɔ mą. Nwumɛ̨ mɛ̨nį ɓə di ɲɛ̨itɔwɔ nuą da kɛ bɔ di gɛ.

Dutɛrɔnome 1:17

Ka hvo kiti tee a ɲɛ̨i kɔ́lɔn. Ka lokolo woo mɛ̨n nɔ yɛ bələi ka nu kɛnɛ̨ woo mɛ̨n na. Ka hvo ɲɔw nu ta ɓa. Mąąhɔlɔɓo, kiti mɛ̨nį kaa a Yálá yəi mɛ̨nį. Mɛ̨nį ta a walawala ka yəi, ka ɉukulɔ lɔ mą́ą́, ŋį́ gbaɠala kaa.»