Hanwon 28:20 - Yálá laawoo hɛɓɛ (dc)

²⁰ Nui dələnmoɔ, a lúwɔ́ hɔlɔɓo. Kɛlaa, nui gaa bɔ ə hɛn ɉɔlɔɓo a yee mąąhulɔ, hvo pai hvɛɠɛi hutɔɔ hu.

Yálá laawoo hɛɓɛ

²⁰ Nui dələnmoɔ, a lúwɔ́ hɔlɔɓo. Kɛlaa, nui gaa bɔ ə hɛn ɉɔlɔɓo a yee mąąhulɔ, hvo pai hvɛɠɛi hutɔɔ hu.

Bible

²⁰ Tɔ̃yâ-nuu a pâi lûwa támaa sɔlɔ ƃôi, kɛ́lɛ ǹúui tɔɔ-laa lii-sɛlɛŋ káa mai, a pâi tɔŋ-kpɛ-maa sɔlɔ ƃôi.

Hanwon 28:20 Referans Kwoze

Hanwon 13:11

Nu a hɛn ɉɔlɔɓo a hvoló tɔ̨nɔ̨, da lɔ ɓə a kɛ kulɔi mą. Kɛlaa, nui a hɛn naa gee mɛ̨i a bɛlɛɛ pɛlɛɛ, da lɔ ɓə a kɛ pɛlɛi mą.

M̀ɛni-lɛɛi 2:10

Mɔ̨nɔ̨i ə́ pai mįi, 'hvó ɲɔw mą. Ə́ ɲɛ̨i hee tai, nąnį kaa pai ká nwɛi taɠaa pilii gaho pɛlɛ́ mu, əgɛ di ká hukɔɔn, ɛlɛɛ, ɲąąhɛn mɛ̨nįi tii, gaa pai kɛi a hvóló pɔw mɛ̨nį. 'Lɛɛ ə́ woo pulu, ə lɛɛ ɉu ə́ haa, akɛtii, ŋą́ yɛnɛ̨ɛ̨ hva kpɛɛ ɓɔlɔ lɔ ə́ nwuɔ̨.

Hanwon 28:22

Hɛn nwɛlimun ɲɛ̨i a kulɔ mɛlaa di wɔ hɛn bɔ, yɛ gilɛ həɠə bulu, gili hvo ɉu yɛ kɛ yeehvowololaa yɛi ə pa wolo mą.

Hanwon 20:21

Hɛn nu a ɉɔlɔɓo a gwɛlin a hvulu, lúwɔ́ hva kɛ mą nąą pulu.

Hanwon 10:6

Tələnmomun bɔɔ ɓaa lúwɔ́, Kɛlaa, nwąnąlɔɔ nuą ɓə toomɛ̨i kaa di la.

Mąątɛ̨nɛ̨ 101:6

Nɔi lonnii kpɔ nu a pɛli laai di la, gáá pai ɲɛ̨́i lɛlɛɛ heei diɛ, diɛ pɛli heei gwɛ́lɛ. Nui mąąkulɔ hvo dúwɔ́ pələ ɓa, ya ɓə pai kɛi a nwɔ́ kalanɉon gɛ̨nɛ̨mun.

Nehemi 7:2

Ŋą́ mo di ną́n non Hanani hee a Ɉerusalɛmə ŋąąwoo ɓomun, da Hanania yai kɛ a daa mąąkpɛ pɛlɛ ŋąąwoo ɓomun, ə kɛ a nui a kulɔ nwoo ɓa yɛ ɲɔw Yálá ɓa dɛɛ nu tamąą diɛ.

M̀ɛni-lɛɛi 2:13

Ɓɛi ə́ heɛ kaa laa, ŋį́ nąą kɔlɔn, nąą lɔ ɓə ɓilihi nwɔ tɔɔkpəlin gaa laa. Kɛlaa, yáá ə́ yee kąną náá ɓa, ɛlɛɛ, hvó lənə li nwɔ́ pələi ɓa, ə mą kɛ, a vólóɠaai di kɛli nwɔ́ kɛla tələnmoɔ Antipasə paa la, ká pɔɔli, ɓɛi ɓilihi aa ɉeei kulɔ laa.

Lukə 16:1

Jesus ə mo nwɔ kalan nɛai diɛ, yɛ diɛ: «Hɛn gɔw nąmu kɛnɛ̨ ta ə kɛ laa, ə nu ta həɠə, yɛ ɲɛ̨i kɛ nwɔ hɛn gɔwi ɓa. Hvóló ta, di pa diɛ mą: ‹Ə́ wɔ hɛn gɔw laaikɛ mun kaa ɉɛn gɔw hu kalai.›

Lukə 12:42

Nąmu ə nwoo pulu pənə yɛ mą: «Gbɛɛ ɓə gaa a koló kɛmun tələnmoɔ, kili yɛ ɓo mą? Mąą nu ɓaa a nui ŋɛ̨i bɛlɛ nąmu a kɛ mą: ə́ ɲɛ̨i kɛ bɛlɛ ɓa, ə́ kɔ̨nɔ̨n dɛɛ di pɔ a dɛɛi lɔwai.

Hanwon 23:4

'Hvó ə kpɔwɔ hviikpɛɛ, yɛ́ kɛ ə́ kaa kɛi a hɛn gɔw nąmu, 'hvó ə́ níí laa yili mɛ̨i.

Hanwon 20:6

Nu tamąą da di kpɔwɔ kɛ a nu lɛlɛɛ, Kɛlaa, gbɛɛ ɓə tələnmomun gɔlɔn?

Hanwon 17:5

Nui a yɛlɛ kulɔ mąąwɛlimun ɉu, a kɛ tii, Yálái mąąwiɛlimun tii pɛli, ya ɓə gaa lalan ɉii. Nui a kwəinɛ̨ɛ̨ kulɔ mąąwɛli mɛ̨nį hu, hva lɛɛ tii, hvo kɛli di ɉutɔɔ.

Samuɛlə dɔlɔɔ 22:14

Ahimelɛkə ə tɔɔmun nwoo pulu pənə yɛ mą: «Ə́ wɔ tínuą lɔwai, nu ta kaa laa yii ya pɛli ə́ kilitɔɔi mą, yɛ həli Davidə pɔ? Davidə kaa a tɔɔmun mɔlɔ, ya ɓə a ə́ kpįnį mąą kpɛ, diɛ mąąwiɛ ə́ yəi bɛlɛ́n.

Maafîu 24:45

«Kólo kɛmun nɛlɛ ɓə dəlimoɔ, kili yɛ ɓo mą? Ya ɓaa yii nwɔ mɛ̨nį nąmu a kɛ mą: Ə́ ɲɛ̨i kɛ ə́ ɓɛlaa diɛ yɛ kɔ̨nɔ̨n dɛɛ di pɔ a dɛɛi lɔwai.

Maafîu 25:21

«Nąmu yɛ mą: ‹Yaa gɛ a nəlɛɛ, kólo kɛmun dəlimoɔ ɓaa yɛ́. Yaa tələnmolaa kɛ mɛ̨nį logolo hu, gáá pai gáá pai ə́ heei mɛ̨nį kɛnɛ̨ɛ̨ nwun na. Pa ə́ hee gwɛ́lɛ kwəinɛ̨ɛ̨ hu.›

Hanwon 19:2

Nu kwəinɛ̨ɛ̨ mɛ̨nį hu, hvo gbaɠala kɔ́lɔn, yili hvo lɛlɛ li. Nui a kpɛlin mɛ̨nį ɓa, a lan.