Hanwon 28:13 - Yálá laawoo hɛɓɛ (dc)

¹³ Nui a ɉɔn noo, hva tɛ tɔwɔ. Kɛlaa, nui a hvaa ɉɔn ma, ə kpəla mą, mąą nu ɓə Yálá a ɲɛ̨imąąwɛli kaa.

Yálá laawoo hɛɓɛ

¹³ Nui a ɉɔn noo, hva tɛ tɔwɔ. Kɛlaa, nui a hvaa ɉɔn ma, ə kpəla mą, mąą nu ɓə Yálá a ɲɛ̨imąąwɛli kaa.

Bible

¹³ Ǹúui a ŋɔsɔnyɔ̂ŋ mɛi pɛ̂lɛi, va mɛni lɛ́lɛɛ sɔlɔ ƃô, kɛ́lɛ ǹúui a ŋɔsɔŋyɔ̂ŋ ƃò, gɛ́ bôlu tɔ̀ɔ mài, Ɣâla a m̀alôŋ kàa.

Hanwon 28:13 Referans Kwoze

Zôo 31:33

Ŋą́ą́ ta ɉɔ́n now yɛ bələi yɛnɛ̨ɛ̨ nuą da gɛ la? Gɛ́ nwɔ́ túwɔ́ pələ ɲɔ̨n now gwə́i?

Zôo 33:27

Yɛ́ tomą nuą ɲɛ̨i ɓa, yɛ kɛ diɛ: «Ŋą́ kɛi nɛ̨ŋɛ̨n ɉəɠə, ŋą́ kɛi túwɔ́ pələ ɲɔ̨n gulɔ, Kɛlaa Yálá nwɛi, hvo ɉón ni yɛ pələi ŋą́ túwɔ́ la.

Gɛlaɠaa 26:20

Kɛlaa yaamun, ŋį́ gbɛa tɔlɔɔ Damasə nuą diɛ, yili pulu, Ɉerusalɛmə daai, da Ɉude lɔi hu nuą, ə mą kɛ, lɔi takpɛliɠaa hu nuą. Gɛ́ kɛ diɛ: 'Hvo kɛli da di hɔn mąą pənə, di di ɲɛ̨i tínɛ̨n Yálá pɔ pələ, da di kili mąą hvalin, diɛ túwɔ́ a nąą mąą hon bələ.

Mąątɛ̨nɛ̨ 51:10

'Hváá mą, gɛ́ pɛli wələ woo, da kwəinɛ̨ɛ̨ woo mɛ̨n ɉi, gɔ́wɠaai ə́ di kiin giin, diɛ pɛli mąnąi.

Zɛnɛse 4:9

Yai-Laa ə Kain mąąnikɛ, yɛ mą: «Ə́ ləɠə Abɛlə kaa mį?» Kain yɛ mą: «Və́ gɛi kɔ́lɔn! Akɛtii, ɲą́ą́ ɓə a nə́ɠə mɛ̨i kaa mun?»

Hanwon 10:12

Wɛlikpɛmąą a hvaa too, Kɛlaa, wɛlikɛmąą a nɛ̨ŋɛ̨n gəlee mɛ̨i kpulu.

Samuɛlə dɔlɔɔ 15:30

Saulə yɛ mą: «Ŋą́ą́ nɛ̨ŋɛ̨n ɉəɠə, yiihu, gáá nɛ̨ɛ̨mąą hvəi yɛ́, gɛ́ ə́ hvaa mą, ə́ mą́ą́wiɛ nwɔ́ nuą da Israɛlə nuą di ɲɛ̨i ɓa. Pa gwə li, ŋą́ pɛlɛ Yai-Laa ə́ wɔ Yálái kɔ́wɔ mu.»

Samuɛlə dɔlɔɔ 15:24

Saulə yɛ Samuɛlə ɓa: «Ŋą́ą́ nɛ̨ŋɛ̨n ɉəɠə, ŋą́ą́ kulɔ Yai-Laa woo mu, ŋą́ą́ ə́ woo pili. Ɲɔw ɓə ŋą́ kɛi mo nuą diɛ, gɛ́ hvaa di woo ɓa.

Hanwon 17:9

Nui ɓɛlannaa wɛlikaamą, a lɛ̨ą mɛlan ɉɔn ma, yá kɛi ɉɔn doo mą kɛlɛ-kɛlɛ, a mąą kwɛa yɛ́.

Samuɛlə dɔlɔɔ 15:13

Samuɛlə ə li ə həli Saulə ɓa, Saulə yɛ Samuɛlə ɓa: «Yai-Laa nwɔ lúwɔ́ ə yɛɛ ə́ mɛ̨́i; ŋą́ą́ Yai-Laa wooɠaa kəlee pɔ mɛ̨nį kɛ.»

Levetekɔ 5:5

«Nui lɔpee a ɉɔn gɛ mɛ̨nįɠaa tii ta hu, mąąnɛ̨ɛ̨ ə hvaa ɉɔn ma.

Samia Veerɛi 12:13

Nąąlɔwai Davidə yɛ Natan ɓa: «Ŋą́ą́ nɛ̨ŋɛ̨n ɉəɠə Yai-Laa ɓa.» Natan yɛ Davidə ɓa: «Yai-Laa aa ə́ kɛ nɛ̨ŋɛ̨n mąąhvaalɛɛ, hvo pai haai.

Samia Veerɛi 14:32

Absalɔn yɛ Ɉoabə ɓa: «Mąąhɔlɔɓo, ŋą́ kɛ ə́ təlii, gɛ́ kɛ ə́ li ə́ tɔɔmun mąąnin gɛ, yɛ́ kɛ mą: ‹Ŋą́ həɠə Gesurə, gɛ́ pa ɓɛ lə mɛ̨nį ɓa? Viɛlaɓoɔi kɛ ŋą́ lɛɛ nii laa.› Gáá kɛa bɔ, ŋą́ həli tɔɔmun ma, akɛ ŋą́ą́ ɉɔ́n gɛ la, ə báá.»

Ɛsdrasə 10:11

Yii hu kɛa, ka hvaa ka hɔn ma Yai-Laa ka ną́nni di wɔ Yálái ɲɛ̨i ɓa, ɛlɛɛ, ka túwɔ́ yɛ bələi gaa la bɔ, ka nɔi nuą ka taɠa, ə mą kɛ, nwɛ̨ą nɛ̨ąąɠaai ka yəi, ka di kulɔ lɔwɛi.»

Nehemi 9:2

Nuąi kɛ a Israɛlə nu huwu, di kulɔ nwɛ̨ąą lɔwai di tɔɔ a di tee, diɛ hvaa di kɛ nɛ̨ŋɛ̨nŋąą diɛ da di nąnni di wɔ túwɔ́ pələ ɲɔ̨n.

Ɉeremi 2:35

Ə́ kaa kɛi diɛ: «Ɉɔ́n və ɉu, nwɔ liiholi kaa pai hvólói mą́ą́.» Kɛlaa vílɛn ŋaai ə́ pulu a kiti. Gbalai tɔɔ, yáá kɛ diɛ: «Ɉɔn ve ɉu!»

Danîa 4:27

Nąąlɔwai, ə mo yɛ diɛ: «Babilonə taa kɛnɛ̨i kaa ləi, ɲą́ą́ ɓə dɔɔ, ɲá gɛ a nwɔ́ kɛnɛ̨ laa mąąwiɛ.»

Nwun mąąɓo 10:15

Israɛlə lonnii diɛ Yai-Laa ɓa: «Ku wɔ Yálá, kwaa nɛ̨ŋɛ̨n ɉəɠə yɛ́, pələi kpɔ a nɛ̨ɛ̨ la yɛ́, ku hon di, kɛlaa, ku nwun mąąɓo háákələi.»

Tɔɔɓɛlaa veelɛ 20:15

Esai yɛ mą: «Lə ɓə di gaa ɓɛ ə́ yəi bɛlɛ́n?» Ezekiasə yɛ mą: «Ɉɛnŋąą kpɔ ɲə́i bɛlɛ́n, ŋą́ gəlee lɛ diɛ, və́ da lɛɛ pulu.»

Kɔlɔnikɔ Veerɛi 6:26

«Yələ kɔ́lɔn naa a kpulu, tulɔ a wala kɛ pui, mąąhɔlɔɓo, nɔi lonnii daa nɛ̨ŋɛ̨n ɉəɠə Yɛ́, da di ɲɛ̨i tinɛ̨n gɛɛnąą ŋɛ̨i pɔ pələ, diɛ Ə́ hvɛli, diɛ Ə́ laa tɛ, diɛ di yee kulɔ di wɔɔ nɛ̨ŋɛ̨n hu, mąąhɔlɔɓo, Yáá mɔ̨nɔ̨ laa di mɛ̨i,

Ɛsdrasə 10:2

Ya ɓə, Yehiɛlə lon Sekania, yai kɛ a Elamə lon da, ə mo Ɛsdrasə ɓa, yɛ mą: «Kwa ku hɔn gɛ a Yai-Laa, a huwu takpɛli nɛ̨ąą həɠəi ku mo a ku nɛ̨ąni, kɛlaa ə mą kɛ tii, Israɛlə kilitɔɔi wolo kaa laa.

Zôo 34:31

Gbəli hu, nu ta a kɛ Yálá ɓa: «Ŋą́ą́ nwɔ́ gahoi kpɛɛ, vá kɛa nɛ̨ŋɛ̨n ɉəɠə,

Azaya 55:7

Nu ɲɔ̨nwɔ̨ɔ̨ ə həɠə dúwɔ pələi tii pulu, mɛ̨nį ɲɔ̨n gɛ mun, ə həɠə gwəi kili ɲɔ̨nwɔ̨ɔ̨ɠaa pulu. Ə pənə ə pa Yai-Laa pɔ pələ, yili kaa pai nwɔ wɛlikɛmąąlaa lɛi mą, ə pənə ə pa guɔ Yálái pɔ, gwəinɛ̨ɛ̨ ɓə kɛnɛ̨ nu mąąhvaalɛɛi.

Zôna 3:10

Yálá ə Ninivə nuą túwɔ́ pələi tii kaa, daa di pulu tɔɔ di túwɔ́ pələ ɲɔ̨nŋąą diɛ; Yálá ə di ɲɛ̨imąąwɛli kaa, ə nwɔ liiɲąnwąną həɠə di mɛ̨i hvo gɛ yɛ pələi ə giliŋąhiɛ la.