Hanwon 27:23 - Yálá laawoo hɛɓɛ (dc)

²³ Yá ə́ wɔ taatɛlɛɛi kɔ́lɔn, yá pɛli ə́ wɔ taatɛlɛɛ kpului laa hɔn mo a nɛlɛɛ.

Yálá laawoo hɛɓɛ

²³ Yá ə́ wɔ taatɛlɛɛi kɔ́lɔn, yá pɛli ə́ wɔ taatɛlɛɛ kpului laa hɔn mo a nɛlɛɛ.

Bible

²³ Íƃala-ŋai da ítaa-tulɛ-ŋai kɔ́lɔŋ tɛi-tɛi í dímɛi káa a ǹɛ́lɛɛ,

Hanwon 27:23 Referans Kwoze

Piɛrə dɔlɔɔ 5:2

'Ká Yálá ŋą kpɔn ŋɛ̨i ə galihvaɓo káá, 'ká mɛ̨i kaa a nɛlɛɛ, 'ká hvo gɛ a yee tɔɔ gwąną mɛ̨nį, kɛlaa, ká gɛ a kwəinɛ̨ɛ̨, yɛ bələi Yálá kaa la bɔ, 'ká hvo gɛ yɛ kaa kɛi tɔ̨nɔ̨ kwɛli, ká gɛ liinɛ̨ɛ̨ gwəi laa hu.

Kɔlɔnikɔ Veerɛi 26:10

Yili pulu, ə kɔ́-pɛlɛɠaa tɔɔ nɔi pun ɉu, ə yálɔwa tamąą tee, mąąhɔlɔɓo, taatɛlɛɛ kpulu tamąą di kɛ ɲəi; tíikɛnuą di kɛ ɲəi nɛ̨ŋɛ̨ lɔi hu da ɉɛɠɛɛ pələ. Viɲə yɛɛ laa nuą di kɛ ɲəi ɲeeɠaa ɓa da Karmɛlə yee ɓa. Mąąhɔlɔɓo, tíi kɛɛ wɛli ə kɛ mą.

Zɛnɛse 33:13

Ɉakɔbə yɛ Esau ɓa: «Nwɔ́ mɛ̨nį nąmu, ə́ kili kaa ɉu yɛ́ lɛapɛlɛɛ hiɛ kɛ laa walaai, ɛlɛɛ, ɓɛlaa kɔ̨nwɔ̨leeɠaa da nįŋɛ̨ kɔ̨nwɔ̨leeɠaa kaa ɲə́i, nuą ka kpɔlu di la a mɔlɔ, ə mą kɛ a hvóló tɔ̨nɔ̨ hiɛ, daatɛlɛɛ pɛlɛɛɠaa da haa.

Hanwon 24:32

Ŋą́ nąą kaa kpɔ a nɛlɛɛ, ŋį́ nąą mąąkpɛɛ, ŋį́ kili hɔlɔɓo.

Ɉaan 10:3

Nui gaa heeni gala laaləi yɛ naa mɛ̨i kaa, a gala laa ɓo mɛlaa mɛ̨i kaa mun dɔwɔ. Mɛlaaɠaa da di mɛ̨i kaa mun nwoo mɛ̨n, ə lɛɛ a nwɔ ɓɛlaa kəlee təli a di laa, di hvilɛn bulu.

Izikiɛ 34:31

«Ka kaa a nwɔ́ taatɛlɛɛɠaai a nwɔ́ kalai taatɛlɛɛɠaa, kaai a nu kanŋaa; ɲą́ą́n, ŋą́ ɓo a ka wɔ Yálá. Mɛ̨nį kəlee ŋą Hééɓomun Yálá woo li.»

Dutɛrɔnome 32:46

ə mo diɛ, yɛ diɛ: «Nwooɠaa ŋɛ̨i ŋį́ ka kalan na háákələi, ka ɉon a ka nwąnąąi; gaa a gu lɔwai kɛla. Ka ka lonnii kalan a dɔ́n nwooɠaa ŋɛ̨i hon mɛ̨nį.

Samuɛlə dɔlɔɔ 17:28

Davidə niɛ nu pɔlɔ Eliavə ə Davidə woo mɛ̨n, ɓɛlɔwai Davidə da nuą di kɛi nono kɛ la. Níi ə holi nəɠə pɔ, yɛ mą: «Lə ɓə mun ə́ pa ɓɛ gɛi? Gbɛɛ ɓə ə́ daatɛlɛɛ logoloi tii lɛɛ ɲəi nɔi pun ɉu? Ŋą́ ə́ kɔ́lɔn, ə́ kaa wúu; ə́ wɔ kiliŋąhiɛ hvo lɛlɛ li, gɔ́ naa kaa mɛ̨nį ɓə ə́ paa la.»

Lɛɛ gbɔwɔ ɓa 7:23

Eziptə tɔɔmun ə pənə ə li ɲəi bɛlɛ́ laaləi, hvo kpɛli gaa a mɛ̨nį walawala.

Hanwon 24:27

Ə́ kɛ kolóɠaa laa kulɔ ni ɲɛnɛ̨ɛ̨ pələ, ə́ ə́ pɔ yɛa mɛ̨nį ɲɛ̨i kulɔ; yili pulu, yá pɛli kɛa mą ə́ ə́ wɔ pɛ́lɛ́i tɔɔ.

Ɉeremi 31:10

Lɔiɠaa! 'Ká ka wəli tɔɔ Yai-Laa woo ɓa! 'Ká ɉukulɔ gboloyá pulu lɔiɠaa diɛ, káá diɛ: «Nui Israɛlə lonnii hu taɠa lɔiɠaa lɔwai, gaa pənəi yɛ di ɲąąkpɔn, yɛ di laa honmo, yɛ bələi taatɛlɛɛ mɛ̨i kaa mun a nwɔ taatɛlɛɛɠaa mɛ̨i kaa la.»

Izikiɛ 34:12

Bələi lɔ taatɛlɛɛ mɛ̨i kaamun a taatɛlɛɛɠaa mąą mɛ̨nį ɲɛ̨i kulɔ la, bələi a kɛ la taatɛlɛɛ kpului daa ɉu taɠa, di lɔwai, bələ lɔ ɓə gáá pai nwɔ́ taatɛlɛɛ kpului mąą mɛ̨nį ɲɛ̨i kulɔi la, gɛɛnąąɠaai kpɔ di di hu taɠa taɠa laa a kwɛlɛ yələ, gáá pai di kulɔi naa kəlee.