Hanwon 25:25 - Yálá laawoo hɛɓɛ (dc)

²⁵ Pələi yá laɠi a kwąną kpalamun níilaa la, bələ ɓə wɛlɛɛ nɛ̨ɛ̨i a həɠə kwɛa la, a gɛ la.

Yálá laawoo hɛɓɛ

²⁵ Pələi yá laɠi a kwąną kpalamun níilaa la, bələ ɓə wɛlɛɛ nɛ̨ɛ̨i a həɠə kwɛa la, a gɛ la.

Bible

²⁵ Tuŋ lɛ́lɛɛ nyii a kûla lɔii kôyaa sui, gáa yɛ̂ɛ yá laɣi nyii a kpele-wɛli kùla núu mai.

Hanwon 25:25 Referans Kwoze

Hanwon 15:30

Wɛlikɛmąą kɛɛ kaa, a nu kwəinɛ̨ɛ̨ kpɔ kpąąn, wɛlɛɛ nɛ̨ɛ̨, yɛ nu hvaŋąlɔ.

Lomaŋ 10:15

Nu ta a pɛli naa həlii ləi, akɛ, di hvo dɔɔ li? Yɛ bələi Yálá lawoo hɛɓɛ́ ə mo la, yɛ diɛ: «Nuąi nwɛlɛɛ lɛlɛɛ laa həli, di kɔ́wɔ lɛlɛɛi di mu.»

Mąątɛ̨nɛ̨ 63:1

Davidə nwɔ wələ. Ɓɛlɔwai ə kɛ la Ɉuda lɔi pun ɉu.

M̀ɛni-lɛɛi 21:6

Ɛlɛɛ, yɛ mą́ą́: «Mɛ̨nį kəlee laa aa hon. Ɲą́ą́ ɓə a Alfa, ɛlɛɛ, a Omega, gɔwɔ tɔɔi, da naa kulɔi. Nui kpələ wɛli kaa mą, ŋą́ gɔ a yá nwun gulɔi yá, a mɛ̨nį nɛ̨ɛ̨.

Timote dɔlɔɔ 1:15

Nwoo ŋɛ̨i kaa a tɛ̨ą woo, mąąnɛ̨ɛ̨ nu kəlee ə ɲee hee mu, ya ɓaa: Jesus Kristə ə pa lɔi mɛ̨i, nɛ̨ŋɛ̨n ɉəɠə nuą nwun mąąɓo mɛ̨nį ɓa, yai ɲą́ą́ ŋɛ̨i, gáá a dɔlɔɔ.

Ɉaan 7:37

Ɉɛli hvóló kpəli, ɓə kɛ a volói tii ɓə kɛ mąą mɛ̨nį nwąnąą; Jesus ə haŋą ə tɔɔ nu kpului tii kəlee ɲɛ̨i ɓa, yɛ diɛ: «Nui kpələ wɛli kaa mą, ə pa bɔ́ ə gbələ.

Ɉeremi 18:14

Ɲái a kulɔ Liban yee hu, yɛ tɛɛ kwɛniɠaa mɛ̨i lɔwɔi, da mɔ̨ɔ̨ nɛɛ laa? Yai a həɠə kwɛa la, a tɛɛyá naɠiɛ lon lon, da mɔ̨ɔ̨ bili? Kpaa-o!

Azaya 55:1

Kaai kpɔ kpələ wɛli kaa kaa, 'ka pa ya kɛɛnąą; ə mą kɛ nu ta kaa laa wali hvo ɲəi, ka pa lɔ, 'ka kɔ̨nɔ̨n vɛli, ka ka laa mįi, 'ka pa ka ka kpələ, yɛ ə kɛ a lɔɔ a wala kɛti nįŋɛ̨ ɲįnįya; wali mɛ̨nį hvo ɉu, hɛn da ya mɛ̨nį hvo ɉu.

Azaya 52:7

Nuąi wɛlɛɛ woo lɛlɛɛ laa həli, di kɔ́wɔ lɛlɛɛi di mu, ɲeeɠaa ton na, diɛi di kaa liilaa woo laahəlii, diɛi da kɛ mɛ̨nį lɛlɛɛ woo laa həlii, diɛi da kɛ nwun mąąɓo loloɓoi; diɛi da kɛ kɛi Siɔn ɓa: Ə́ wɔ Yálái kaa tɔɔlaa kɛi.

Samia Veerɛi 23:15

Davidə ə níiɓa hɛn ɉu hvɛli, yɛ kɛ diɛ: «Ɲálɔwai ŋɛ̨i Bɛtleɛmə daa kpala, gbɛɛ ɓə pai ɉu ya ta tɛɛi bɔ́, ŋą́ gbələ?»

M̀ɛni-lɛɛi 22:17

Kili, ɛlɛɛ, da ɉilɛtai nɛ̨ą, diɛ mą: «'Pá!» Nui a mɛ̨n, ə mu hon yɛ mą: «'Pá!» Nui kpələ wɛli kaa mą, ə pá, ɲái a yɛnɛ̨ɛ̨ tɛɛ nu pɔ, nui nwɛli kaa mą, ə ɉon a mɛ̨inɛ̨ɛ̨.

Lɛɛ gbɔwɔ ɓa 17:6

Gáá pai kɛi ə́ ɲɛ̨itɔwɔ, Horɛbə yee ɓa, gwɛni kpuwulu mɛ̨i; ya pa laa, ə gwɛni kɛlɛ. Yá kaa pai kulɔi ɉu, di di kpələ la.» Həlii di mo ɲee ɓa, Moisə ə gɛ tii. Israɛlə kalanɉonŋąą ɲɛ̨i ɓa, yɛ bələi Yai-Laa ə mo la mą.

Hanwon 25:26

Tələnmomun a too nwąnąlɔmun ɲɛ̨i ɓa, gaa yɛ da yá a nunu nwun gulɔi pələ, yɛ yálɔwa hu ya kalaa.

Zɛnɛse 45:27

Ɉɛnŋąąi Ɉosɛfə ə dɛɛ, bɛlɛɛ nwoo hukulɔ ɓa, di gəlee kɛ Ɉakɔbə ɓa. Yili ɓə tɛɠa Ɉakɔbə lii muhəɠə.

Zasua 22:33

Yili ə Israɛlə lonnii lii hon, di mąąwiɛ tɛɛ Yai-Laa pɔ, ɛlɛɛ, di wɔ kiliŋąhiɛi tii kɛ diɛ, diɛ kɛ di wolo la Rubɛn huwu, Gadə huwu, da di wɔ lɔi ɓa, di di kili həɠə yili nąą.