Hanwon 24:12 - Yálá laawoo hɛɓɛ (dc)

¹² Ə́ kaa kiɛ pai kɛi diɛ: «Ku kili hvo pu ɉu!» Kɛlaa, nui a nu nįį hu kaa, ə gbaɠala kɔ́lɔn. Gaa pai nu kəlee hvɛla kulɔi, yɛ pələi di túwɔ́ pələ kaa la.

Yálá laawoo hɛɓɛ

¹² Ə́ kaa kiɛ pai kɛi diɛ: «Ku kili hvo pu ɉu!» Kɛlaa, nui a nu nįį hu kaa, ə gbaɠala kɔ́lɔn. Gaa pai nu kəlee hvɛla kulɔi, yɛ pələi di túwɔ́ pələ kaa la.

Bible

¹² Ƃà mò yɛ̂ɛ, “Ífe kɛ́ ní a gɔ́lɔŋɔɔ,” Ɣâla é núu-kpune ŋɔkíli-ŋa-siai kɔ́lɔŋ da ǹii-su-mɛni-ŋai. Nyaa ƃé ímaa kpɛɛ̂i. È í kɔ́lɔŋ. A pâi ífela-fei ítii kɛ-perei ma.

Hanwon 24:12 Referans Kwoze

Zôo 34:11

Mąąhɔlɔɓo, nu túwɔ́ pələ ɓə a bɔɔ kulɔ mą, yɛ nu tɛitɛi hon, yɛ bɛli ɉiɛ pələ ɓa.

M̀ɛni-lɛɛi 2:23

Nonnii di wɛi, gáá pai di kɛlɛi a haa; ɛlɛɛ, gbɔn gəlee kaa pai gbaɠala kaa, diɛ kɛ, Ɲą́ą́ ɓə ŋą́, nu kwəi mɛ̨nį da nii hu mɛ̨nįɠaa kaa, ɛlɛɛ, ŋą́ ká tɛitɛi ká hvɛla kulɔ yɛ bələi ká tuwɔ la.

Lomaŋ 2:6

yai pai nu kəlee hvɛla kulɔi yɛ bələi ə túwɔ́ la.

Hanwon 21:2

Nu a ɉiɛ pələ kəlee kaa a ɉaŋąą gbɔwɔ ɲɛ̨i ɓa, Kɛlaa, Yai-Laa ɓə a nuą lii hu kaa.

Ɉeremi 17:10

Ɲą́ą́ Yai-Laa, ɲą́ą́ ɓə ŋį́ nu kwəi kiliŋąhiɛɠaa hu kaa, gɛ́ gwəi kili hu kpɛ. Ŋą́ nu kəlee hvɛla kulɔ yɛ bələi a túwɔ́ la. Yɛ bələi gɛ pələ kaa la.

Ikilisiati 5:8

Yii viɛlaɓoɔ lɔi nuą diɛ, ya ɓaa: tɔɔmun da ə kɛ di yəi, yɛ tíi yɛa kóló ɓɛlɛ kɛ mą. Mąąhɔlɔɓo, yɛa kóló ɓə tɔɔmun gɔ̨nɔ̨n a kulɔ ɉu.

Mąątɛ̨nɛ̨ 121:8

Yai-Laa a ɲɛ̨i kɛ ə́ tɛɛ pələɠaa kəlee hu, ə́ lii, da ə́ pai, ə həɠə yiihu ɓa, ə lɛɛ ɉu, ɲɛ̨n deei hva kɛ mą.

Mąątɛ̨nɛ̨ 121:3

Hva ə́ lɛɛ laa ə́ kɔ́wɔ hvo talaan! Yíi hva tɛɛ a ə́ mąąkpɛmun!

Samuɛlə dɔlɔɔ 16:7

Kɛlaa, Yai-Laa yɛ Samuɛlə ɓa: «Hvo ə́ kili lɛɛ nui ŋɛ̨i koloon ma, da dɔɔmɛ̨i, yili hvəi gáá bɔ. Yii nuą da gaa, yili hvəi; nuą di wɛi, da nu kɔ́lɔ ɓa kaa, Yai-Laa yɛ nu líí hu kaa.»

Mąątɛ̨nɛ̨ 62:12

Yálá ə hvaa lɔ tanɔ̨n, ŋą́ mɛ̨nį hveelɛ ɓə ŋį́ mɛ̨n, doloo ɓaa a: Yálá pɔɔ ɓaa a huwalawalalaa,

Mąątɛ̨nɛ̨ 17:3

Yá gwə́i kili kaa, ə mą kɛ, kpinįi ɓə, yá búlú kwɛli; yáá ɉú kɔ́ɔn, hvó mɛ̨nį ta kaa li. Gɛɛ kíliŋąhiɛ hvo too mą́ą́, yáá mąn gɔlɔn.

M̀ɛni-lɛɛi 22:12

«'Ɓɛ kaa, gáá pai ɉu hvo kwɛa li, ɛlɛɛ, ŋą́ nu hvɛla kulɔ hɛn ə ɓo ɲéé ɲą, gɛ́ pa nu tɛitɛi hvɛla kulɔi yɛ bələi ə tuwɔ la.

M̀ɛni-lɛɛi 2:18

Malakai gbɔn nwun na Tiatirə, hɛɓɛ́ kɛ ə dɛɛ mą: «Yálá Lon nwoo ka, yai ɲɛ̨i kɔwɠaa kaa yɛ nwɔ̨n nən, ɛlɛɛ, gɔwɔɠaa di ɓo yɛ da ɓala-kwɛli hu waa, yɛ diɛ:

M̀ɛni-lɛɛi 1:18

Ɛlɛɛ, a Vúlúmąą; ŋą́ wɔlɔ haa, kɛlaa yiihu, 'ɓɛ káá, gáá kɛa a vúlú a yələ kəlee da nwɔɔ, ɛlɛɛ, ɲą́ą́ ɓə haa ŋą kpon gwɛliɠaa kaa ɲə́i, ɛlɛɛ da ɲąmuątaa.

Korɛntə veelɛ 5:10

Mąąhɔlɔɓo, hvo kɛli gu kəlee gu tɔɔ Kristə ŋą kitii lííla, ə gɛ, mɛ̨nįi nu tɛitɛi ə gɛ nwɔ yɛnɛ̨ɛ̨ yee mu, yɛ ə kɛ a nɛlɛɛ, yɛ ə kɛ a ɲɔ̨nwɔ̨ɔ̨, yɛ mąą hvɛla hɔlɔɓo.

Korɛntə dɔlɔɔ 4:5

Yili ɓa, ká hvo nuą kiti tee nąąlɔwai tɔwɔ, gɛɛ gu Ną́mu hvo pa. Ya ɓə pai, mɛ̨nįɠaai noɔ kpįnįi, gəlee tooi pono ɲą, ə mą kɛ di kwəi kiliɠaa. Yili pulu, nu tɛitɛi da mąąwiɛ hɔlɔɓo Yálá yəi yɛ bələi bɛliɛ la diɛ.

Lomaŋ 2:16

Yɛ bələi nwɛlɛɛ lɛlɛɛ ŋɛ̨i gáá naa həli gaa moi la, yɛ diɛ: Ɲələi Yálá kaa pai nuą túwɔ́ pələ loɔɠaa kiti teei la Jesus Kristə laa hu, ɲələi ti ɓə mɛ̨nį kəlee a too la ponoɲą.

Gɛlaɠaa 17:28

Hvo gaai: Yaa tii ɉu ɓə, gwa yɛnɛ̨ɛ̨ kɛ laa, guɔ gu tumun, guɔ nɔ̨ɔ̨; yɛ bələi ka wɔ mɛ̨nį kɔ́lɔn nuą taɠaa di bɛ̨ɛ̨ la, diɛ kɛ: Gu kaa a ɉuwu ta.»

Maafîu 16:27

Ɓɛlɔwai Nu Lon kaa pai pai la, Nąn Yálá nwɔ mąąwiɛi hu, da nwɔ malakaɠaai, nąąlɔwai ɓə gaa pai nu tɛitɛi kəlee hvɛla kulɔi la, yɛ pələi dúwɔ́ pələ ə kɛ la.

Danîa 5:23

Yaa ə́ muhəɠə Yálá ŋɛ̨i gaa hɛn gəlee nwun mɛ̨i naa ɓa, yaa ɲəi bɛlɛ́n ɉɛnŋaa həɠə, yɛ́, ə́ wɔ wɛli nɛ̨ąąi, ə́ nɛ̨ąni da ə́ wɔ nu kpɛa-kpɛaɠaai, kaa lɔɔ kpələ ɉu. Yili pulu, yáláɠaai ŋɛ̨i di kaa a: wali kwɛli, hɛni, ɓala kwɛli, kwɛli, wulu da kwɛni maahaɠaaɠaa, diɛi di hva kɛɛ kaa, di hva mɛ̨nį mɛ̨n, kili hvo diɛ, kaa kwɛli hvilɛn diɛ, ka hvo gɛ li ka hvo mąąwiɛ tɛɛ Yálá pɔ, yaai ə́ nɔw kaa ɲəi, da ə́ kɛ mɛ̨nįɠaa kəlee.

Ɉeremi 32:19

Ə́ kaa a liɛwoo kɛ mun nɛlɛɛ, mɛ̨nį lɛlɛɛ kɛ mun. Ə́ ɲɛ̨i kaa nu kəlee túwɔ́ pələ ɓa, yá nu kəlee hvɛla kulɔ, yɛ bələi ə túwɔ́ la; yɛ bələi gɛ koló kaa la.

Hanwon 5:21

Ə́ kiliŋąhiɛ, nu kəlee túwɔ́ pələ hu pɔ̨nɔ̨ɔ̨i Yai-Laa ɲɛ̨i ɓa, a gəlee hu kaa.

Mąątɛ̨nɛ̨ 66:9

Yaa tii ɓə gu laa hɔnmoi yɛnɛ̨ɛ̨, hvo gu lɛɛ li laa, guɔ tɔɔ takpa takpa.

Mąątɛ̨nɛ̨ 44:21

Ə li kɛ kwaa kɛ lɛ̨ą ku wɔ Yálái ɓa, kuɔ ku yee hąŋąn nwɛ̨ą yálá pɔ pələ,

Mąątɛ̨nɛ̨ 7:9

Yai-Laa ɓə a lɔiɠaa kiti tee, Yai-Laa, gíti tee yɛ bələi də́lənmoɔi la, yɛ bələi gwə́i kwəlɛɛ la.

Samuɛlə dɔlɔɔ 25:29

Nuą daa di muhəɠə nwɔ́ mɛ̨nį Nąmu laa ɓa, di hvilɛnŋaa bulu, ə gɛ di baa, kɛlaa di ma gɛ tii, nwɔ́ mɛ̨nį Nąmu nwɔ yɛnɛ̨ɛ̨ a lɛɛ Yai-Laa ə́ wɔ Yálá yəi, ə naa hɔn mo. Kɛlaa, ə́ yowoɠaa di wɔ yɛnɛ̨ɛ̨ nwɛi, Yai-Laa a naa vingwɛni hu, ə bili kpɔ kwɛa la.

Samuɛlə dɔlɔɔ 2:6

Yai-Laa ɓə a nu paa, Yaa lɔ ɓə a nu ɓalo, nu a yɛɛ ɲąmuątaa, nu ə kulɔ laa.

Samuɛlə dɔlɔɔ 2:3

Ka hvo ka nwun dɛɠii hvaa ɓo lɔ tii, tɛɠɛɓo ɉu woo hvo kulɔ ka la. Yai-Laa kaa a Yálái mɛ̨nį kəlee kpaɠala kaa mą, ya ɓə a nuą kɛ mɛ̨nįɠaa kiti tee.

Mąątɛ̨nɛ̨ 94:9

Yálái tii wəli kɛ nu ɓa, hva mɔ̨ɔ̨ pɛli mɛ̨nį mɛ̨n ɉii? Yai ɲɛ̨i kɔ́w pɛli, hva pɛli mɔ̨ɔ̨ kɛɛ mąą kpɛɛi?

Hanwon 12:14

Nu tɛitɛi a hɛn ɉɔlɔɓo vaa woo hu, nu kəlee yɛ gɛ koló mąą hvɛla hɔlɔɓo.

Hanwon 5:22

Nwąnąlɔ mun a kɔ a gbɔwɔ kpinįi nwɔ nwąnąlɔɔ ɓaalə. A too gbɔɔ-kpɔɔ nɛ̨ŋɛ̨n diŋɛ̨n ɉu.

Hanwon 16:2

Nu a ɉiɛ pələ kəlee kaa a ɉaŋąą gbɔwɔ ɲɛ̨i ɓa, Kɛlaa, Yai-Laa ɓə ə nu kwəi kiliɠaa kɔlɔn.

Woolaa 3:36

Diɛ nu lonnii hvulu kiti haɠa ɓa, Hɛn Gəlee Nąmu! Hva mɔ̨ɔ̨ kɛ nąą kaai?