Hanwon 23:23 - Yálá laawoo hɛɓɛ (dc)

²³ Tɛ̨ą, kili, nwun gɛ ɉulaa da hutɔɔ, gwɛli; yɛ́ ɉɔlɔɓo, 'hvó nɔwɔtɔɔ.

Yálá laawoo hɛɓɛ

²³ Tɛ̨ą, kili, nwun gɛ ɉulaa da hutɔɔ, gwɛli; yɛ́ ɉɔlɔɓo, 'hvó nɔwɔtɔɔ.

Bible

²³ Kɔ́ a gbanaŋɔɔ a gɛɛ í tɔ̃yâ-laa maa kɔ́ri, táre, sɛŋ maa kɔ́riɛɛ da mɛni-ŋa-kaa. Ífe tèe dîa.

Hanwon 23:23 Referans Kwoze

Hanwon 18:15

Nui nwun gaa ɉu, ya ɓə a kili mɛ̨nį kwɛli, kilimąą mun nwəli a mɛ̨nį kɔ́lɔn gili kwɛli.

Maafîu 13:44

«Yálá-taa tɔɔlaa kaa yɛ, hɛn gɔw yii noɔ tíi hu. Yii hulɔnu ta ə li, ə gaa, ə pənə ə mɛ̨i kpulu. Gwəi ə nɛ̨ɛ̨ kpɔ kɛnɛ̨, ə li ə ɲəi hɛn gəlee lɔwɔ́tɔɔ, ə pənə ə pa, ə díi tii ya la.»

Mąątɛ̨nɛ̨ 119:72

Tɔn nwooi a kulɔ ə́ la, yili hviɛlaɓoɔi mą́ą́, ə tɛɛ hɛni da wali puɔ gee mɛ̨i ɓa.

Hanwon 16:16

Kili hviɛlaɓoɔi, hɛni hu waa kɛɛ nu yəi ɓa. Nu nwun gɛɛ ɉu hviɛlaɓoɔi ə tɛɛ wali kɛɛ nu yəi ɓa.

Hebreu 11:26

Ə Kristə ŋą mɔ̨nɔ̨i kaa a hɛn viɛlaɓoɔ ə tɛɛ Eziptə hɛn gɔw ɓa. Mąąhɔlɔɓo, ɲɛ̨i heɛi kɛ hvɛla kulɔ ɓa.

Azaya 55:1

Kaai kpɔ kpələ wɛli kaa kaa, 'ka pa ya kɛɛnąą; ə mą kɛ nu ta kaa laa wali hvo ɲəi, ka pa lɔ, 'ka kɔ̨nɔ̨n vɛli, ka ka laa mįi, 'ka pa ka ka kpələ, yɛ ə kɛ a lɔɔ a wala kɛti nįŋɛ̨ ɲįnįya; wali mɛ̨nį hvo ɉu, hɛn da ya mɛ̨nį hvo ɉu.

Hanwon 10:1

Kilimąą lon gaa a nąn nwɔ kwəinɛ̨ɛ̨, kilikpɛɛgwəi lon ə ɓo a nee nwɔ liihɛlɛn.

Mąątɛ̨nɛ̨ 119:127

Nwɛ́i, ə́ wɔ tíɓoɠaai wɛli kaa mą́ą́, dɛɛ hɛni ɓa, ə mą kɛ hɛni hu waa kpɔ hva-hva.

M̀ɛni-lɛɛi 3:18

gáá ə́ liɛwoo kɛi, gɛ́ ə́ pa, ə́ hɛni huwaa nwɔ̨n ɉu yá, ɲɛ̨́i, əgɛ, ə́ yee la ə hvoloon, ɛlɛɛ, ə́ həɠə kwɛlɛɛɠaa yá, ə́ ə́ tənə mąą kpulu la, əgɛ, ə́ kpuwulu kaa nwumɛ̨ hvo hee yɛ́, ɛlɛɛ, ə́ ɲɛ̨inwąną hali yá, ə́ ɉiɛ ə́ ɲɛ̨i, ə́ ɲɛ̨i ə kɛɛ mąą kpɛɛ.

Maafîu 16:26

Nu a yɛnɛ̨ɛ̨ hɛn gɔw kəlee hɔlɔɓo, ə hvɛɠɛ a nwɔ yɛ̨nɛ̨ɛ̨, yili dɔlɔ ɓaa a lə?

Maafîu 13:46

Ə da kaa yii Ɉɔnwɔ kɛnɛ̨, ə ɲəi hɛnŋąą kəlee lɔ́wɔ́ tɔɔ, ə Ɉɛni tii ya a nwali.»

Hanwon 17:16

Wali kɛɛ kilikpɛɛgwəi mun ɲəi, dɔlɔ ɓaa lə? A pɛli mɔ̨ɔ̨ kili hɔlɔɓoi la? Kili hvo yaai tii mą.

M̀ɛni-lɛɛi 12:11

Kɛlaa, di wɛi, di yee aa tɛɛmą mɛlaa lon ɲąmą haalai, ɛlɛɛ, da nwoo tii di kɛli mąą kɛla hvaa ɓoi. Di hvo kɛ di di wɔɔ yɛnɛ̨ɛ̨ wɛlilakɛ li, ə lɛɛ ɉu di haa.

Gɛlaɠaa 20:23

Kɛlaa gílí kaa ɉu, gɛ́ Kili-Mąąhəɠɛɛ kaa moi mą́ą́ daa tɛitɛi hu, yɛ, yɔwɔn da mɔ̨nɔ̨ ɓə mą́ą́ kpɔn ɉi.

Hanwon 9:8

'Hvó yɛlɛkulɔ ɉumun ɉutɔɔ, ə́ wɛli hvo pa kpɛɛ mą. Kɛlaa, yá kilimąą mun ɉɔn nɛ mą, a ə́ wɛlilakɛ.