Hanwon 23:21 - Yálá laawoo hɛɓɛ (dc)

²¹ Mąąhɔlɔɓo, lɔɔ kpələmun da kwəi kɛnɛ̨mun da too yeehowololaa hu; ɛlɛɛ, yíi kɛnɛ̨ a həɠə haɠa too nu kwąną.

Yálá laawoo hɛɓɛ

²¹ Mąąhɔlɔɓo, lɔɔ kpələmun da kwəi kɛnɛ̨mun da too yeehowololaa hu; ɛlɛɛ, yíi kɛnɛ̨ a həɠə haɠa too nu kwąną.

Bible

²¹ Lɔɔ-kpeleɛ ŋánaa da mii-sɛŋ-wɛli a pâ a kôlo-laa núu pɔ́. Seɣe a pâi sâai yâ à kɛ̀ ya kɛ̀ nɔ́ mii-sɛŋ miî íkɛ nyìi a ŋánaa.

Hanwon 23:21 Referans Kwoze

Hanwon 21:17

Nui pə́lə́ wɛli kaa mą, a lɛɛ a yeehvowolomun, nui lɔɔ wɛli kaa mą da kɔ̨nɔ̨n gɛnɛ̨, hvo pai kɛi a hɛn nąmu.

Filipə 3:19

Di kaa di kpɔɔ nwun na pilii, mąąhɔlɔɓo, di wɔ Yálá ɓaa di kolon. Mɛ̨nįi a di nwumɛ̨, ya ɓə da di kwəinɛ̨ɛ̨ ɉu, ɛlɛɛ, di wɔ kiliŋąhiɛ ka lɔ ɲɛnɛ̨ɛ̨ ŋɛ̨i hu hɛnŋąa diɛ.

Galatə 5:21

hɛn nwɛlilaa, lɔɔ kpələ kpɔn, yɛlɛkulɔ ɉu da yiiɠaa kpɔ da diɛni da li di kee pɔ, ɛlɛɛ, mɛ̨nįɠaa tii kɛ nuą; gáá kpɔ nąą kili tooi ká ɲą, yɛ bələi ŋį́ mo la káá, dɔ̨nɔ̨ kpɛli hvo pai nwɔɔ nąą hɔlɔɓoi Yálá ŋą tɔɔlaai hu.

Korɛntə dɔlɔɔ 5:11

Kpələ! Ŋą́ mo ɉɛɓɛ́ hu, gɛ́i: Nui gu Nąn naa kaa mą, mąą nu a kɛ a wɛlikɛnmun, awala kɛ tii, a kɛ a hɛn nwɛlimun, a nui a kwɛli hvilɛn hali ɓa, a wala kɛ tii, a laa kalamun, a lɔɔ-hon, a nwuɔ̨mun; ká nu taaləi ti ká mąą mɛ̨nį ta hvo pɛlɛ gee ɓa, 'ká hvo mąn kɔ̨nɔ̨n mįi gee ɓa.

Hanwon 19:15

Hviɲɛ a nu kɛ a nu ɲą́ą́, nui vįikpɛɛ, ya ɓə pulu a baa.

Dutɛrɔnome 21:20

Diɛ galanɉonŋąą diɛ: «Ku lon ga, hva ku woo mɛ̨n, ɛlɛɛ, aa gwɛli tee, aa nwɔ yɛnɛ̨ɛ̨ hon a ɲɔ̨nwɔ̨ɔ̨ yɛ ɓo lɔ hvóló kəlee a lɔɔ hon.»

Korɛntə dɔlɔɔ 6:10

ə kɛ a nwuɔ̨ nuą, ə kɛ a wɛa hɛn ɉəɠə nuą, ə kɛ a lɔɔ honŋaa, ə kɛ a nu laa kala nuą, ə kɛa gbąną-gbąną hɛn ɉəɠə nuą; di tai lɔpee heei hvo Yálá nwɔ tɔɔlaai hu.

Zooɛ 1:5

Lɔɔ gɛlɛɠaa! 'Ka nwun, 'ka ka wɔlɔ! Kaai kpɔ a lɔɔ kpələ nuą; 'ka ka woolaa. Mąąhɔlɔɓo, daa lɔɔ nįnɛ̨ kulɔ ka laamu.

Maafîu 11:19

Nu Lon ə pa, yɛ kɔ̨nɔ̨n mį́į́, yɛ gbələ. Diɛ kɛ mą: ‹Nui ŋɛ̨i nwɛi, gwəi kɛnɛ̨i, yɛ lɔɔ kpələ, yɛ ɓo a nįįhɔ̨nwɔ̨ kulɔ nuą da mɛ̨nį ɲɔ̨n gɛ nuą di ɓɛlan.› Kɛlaa, Yálá kɔ́lɔn gili ə lɛ a ɉaŋąą dúwɔ pələɠaa hu.»

Hanwon 18:9

Nui a gɛ koló kɛ a hviikpɛɛ, gaayɔwɔ ɓaa kɛɛ kalamun.

Ikilisiati 10:18

Hviɲɛ̨mun mə, nwɔ pɛ́lɛ́i gɔnma a kulɔ, bɛlɛ́ yɛ pu mɛ̨i. Hvįikpɛɛmun mə ya a lɔ ɲəi bɛlɛ́n.