Hanwon 23:18 - Yálá laawoo hɛɓɛ (dc)

¹⁸ Mąąhɔlɔɓo, yili ɓə ə́ tinąą kaa ɉu, ɛlɛɛ, ə́ wɔ kilitɔɔi hva kala.

Yálá laawoo hɛɓɛ

¹⁸ Mąąhɔlɔɓo, yili ɓə ə́ tinąą kaa ɉu, ɛlɛɛ, ə́ wɔ kilitɔɔi hva kala.

Bible

¹⁸ Núu fa pɔ̂ri íkili kɛ́-zui kulâi íyêei kpɛ́ni fêi, tínaa-tuɛ-pere káa ma.

Hanwon 23:18 Referans Kwoze

Hebreu 10:35

Ka hvo lɛ̨ą ka wɔ kilitɔɔmąą laa ɓa, hvɛla kulɔ kɛnɛ̨ɛ̨ kaa ɉu.

Mąątɛ̨nɛ̨ 9:18

Nuąi da di woo kala, di pənə tai, di li ɲąmuątaa, a nu huwuɠaai kpɔ tii da lɛ̨ą Yálá ɓai.

Ɉeremi 29:11

Ɲą́ą́ Yai-Laa, mɛ̨nįi ŋą́ mąą kili tee gwə́i, yɛ hvilɛn na káá, gbaɠala kaa mą́ą́. Gaa a ka wɔ nwun na nɛ̨ɛ̨ mɛ̨nį, hvo a mɛ̨nį ɲąąnwąnąą, liilaa yɛnɛ̨ɛ̨ ɓə, ŋį́ ɉee ka tɔwɔ, ŋį́ ka tinąą tɔwɔ hee a nwun na nɛ̨ɛ̨.

Hanwon 24:14

Ə́ kili ə pu ɉu, yɛ́ kɛ pələ lɔ ɓə kili mɛ̨nį kaa la yɛ́, yá kili hɔlɔɓo, ə́ kaa pai yɛnɛ̨ɛ̨ kɛi, ə́ wɔ kilitɔɔ mąą hva kala, ə́ tinąą ə lɛlɛ.

Filipə 1:20

Yɛ bələi ɲɛ̨́i kaa la dɔwɔ a nwalawalaa, gílitɔɔ la mą, və́ pai nwumɛ̨i, kəlee, nwɔ́ kilitɔɔmąą laa kaa kpɔlɔɔ ɲee tɔ̨nɔ̨ mɛ̨i, yiihu, ə mą kɛ, a yələ kəlee, Kristə laa kaa pai tɛi ŋą́ yɛnɛ̨ɛ̨ hu, a pɛli ə kɛ, vúlú kɔwɔ ɲą, awala kɛ tii, a ɉáá mɛ̨nį.

Hanwon 24:20

Mąąhɔlɔɓo, mɛ̨nį ɲɔ̨n gɛ nuą di tinąą hvo diɛ; ɛlɛɛ, mɛ̨nį ɲɔ̨n gɛ nuą di wɔ nwɔ̨n a luwun.

Mąątɛ̨nɛ̨ 37:37

'Ə́ ɲɛ̨i hee tai nu lɛlɛɛ ɓa, kwəi kwələ mun gaa tai, líikpələmun ɉuwu a ɓɛlɛ.

Lukə 16:25

«Abrahamə yɛ mą: ‹Nón! Ə́ kili ə pu ɉu yɛ kɛ, ɓɛlɔwai ə́ kɛ la yɛnɛ̨ɛ̨, ə́ mɛ̨inɛ̨ɛ̨ɠaa hɔlɔɓo; Lazarə nwɛi yɛ mɔ̨nɔ̨ mį́į́. Yiihu, yaa kpɛli gaa ɓɛ nɛ̨ɛ̨ hu; yɛ́ kpɛli yɛ kɛa mɔ̨nɔ̨ mį́į́.

Mąątɛ̨nɛ̨ 19:11

Viɛlaɓɔɔi ə tɛɛ hɛni ɓa, dɛɛ kpɔ hɛni waa kpulu tamąą ɓa. Nɛ̨ɛ̨i dɛɛ kwɛ̨inwulɔ ɓa, dɛɛ kpɔ kwɛ̨i gulaa nįnɛ̨ ɓa.

Mąątɛ̨nɛ̨ 58:11

Tələnmolon, a nwąną kulɔi kaa, gaa pai kɛi kwəinɛ̨ɛ̨ kulɔi, gaa pai gɔwɔ mąą waai nu ɲɔ̨nŋaa ɲąmą hu.