Hanwon 23:10 - Yálá laawoo hɛɓɛ (dc)

¹⁰ Ka ɲɛ̨n ŋɛ̨i wɔlɔ di dɔɔ, 'hvó laŋin mɛ̨i, 'hvó təlilon nwɔ kɛɛnąą kulɔ ɲəi.

Yálá laawoo hɛɓɛ

¹⁰ Ka ɲɛ̨n ŋɛ̨i wɔlɔ di dɔɔ, 'hvó laŋin mɛ̨i, 'hvó təlilon nwɔ kɛɛnąą kulɔ ɲəi.

Bible

¹⁰ Ífe ǹɔii kóyaŋ ma kɔni-ŋai kûla dítɔ̂ɔi nyii ínuu-pɔlɔ-ŋai dí bìlaŋ naai, kpaa máŋ í tee-loŋ ŋɔlɔii kúla ǹyêei.

Hanwon 23:10 Referans Kwoze

Hanwon 22:28

Nɔi ɲɛ̨n wɔlɔ ə́ nąnni di naa, hvó ɉəɠə naai.

Zakari 7:10

'Ka hvo ka yee pənə kalanin da təlilon di hu, ə mą kɛ, nwɛ̨ą, da yeehvowolomu. Nu ta hvo mɛ̨nį ɲɔ̨nwɔ̨ɔ̨ mąą kili tee gwəi yɛ hvilɛn na mɛlan gaalon ma.»

Dutɛrɔnome 27:17

«‹Nui a mɛlan mun nwɔ lɔi ɲɛn ɉəɠə naai! Yálá! Nɛ̨ŋɛ̨n ə laa!› Nɔi lonnii kəlee di mu hon diɛ mą: ‹Mįįną!›

Zĩi 1:27

Yálá kɔ́lɔn bələi mąąhəɠɛɛ, ɉaŋąa gu Ną́n Yálá ɲɛ̨i ɓa, ya ɓaa: Nu yɛ kpɔnmąą tɛɛ təlilɛaa da galaninŋaa pɔ di wɔ mɔ̨nɔ̨ hu; yɛ gbɔwɔ huhon yɛnɛ̨ɛ̨ hu, hvo pa kɔhɔɓo.

Ɉeremi 22:3

Yai-Laa yɛ ka mɛ̨nį ɓo a tɛ̨ą da tələnmolaa. Nui daa hee mɛ̨i, 'ká gulɔ ɲəi kɛ. Yɛ ə kɛ a nwɛ̨ą, yɛ ə kɛ a təlilon da kalanin, 'ká hvo hee da mɛ̨i, 'ká hvo da mɔ̨nɔ̨ɓo. 'Ká hvo kwəi kwələ mun ɲąmą pu gɛɛnąąi ŋɛ̨i ɓa.

Dutɛrɔnome 19:14

Ka hvə ka ɓɛlan nwɔ lɔi ɲɛn mąąhvalin, ka nɛɛ lɔ yɛ bələi nu tɔlɔ-tɔlɔɔɠaa kɛ laa heeni, di ka lɔwai ɲɛn naa la. Ka kwɛlin tii ka ɉɔlɔɓo nɔi Yai-Laa ka wɔ Yálá ə dɛɛ ka pɔ ɉu.

Malasi 3:5

A tɛ̨ą, Yai-Laa Mɛ̨nį Kəlee ŋą Hééɓomun nwoo ka, yɛ diɛ: Ŋą́ pa, ŋą́ hee ka lɔwai, ŋą́ ka mąą mɛ̨nįɠaa hutɔɔ. Ŋą́ haŋą həɠə-hɛn nąmįną diɛ a mąą hulaa; diɛi da kɛ wɛli hon ɉi, diɛ di kwɛla a lɛɛ, diɛ kólo kɛ nuą hvɛla kulɔ di yəi, diɛ too təlilɛa da galaninŋaa mɛ̨i, diɛ nwɛ̨ąą yee kpɛlaan, diɛ hɛn gulɔ di yəi; ɛlɛɛ, da nuąi di hva ɲɔw mą́ą́.

Ɉeremi 7:5

Kɛlaa, 'ka tɔɔ kpɔ a ka nwąnąąi, ka ka túwɔ́ pələ haŋą, ka ka hiɛ pələ ɲɛlɛ kɛ yɛ bələi viɛlaɓoɔ la. 'Ka kiti tee a ɉaŋaa nuą lɔwai.

Mąątɛ̨nɛ̨ 94:6

Di kaa kalanin da nwɛą di paai, diɛ təlilɛa nwun na pili.

Zôo 22:9

Yɛ́ kalanənŋąą kpɛ, hɛn da hva kɛ di yəi, yɛ́ təli lonnii yee wolo.

Zôo 6:27

Ka lɛɛ kpɔ kɛa ɉu, kaa təlilon gɔ́ a kpɛɛ, kaa ka nɛ̨ɛ̨yɔwɔ lɔwɔ́tɔɔ.

Zôo 24:9

Da ɲįnį kulɔ təliɠaa la, diɛ tolaa həɠə yeehvowolo nuą yəi,

Lɛɛ gbɔwɔ ɓa 22:22

Yá di hon a wea pələ, da wɔlɔ, ŋą́ di woo mɛ̨n,

Hanwon 15:25

Yai-Laa a kpɔwɔ ɲąą kɛnɛ̨ nuą di wɔ pɛ́lɛ́i pu, Kɛlaa, a kalanən nwɔ lɔi mąą kwəli kwɛnąn nwulu hu lɔ a nwalawalaa.

Ɉeremi 7:6

'Ka hvo too nwea mɛ̨i! 'Ka hvo too təlilon mɛ̨i da galanin Nɛ̨ɛ̨nu! 'Ka hvo kwəi kwələ mun ɲąmą pu gɛɛnąą ŋɛ̨i ɓa! 'Ka hvo hvilɛn haliɠaa pulu, ka nwun na pili mɛ̨nį li.