Hanwon 22:9 - Yálá laawoo hɛɓɛ (dc)

⁹ Nui nwɔ kɛɛ kaa lɛlɛɛ, a lúwɔ́ hɔlɔɓo, mąąhɔlɔɓo, aa nwɔ kɔ̨nɔ̨n ta tɛɛ yeehvowolomun bɔ.

Yálá laawoo hɛɓɛ

⁹ Nui nwɔ kɛɛ kaa lɛlɛɛ, a lúwɔ́ hɔlɔɓo, mąąhɔlɔɓo, aa nwɔ kɔ̨nɔ̨n ta tɛɛ yeehvowolomun bɔ.

Bible

⁹ Ǹúui nyii ǹyée foaŋɔɔ̂i ma sɛŋ kɔlɛ mɛni mai, a pâi lûwa sɔlɔ ƃôi kpɛ́ni fêi a mii-sɛŋ tɛ̀ɛ kôlo-nuu pɔ́.

Hanwon 22:9 Referans Kwoze

Hanwon 19:17

Nui a mąąwɛlimun mąąwɛli kaa, aa kwələ tɔɔ Yai-Laa ɓa, gaa pai pənəi ə bɔɔi tɛɛ bɔ.

Hebreu 6:10

Ɛlɛɛ, Yálá hvo hvulu li, hva pɛli lɛ̨ąi ka kɛ mɛ̨nį nɛ̨ɛ̨ɠaai ka káá gɛi, diɛ, gəlee ə mą kɛ, wɛlikɛmąąlaai ká kɛi tí la kristalɛa diɛi, diɛi wɔlɔ kɛ laa, ə mą nwɔ̨nɔ̨ kɛ, háákələi.

Piɛrə dɔlɔɔ 4:9

'Ká ká yee hee nu kəlee mu a kwəi kwɛlɛ laa, 'ká hvo ɉaa.

Gɛlaɠaa 20:35

Mɛ̨nį kəlee hu, yii ŋį́ nɛ kaa ya ɓaa: Mąąnɛ̨ɛ̨ nu kəlee di kólo kɛ, ya ɓə a gɛ gu kpɔnmąą tɛɛ mąąwɛli nuą pɔ. Ka gu gu kili lɛɛ gu Ną́mu Jesus woo hu, yii ə mo yɛ diɛ: ‹Nui kɔ́ɓo kɛi, gwəinɛ̨ɛ̨i ə tɛɛ nui di kaa gɔi mą.›»

Hebreu 13:16

'Ká gu hvo lɛ̨ą mɛ̨nį lɛlɛɛ kɛɛ ɓa, ɛlɛɛ, guɔ kpɔnmąą tɛɛ gbɔn ɉu lonnii pɔ, mąąhɔlɔɓo, ɉaláá hɛn taaləi tii ɓə a Yálá liihon.

Lukə 14:13

Kɛlaa, yaa kɛi nuą təli hɛli kɔ̨nɔ̨n ma, gɛ a yeehvowolo nuą, kpɛɠii ɲɔ̨n gɛ nuą, kɔ́wɔ nwaną nuą da ɲɛ̨ipu nuą.

Azaya 32:8

Kɛlaa, kaalon nwɛi, kaalon giliŋąhiɛ ɓə gaa mą, ɲɛ̨i pɔ̨nɔ̨ mɛ̨nįɠaa lɔ ɓə a ɲee lɔ ɉu.

Hanwon 21:13

Nui a nwəli laa kpulu mąąwɛlimun domą woo tɔwɔ, gaa pai təliɓo kɛi yaa kpɛli, di hva nwoo mu hon.

Mąątɛ̨nɛ̨ 112:9

A mɛ̨inɛ̨ɛ̨ kpɛa-kpɛa kɛ yeehowolo mun ma, nwɔ tələnmolaa kaa a yələ kəlee mɛ̨nį, a nwun muhəɠə a ɲɛ̨i pono.

Hanwon 11:25

Nui ɲee kaa mą hvɛa-hvɛa mɛ̨inɛ̨ɛ̨ kɛi, ya ɓə ɲee laa a hvoloon. Nui a kpələ wɛli kulɔ nu ɓa, kpələ wɛli hva baa.

Markə 7:22

nwɛli hon ŋąą, nu ɲɛ̨i kulaa ə ɓɛlan ɲei hɛn ɓɔ a ɲɔ̨nwɔ̨ɔ̨, gbąną laa mɛ̨nį, mɛ̨nį pili ɉu kɛɛ, tolo ɲɔ̨nwɔ̨ɔ̨ kulaa, lalan biliɛ, kpɔnŋąą kɛnɛ̨, ə mą kɛ da kilikpɛɛɲei laa.

Maafîu 20:15

Akɛti, vá pɛli nííɓa kɛi mɔ̨ɔ̨ ɲə́i hɛn gɔw hu? Mɛ̨inɛ̨ɛ̨ ŋɛ̨i ŋį́ gɛ yili mąątóló ɓə ə́ kaa gulɔi?›»

Dutɛrɔnome 28:56

Nɛ̨ɛ̨nui gaa ka lɔwai yɛ ɲɔw Yálá ɓa, yɛ mɛ̨nį ɲɔ̨n mąą laa, nə́ŋə pələ hva hvaa mą hvo gɔwɔ hvilɛn lɔi ɓa; gaa pai ɲɛ̨i ɲɔ̨nwɔ̨ɔ̨ heei naa bulu hilɛ ɓa, ə mą kɛ, gaa gwəi lonnii diɛ.

Hanwon 31:20

Ɲee hvo kanąn ni mą mąąwɛli nuą tɔwɔ, a yeehowolo nuą kɔ́.

Hanwon 11:17

Nɛ̨ɛ̨nui yii aa ɉilɛ dɔlɔɔ lɛɛ, mįnɛ̨i ŋɛ̨i ə ɉəɠə Yálá ɲɛ̨i ɓa, aa lɛ̨ą ma, hva too nwɔ hɛlɛn ŋą.

Hanwon 11:27

Nui gaa bɔ ə túwɔ́ a nɛlɛɛ, nuą da mąątɛ̨nɛ̨. Nui a mɛ̨ni ɲɔ̨n bɔɔkpɛ, mɛ̨ni ɲɔ̨n a wolo mą.

Hanwon 14:21

Nui a tɛɠɛ ɓo mɛlan gaalon ɉu, nɛ̨ŋɛ̨n ni. Kɛlaa, nui a yeehvowolo nuą mąąwɛlikaa, lúwɔ́ lon ni.

Hanwon 28:24

Nui a nwuɔ̨ kɛ nąn da nee diɛ, yɛ kɛ diɛ nɛ̨ŋɛ̨n vəli, da lɔi kalamun di tɔɔi kaa kpɔlɔ tanɔ̨n.

Hanwon 28:27

Nui a mąąwɛlimun gɔ́, hɛn da mąąkanąn va hee mą. Nui hvo bɔ hvo ɲɛ̨i lɛlɛɛ hee mąąwɛli nuą diɛ, nɛ̨ŋɛ̨n naa kaa mą.