Hanwon 22:7 - Yálá laawoo hɛɓɛ (dc)

⁷ Hɛn gɔw nąmu a hee yeehvowolomun mɛ̨i, kwələ tɔɔ mun nwɔ luwɔ ɓaa kwələ həɠə mun.

Yálá laawoo hɛɓɛ

⁷ Hɛn gɔw nąmu a hee yeehvowolomun mɛ̨i, kwələ tɔɔ mun nwɔ luwɔ ɓaa kwələ həɠə mun.

Bible

⁷ Wála-wala-laa káa tɔɔ-nuu yêei kôlo-nuu mɛi. Kpa-soŋ-nuu káa a kpa-pili-nûu ŋɔluɛ.

Hanwon 22:7 Referans Kwoze

Tɔɔɓɛlaa veelɛ 4:1

Yálá kwəi mɛ̨nį hukulɔ mun da nɛ̨ą ə pa a yələ ta, yɛ Elise ɓa: «Elise! Ə́ kili kaa ɉu yɛ́ ə́ wɔ tímun da nɛ̨ą ɓaa a ɲą́ą́, kɛlaa, aa haa. Yaan, ə́ gɔlɔn yɛ́ diɛ, ə kɛi ɲɔw Yai-Laa ɓa. Ya ka tii, nuąi kwələ tɔɔ mą, dɔ̨nɔ̨ aa pa, yɛ ə nónnii hveelɛi ŋɛ̨i həɠə a doláá.»

Hanwon 22:16

Nui a mɔ̨nɔ̨ laa yeehvowolomun mɛ̨i, a lɛɛ ɉu, ɲeehvowolomun tii ə kɛ a hɛn nąmu. Nui a hɛn gɔw nąmu kɔ́ hɛn, a gbɔwɔ hvɛɠɛ.

Hanwon 18:23

Yeehvowolomun a pələ ɓo a nɛ̨ɛ̨ mąą hvə pələ, hɛn gɔw nąmu yɛ nu woo hutoo a hilɛwoo.

Zĩi 2:6

Kɛlaa, ka wɛi, ká yeehowolomun mɛlɛ too. Kɛlɛi ɉɛn gɔw nąmįną ɓə da kɛ ka mɔ̨nɔ̨ɓoi-e? Kɛlɛi, diɛ lɔ ɓə nwɔ̨nɔ̨, da kɛ lii a káá kiti pɛlɛ́ la-e?.

Maafîu 18:25

Ɉulɔnui tii di paa la, yii kɛa hɛn da hvo kɛ ɲəi yii a pɛli kɛ mąą kwələ kulɔi la, gwələ nąmu ə mo yɛ diɛ: Ka li ka nɔwɔtɔɔ, yaa da ɲəi hɛnɉaa kəlee, ə mą kɛ nɛ̨ą da nonnii; ə gɛ, lɔ nwɔ kwələ kulɔi ə hɔlɔɓo.

Hanwon 22:22

'Hvó ə́ mɛ̨n mąąwɛlimun nwɔ mąąwɛlilaa ɓa, 'hvó mąą kpoloon. Nui dɔɔ bulu hvo mą, 'hvó naanɔ̨nwɔ̨ ɓo.

Hanwon 14:31

Nui a hee mąąwɛlimun mɛ̨i, gaa mąąwɛlimun tii pɛli Yálá lalan ɉii. Kɛlaa, nui a mąąwɛli nuą mąąwɛli kaa, a Yálá mąąwiɛ.

Zĩi 5:1

Káá ɓaa, hɛn gɔw nąmįną, ká wɔlɔ, ká ká woolaa mɛ̨nį ɲɔ̨n pai həli káá, mąą mɛ̨nį ɓa!

Amɔsə 8:6

Kaa kɛ diɛ: Túwɔ́ lɔwɔi ŋɛ̨i ə tɛɛ ɉa, ə gɛ, ku mąąwɛli nuą ya a wali. Ku yee hvowolo nuą ya a kɔ́wɔɲą kɔ́lɔ, Ku mɔ̨nunŋaa lɔwɔ́tɔɔ, ku və́leeɠaa kəlee lɔwɔ́tɔɔ.»

Amɔsə 8:4

Kaa yii ka kɛ mąąwɛli nuą tan ɉii a ka kɔ́wɔ, kaa kɛ ka kpɔɔmąąyɛɛ nuą kulɔ nɔi, 'ka ka wəli tɔɔ!

Amɔsə 4:1

'Ka ka wəli tɔɔ nwooi ŋɛ̨i ɓa, kaai a Samari nɛ̨ąą, a Basan nįŋɛ̨ haaɠaa. Ka kɛ tooi mąąwɛli nuą mɛ̨i, kaa di kwɛlin ɉəɠə, kaa di laanɔ̨nwɔ̨ ɓo, kaa kɛ ka hilɛni diɛ: «Ka pa a hɛn da, ku gbələ.»

Azaya 24:2

Ɉaláá laa həli nuą, da nɔi lonnii, luwɔ nąmu, da nwɔ luwɔi, luwɔ leenɛ̨ą, da nwɔ luwɔ nɛ̨ɛ̨nu, lɔwɔtɔɔmun, da lɔwɔtíɲɛ̨ yamun, hiɲɛ̨n gɛmun, da hɛn nąmu, kwələ tɔɔmun, da kwələ həɠəmun.

Zĩi 5:4

'Ká ɓɛ kaa tai! Nuąi kɛi kólo kɛ ka yəi ɲɛa, di halai ká ká yee kanąn mą, gaa tomąi, góló kɛ nuą wɔlɔ woo aa too Mɛ̨nį Kəlee ŋą Hééɓomun nwəlii.

Amɔsə 2:6

Yai-Laa ə mo yɛ diɛ: Mɛ̨ni tɔ̨nɔ̨ hvəi gɛi gɛ́ haŋą Israɛlə nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mɛ̨nį ŋį́ gbən dee, və́ pai ɉəɠəi mą. Mąąhɔlɔɓo, daa tələnmomun dɔ̨nɔ̨ lɔwɔ́tɔɔ, ə gɛ, di wali hɔlɔɓo. Diɛ mąąwɛli mun nɔwɔtɔɔ, di kɔ́wɔ ŋą kɔ́lɔ tɔ̨nɔ̨ gbən hɔlɔɓo mɛ̨nį ɓa. Di yili kɛ tii, mąąhɔlɔɓo, yili hvo pɛli li maa kwələ kulɔi.