Hanwon 22:29 - Yálá laawoo hɛɓɛ (dc)

²⁹ Yá nu kaa ɲɛlɛɛ di kɛ koló hu, hva lɛɛ noo pələi, Gaa pai kɛi a tɔɔɓɛlaa di wɔ tímun.

Yálá laawoo hɛɓɛ

²⁹ Yá nu kaa ɲɛlɛɛ di kɛ koló hu, hva lɛɛ noo pələi, Gaa pai kɛi a tɔɔɓɛlaa di wɔ tímun.

Bible

²⁹ Ƃa yɛrɛ-tii kɛ́-nuu kâai, a tíi kɛ̀ nɔ́ kâloŋ-ŋa dîɛ. Va tíi kɛ̀ nûa dîɛ nyii-ŋai dítɔɔ̂i fé kɛ́tɛ-nii.

Hanwon 22:29 Referans Kwoze

Tɔɔɓɛlaa dɔlɔɔ 11:28

Ɉeroboamə ə kɛ a nu wala wala ta, a nui kɛ di laana. Salomɔn ə naŋąlon tii nwɔ kóló kɛ pələ kaa, yili ɓə gɛ yɛ ɉəɠə la ɉu, yɛ ɉee Ɉosɛfə nwɔ pɛlɛ́ kóló mɛ̨nįi nwun na.

Maafîu 25:21

«Nąmu yɛ mą: ‹Yaa gɛ a nəlɛɛ, kólo kɛmun dəlimoɔ ɓaa yɛ́. Yaa tələnmolaa kɛ mɛ̨nį logolo hu, gáá pai gáá pai ə́ heei mɛ̨nį kɛnɛ̨ɛ̨ nwun na. Pa ə́ hee gwɛ́lɛ kwəinɛ̨ɛ̨ hu.›

Hanwon 12:24

Nui nwalaa, gaa pai tɔɔlaa kɛi; Kɛlaa, hviɲɛ kulɔmun nwɛi, hvɛɛ da gbaan goló laa mą.

Hanwon 10:4

Nu yee ɲą laɠiɛ, a gɛ a yee hvowolomun, Kɛlaa, koló kɛ yee a nu tɔɔ.

Maafîu 25:23

«Nąmu yɛ mą: ‹Yaa gɛ a nəlɛɛ, kólo kɛmun dəlimoɔ ɓaa yɛ́. Yaa tələnmolaa kɛ mɛ̨nį logolo hu gáá pai gáá pai ə́ heei mɛ̨nį kɛnɛ̨ɛ̨ nwun na; pa ə́ hee gwɛ́lɛ kwəinɛ̨ɛ̨ hu.›

Ikilisiati 9:10

Yii kpɔ ə́ yee a pɛli mą, gɛ a huwalawalai gaa ə́ yəi. Mąąhɔlɔɓo, ɓɛi ə́ kaa pai lii laa haaɓɛlaataa, kóló hvo laa, mɛ̨nį dɛ̨ą kwɛliɛ hvo laa, mɛ̨nį kɔ́lɔn ŋąą hvo laa da kili mɛ̨nį.

Zɛnɛse 41:46

Ɉosɛfə kaa kwɛlan ə kɛ pow haaɓa, ɓɛlɔwai di gulɔ la gaho pɛlɛ́ mu, diɛ paa la tɔɔmun nííla. Ɉosɛfə həɠɛɛ laa, ə kɛi tɛɛ Eziptə lɔi hu.

Lomaŋ 12:11

'Ká hvo hviɲɛ kulɔ, ka kólo kɛ a hvaŋą lɔ laa, ka tí gu Nąmu ɓa ka kwəi tɔ̨nɔ̨ mɛ̨i.

Tɔɔɓɛlaa dɔlɔɔ 10:8

Ə́ wɔ nuąi nwun na nɛ̨ɛ̨i, ə́ yee pɔ nuą nwun na nɛ̨ɛ̨. Diɛi di kaa lɔ tɔɔni ə́ lííla a yələ kəlee diɛ ə́ wɔ mɛ̨nį kɔ́lɔn gili wooɠaai mɛ̨n.

Timote veelɛ 4:2

Nwoo ŋɛ̨i laa həli, ə́ hɔlɔ too mą, ə kɛ a ɲələ hvo kɛ a ɲələ, haŋąmąą kɛ, nuą hvaŋąlɔ, ə́ di liɛwoo kɛ a yələ kəlee, a liikpələ da di mąąkwɛli liihɛlɛn.

Zɛnɛse 47:6

Eziptə lɔi kəlee kaa ə́ yəi, ɓɛi kpɔ a nɛ̨ɛ̨ yɛ́, di hee laa. Da pɛli mą di hee Gosɛn. Ə́ wɔ nuąi tii lɔwai, nu ta a kɛ laa yii nwəlɛɛ taatɛlɛɛ tɔɔi, ə́ ɉee nwɔ́ taatɛlɛɛɠaai nwun na.»

Samuɛlə dɔlɔɔ 16:21

Davidə ə li Saulə pɔ, ə lɛɛɛ bɔ kɛa a nwɔ tímun. Davidə wɛli ə too kpɔ Saulə ɓa kɛnɛ̨. Davidə ɓə kɛ a Saulə nwɔ ɓíitíɛ̨, yɛ nwɔ kɔ́ kɔ́ kwɛli hɛnŋaai həɠə.

Hanwon 23:1

Ka nu kɛnɛ̨ ka kɛi kɔ̨nɔ̨n mįi, 'gɛ a nɛlɛɛ.

Zɛnɛse 41:38

Tɔɔmun yɛ ɲee pɔ nuą diɛ: «Yálá nwɔ Kilii kaa nui ŋɛ̨i yəi, a kɛ tii, gwa nɛɛ laa, gwa pɛli kɛa nu takpɛli hɔlɔɓoi ə tɛɛ yaa ŋɛ̨i mą?»

Samuɛlə dɔlɔɔ 17:31

Nąąlɔwai, nwooɠaai tii Davidə ə mo, nuą di mɛ̨n, də li di mo Saulə ɓa. Yili ə Davidə təli,

Samia Veerɛi 2:32

Də li a Asahɛlə di noo nąn gámą hu Bɛtleɛmə daai. Ɉoabə da nwɔ nuąi di yii kpɔ hiɛi pili-pili, yələ ɓɔi lɔwai di lɔ Hebrɔn daai.

Kɔlɔnikɔ Maa-ŋuŋ 4:23

Nuą tii di kɛ a ləɠitɔɔ nuą, da hihɛn ɉi nuą. Di kɛ laa heeni diɛ tí di wɔ heeɓomun ma.

Danîa 1:4

Mąąnɛ̨ɛ̨ di kɛ a hilɛlɛai kiliin ɉii ɲɔ̨nwɔ̨ɔ̨ hvo diɛ, di lɛlɛɛ, kili yɛ ɓo diɛ, diɛ ɓo a mɛ̨nį kɔ́lɔn nuą, di nwun ə ɓo di hu. Di kɛ a nuąi da pɛli di kɛ ɲə́i dɔɔ-pɛlɛ́ mu. Diɛ ɓə di kaa pai di kalan ɉi a Kalde woo, da ɉɛɓɛ́ kɔ́w.

Danîa 1:19

Tɔɔmun ə di kəlee di mąąkpɛɛ, nu kpului tii lɔwai, nui lɔpee ta hvo hɔlɔɓo ɉu hvo kɛ yɛ: Daniɛlə, Hanania, Misaɛlə da Azaria. Nu nąąn tii ɓə tɔɔmun ə di yɛɠɛ ɉu, ə di hee gwɛlɛ.