Hanwon 22:1 - Yálá laawoo hɛɓɛ (dc)

¹ Nu laa lɛlɛɛ tɛ́ɛ hvialbaɓoɔi hɛn gɔw kɛnɛ̨ ɓa. Nu wɛli kɛɛ mɛlaa diɛ hviɛlaɓoɔi ə tɛɛ, wali da hɛni diɛ.

Yálá laawoo hɛɓɛ

¹ Nu laa lɛlɛɛ tɛ́ɛ hviɛlaɓoɔi hɛn gɔw kɛnɛ̨ ɓa. Nu wɛli kɛɛ mɛlaa diɛ hviɛlaɓoɔi ə tɛɛ, wali da hɛni diɛ.

Bible

¹ Nûa da íkɔ̀lɔŋ a núu lɛ́lɛɛ, dí ƃaa-kɛ-maa tɛ́ɛ ípɔ, ǹɛ̂lɛi é tɛ́ɛ tɔɔ-laa ma, ƃaa-kɛ-maa lɛ́lɛɛ é tɛ́ɛ káne ma da gôo.

Hanwon 22:1 Referans Kwoze

Ikilisiati 7:1

Nu laa lɛlɛɛ tɛɛ viɛlaɓoɔi ə tɛɛ wulɔ mąąkun nɛ̨ɛ̨ ɓa. Nu haa hvóló hviɛlaɓoɔi nu kaa hvóló ɓa.

Lukə 10:20

Kɛlaa, ka hvo ka kwəinɛ̨ɛ̨ mąąhɔlɔɓo, ɲįnɛ̨nŋąa daa ka woo hon, ka ka kwəinɛ̨ɛ̨, mąąhɔlɔɓo, ka laa kaa Yálá nwɔ nu kpului laa pɔ yələkɔlɔn ɉu.»

Tɔɔɓɛlaa dɔlɔɔ 1:47

Ə laa yili mɛ̨i, tɔɔmun ɲee pɔ nuą kəlee daa pa, diɛ gu wɔ mɛ̨nį nąmu tɔɔmun Davidə nwɔ luwu ɲɛ̨n; diɛ kɛ mą: ‹Kuɔ, ə́ wɔ Yálá ə Salomɔn nwɔ tɔɔlaai hu nɛ̨ɛ̨ kpɔ kɛnɛ̨, naa ə tɛ, ə dɛɛ ə́ wɛi ɓa.› Di mo lɔ tii-oo, tɔɔmun Davidə ə lɛɛ ɲəi gbin ŋą, ə gwɛli hvilɛn Yálá ɓa.

Filipə 4:3

Yɛi ɓaa mɛ́lan, gɛ́ ə́ kpɔnmąą tɛɛ di pɔ ə di yee lɔ gee hu, mąąhɔlɔɓo, nɛ̨ąąi ti, kwa diɛni ku wɛlɛɛ lɛlɛɛ mąąkɔ̨nwɔ̨, ə mą kɛ, Kleman da mɛlaa yiiɠaai kwa diɛni ku kɛi kólo kɛ gee ɓa, diɛi di laa kaa yɛnɛ̨ɛ̨ kpɛɛ hvo mą hɛɓɛ́ hu.

Gɛlaɠaa 7:10

Yálá ə gulɔ ŋą mɔ̨nɔ̨ɠaa kəlee hu, ə gɔ a kili, ə nwɛli too Eziptə tɔɔmun ma, yili ə Ɉosɛfə hee Eziptə lɔi nwun na da nwɔ pɛlɛ́i kəlee.

Hebreu 11:39

Di kəlee kpɔ, akɛ di kɛla hvaa lɛlɛɛ hɔlɔɓo di wɔɔ laa na laa háálai; bələi mąn ə kɛ la tii, mɛ̨nįi di naakwɛlanmo, di hvo naa honŋąą kaa ɓɛ lɔi mɛ̨i.

Hanwon 10:7

Tələnmo nuą kili kaa nuą ŋą, diɛ lúwɔ́ too diɛ. Kɛlaa, nwąnąlɔ nuą laa a pu pɔlɔ hu.