Hanwon 21:24 - Yálá laawoo hɛɓɛ (dc)

²⁴ Nui ɲɛ̨i tɛɛ, dɛɠɛɓo ɉuɔ, naa ɓaa: yɛlɛ kulɔɉumun. A pələ ɓo kpɔwɔ ŋąą kɛnɛ̨ laa hu.

Yálá laawoo hɛɓɛ

²⁴ Nui ɲɛ̨i tɛɛ, dɛɠɛɓo ɉuɔ, naa ɓaa: yɛlɛ kulɔɉumun. A pələ ɓo kpɔwɔ ŋąą kɛnɛ̨ laa hu.

Bible

²⁴ Ǹúui a ɣɛ́lɛ-maa kùla núu kponôi, a tɛ-ŋɛi kɛ̀, ǹyoŋkaa, ǹíi kɛ́tɛɛ.

Hanwon 21:24 Referans Kwoze

Mąątɛ̨nɛ̨ 1:1

Nwun na nɛ̨ɛ̨mun maa, nui hvo nu ɲɔ̨nwɔ̨ɔ̨ɠaa di wɔ liɛwoo pɔ, hva hiɛ nɛ̨ŋɛ̨n ɉəɠə nuą di wɔ pələi mɛ̨i, ɛlɛɛ, hva hee nuąi da yɛlɛ kulɔ Yálá hu, di lɔwai.

Hanwon 19:29

Hutɔɔ hvaɠa kaa a yɛlɛ mąą kɛ nuą di wɔɔ, ɛlɛɛ, gbɔn ə ɓo kilikpɛɛgwəi nuą hąą.

Hanwon 18:12

Nu a wala ni too, ɉuɲąɲą kɛnɛ̨i, Kɛlaa, gɛɛ di hvo nu ɲɛ̨i pɔ̨nɔ̨, mąąnɛ̨ɛ̨ ə gbɔwɔ mąą yɛɛ.

Hanwon 1:22

«Kilikpɛɛgwəimun! Ə́ kaa pai lɛɛi kilikpɛɛgwəilaa hu, ə lɛɛ ɉu lə yələ? Yɛlɛkulɔ ɉumun! Ə́ kaa pai lɛɛi yɛlɛkulɔ ɉu kɛi, ə lɛɛ ɉu lə yələ? Mįnɛ̨ lɔwai ɓə ɓowo nuą kaa pai mɛ̨nį kɔlɔn ŋąą wɛlilakɛi la?

Maafîu 2:16

Yii kɛa Herodə ə gbaɠala kaa yɛ, kilimąą nuą daa mowo, nii ə hvoli kpɔ a mɔlɔ. Ə nuą tɔɔ Bɛtleɛmə daai da gwɛlɛ taaɠaa kəlee hu, ə gɛ, di lɛapɛlɛɛ yiiɠaai di kaa kwɛlan gaa tɔ̨nɔ̨ a wala kɛ tii hveelɛ, di di paa, yɛ pələi maageɠaa di nokoloi kaa mɛ̨nį gilaa pono tɛɛ la bɔ.

Ɉeremi 48:29

Kwaa Moabə nwɔ kpɔwɔɲąą kɛnɛ̨ mɛ̨nį bələ mɛ̨n kɛnɛ̨, ə kɛi nwun dɛ tai! Dɛɠɛɓo ɉuɔ, ɲɛ̨i piliɛ yələi, hvo kɛi nwumɛ̨ nu ta ɓa, ɉu mɛ̨nį kɛnɛ̨.

Azaya 16:6

Kwaa Moabə nwɔ kpɔwɔ ɲąą kɛnɛ̨ ɲɔ̨nwɔ̨ɔ̨ bələ mɛ̨n, nwɔ ɲɛ̨i tɛ mɛ̨nį, nwɔ kpɔwɔ ɲąą kɛnɛ̨i, nwɔ ɓələn, vilɛn ŋąą la kpɛli kpɛli mɛ̨nį pulu.

Hanwon 16:18

Kpɔwɔ ɲąą kɛnɛ̨ a kɛɛ kala, ɲɛ̨itɛ yɛ nu hukala.

Hanwon 6:17

Ɲɛ̨i tɛɠɛɓo ɉu, nu ɓowo laaləi, kwəi kwələmun ɲąmą pu yee,

Hanwon 3:34

Yai-Laa a yɛlɛkulɔ yɛlɛmąą kɛ nuą hu, Yɛ ɲɛ̨i lɛlɛɛ hee kpɔwɔmąą yɛɛ nuą diɛ.

Hanwon 24:9

Hɛn lɔ kilikpɛɛgwəi a giliŋąhiɛ mą, ya ɓaa nɛ̨ŋɛ̨n ɉəɠɛɛ. Yɛlɛ kulɔ ɉumun nwɛli hvo yɛnɛ̨ɛ̨ nuą diɛ.

Azaya 29:20

Mąąhɔlɔɓo, nɔi mɔ̨nɔ̨ɓo-tɔɔɓɛlaa di wɔ yələi kpɛɛi lɔwai li, yɛlɛkulɔ ɉu kɛ nuą nwun na yɛ pili; ɛlɛɛ, nuąi kpɔ mɛ̨nį ɲɔ̨n gɛ kili kaa di kwəi, di kəlee di kaa pai haai:

Habakukə 2:5

A tɛ̨ą lɔɔ a nu ɓowo. Kpɔɔɲąŋą kɛnɛ̨ yɛ nu həɠə pələ mɛ̨i. Di kwəi kɛnɛ̨i yɛ ɲąmuątaa di kɛ pələ kaa yɛ haa, di hva pilɛ. Da lɔi tɔ̨nɔ̨ hu nuą kpələ, di hvilɛn dakpɛliɠaa pulu. Diɛ lɔiɠaa lɔ di yee mu.