Hanwon 21:1 - Yálá laawoo hɛɓɛ (dc)

¹ Tɔɔmun gili kaa yɛ tɛɛyá Yai-Laa yee ŋą, a dənən dɔɔ ɓɛi lɔpee a kɛ bɔ.

Yálá laawoo hɛɓɛ

¹ Tɔɔmun gili kaa yɛ tɛɛyá Yai-Laa yee ŋą, a dənən dɔɔ ɓɛi lɔpee a kɛ bɔ.

Bible

¹ Kâloŋ ŋɔmɛni-kpɛtɛɛ káa yɛ̂ɛ ya ƃoloŋ-ƃoloŋ Ɣâla Yâwɛɛ yêei, gɛ́ déniŋ tɔ̀ɔ ƃɛ́i a ŋ̀wɛ̂lii é lí naai.

Hanwon 21:1 Referans Kwoze

Hanwon 16:9

Nu kili a ɉiɛ pələ mąąkpɛɛ, Kɛlaa, Yai-Laa ɓə a gɔwɔ hukɔ́lɔ.

Hanwon 20:24

Yai-Laa ɓə a nu hiɛ pələ tənən dɔɔ, Kɛlaa haa mun ni pələ kɔ́lɔn bələ kɛ ləi?

Ɛsdrasə 6:22

Di pənə di voló mɛ̨ihveelɛ hɛli ŋɛ̨i da bu a lɛɠɛ yii dɛ hɛn və ɉu, di yili pu gee ɓa a kwəinɛ̨ɛ̨. Mąąhɔlɔɓo, Yai-Laa ə di kwəinɛ̨ɛ̨, ə Asiri tɔɔmun ɲɛ̨i lɛlɛɛ hee diɛ, ə di yee kɔ́n gɛ ɉu, Yálá nwɔ pɛ́lɛ́i tɔɔ mɛ̨nį ɓa, yii gaa a Israɛlə nwɔ Yálá.

Gɛlaɠaa 7:10

Yálá ə gulɔ ŋą mɔ̨nɔ̨ɠaa kəlee hu, ə gɔ a kili, ə nwɛli too Eziptə tɔɔmun ma, yili ə Ɉosɛfə hee Eziptə lɔi nwun na da nwɔ pɛlɛ́i kəlee.

Hanwon 16:1

Nu a mɛ̨nįɠaa mąą kili tee gwəi, Yai-Laa ɓə a ɉeegbąɲą.

Mąątɛ̨nɛ̨ 106:46

Nuąi li a diɛ luwɔlaa hu, ə gɛ yiliɠaai di di ɲɛ̨imąąwɛli kaa.

Azaya 43:19

Mɛ̨nį nįnɛ̨ɠaa kɛ hiɛ ka ɲɛ̨i ɲə́i, di kaa mun kɛa ɓɔn ɉi, ka hvo mɔ̨ɔ̨ gbaɠala kaai? A neelee, gáá pai pələ laai lɔi pun ɉu, gɛ́ nu tɛɛ kpaaləɠaa kulɔ kpomóɠaa hu.

Mąątɛ̨nɛ̨ 105:25

Ə di kili mąą hvalin di kwəi, diɛ wɛlikpɛɛmąąlaa kulɔ a nwɔ nu huwui, diɛ nwɔ tínuąi ɓowo.

Nehemi 2:4

Tɔɔmun yɛ mą́ą́: «Lə ɓə ə́ kaa bɔ?» Ɲąąɓa, ŋį́ yələkɔlɔn ɉu Yálá hvɛli.

Nehemi 1:11

Ee Yai-Laa! Ə́ wəli tɔɔ ə́ wɔ tímun nwɔ hvɛli ɓo woo ɓa, ə́ wɔ tínuą di di wɔ hvɛli ɓo woo ɓa, diɛi da ɲɔw ə́ laa ɓa, hvaa mą, ɉulɔnui ŋɛ̨i ə ɲɛ̨i lɛlɛɛ hee ə́ wɔ tímun ma.» Nąąlɔwai, ɲą́ą́ ɓə kɛ a tɔɔmun nwɔ lɔɔi pɛlimun.

Mąątɛ̨nɛ̨ 74:15

Yɛ́ ɓə ya nwun gulɔiɠaa da tɛɛyaɠaa laa ɓo, yɛ́ ya kpɛa kpɛaɠaa hu kpala.

Azaya 44:27

Ɲą́ą́ ɓə ŋą́ kɛ gboloyá ɓa: «'Kpala, gáá pai yá kpɛa kpɛaɠaa kpalai!»

Mąątɛ̨nɛ̨ 93:4

Kɛlaa, Yai-Laa kɛnɛ̨ɛ̨i ɲáhvɛɛɠaa hvuluun nwoo ɓa, dɛɛi gboloyá huluun nwoo kəlee ɓa; Yai-Laa kɛnɛ̨i yələkwəi hɛn gəlee ɓa!

M̀ɛni-lɛɛi 16:12

Malaka mɛ̨idanąą ə nwɛi hu ɓo Eufratə ɲálee ɲą: Ɲá ə kpala, ə kɛ a pələ dɔɔɓɛlaai həɠəi vóló kulɔi pələ di tɔwɔ.

M̀ɛni-lɛɛi 16:4

Malaka ɉaaɓanąą ə nwɛi hu ɓo ɲá-leeɠaa ɲą, ɛlɛɛ, da ɲá nwun gulɔiɠaa ɓa: ə mąą pənə a ɲąmą.

Mąątɛ̨nɛ̨ 114:5

Gboloyá, lə pu ɓə ə́ kaa moi? Ɉurdɛn, lə ɓə kɛ, yai ə́ kaa yalii ə́ kələn ma?

Mąątɛ̨nɛ̨ 114:3

Yili nąą kaai gboloyá ə mo, ə tee di tɔwɔ, Ɉurdɛn yá ə pənə yɛ tɛ nwun ma pələ.

Ɉeremi 39:12

«'Ə́ ɲɛ̨i kɛ mą, mąą mɛ̨nį ɲɛ̨i kulɔ, hvó mɔ̨nɔ̨ ɓo, mɛ̨nįi a ɉu hvɛli yɛ́, gɛ́.»

Lɛɛ gbɔwɔ ɓa 7:3

Ə mą kɛ ti, gáá pai Eziptə tɔɔmun gili walawalai, bələi mąn gáá pai kpalo mɛ̨nį kwɛlɛɛn mɛ̨nį tamąą kɛi la nwɔ lɔi hu.

Tɔɔɓɛlaa veelɛ 19:33

Bələ a tɛɛ la yɛ pa, bələi tii ɓə a bulu pənə la, hvo pai lɔi daa ŋɛ̨i hu, Yai-Laa woo li.

Ɛsdrasə 1:1

Pɛrsə tɔɔmun Sirusə, nwɔ tɔɔlaai gwɛlan dɔlɔɔ hu, mɛ̨nįi wɔlɔ Yai-Laa ə mo gwəi mɛ̨nį hukulɔ mun Ɉeremi laaləi; ə kɛ bɔ ə bɔ mɛ̨nį kɛ. Yai-Laa ə Pɛrsə tɔɔmun Sirusə lii muhəɠə, tɔɔmun ə noloɓo nwɔ lɔi hu nąą kəlee, ə gɛ a hɛɓɛ́; yɛ diɛ:

Ɛsdrasə 1:2

«Pɛrsə tɔɔmun Sirusə woo ka: Tɔɔlaai kpɔ ɓɛ lɔi mɛ̨i nąą kəlee, Yai-Laa, yələkɔlɔn ɉu Yálá, aa gəlee tɛɛ bɔ́. Aa dí, yɛ ŋį́ pɛlɛ́ tɔɔ mą, Ɉerusalɛmə daai, Ɉuda lɔi hu.

Nehemi 2:8

Ɛlɛɛ, ə́ dɔ̨nɔ̨ kɛ a Asafə nwɔ, yaai gaa a tɔɔmun nwɔ lɔwɔɠaa ɲąąwooɓomun, ə gɛ, ə pɛli wulu tɛɛi bɔ́, daa mąąkɔ̨nwɔ̨ hįį gbonŋąą kulɔ mɛ̨nį ɓa, da daa mąąkɔ̨nwɔ̨ pɛ́lɛ́i tii Yálá hee pɛlɛ́ kwɛlɛ nwɛi; da bɛlɛi gáá pai lɔi mu nwɛiɠaa.» Tɔɔmun ə ɉɛɓɛ́ɠaa tii tɛɛ bɔ́, mąąhɔlɔɓo, nwɔ́ Yálái yee lɛlɛɛ ə kɛ mɛ̨́i.