Hanwon 20:21 - Yálá laawoo hɛɓɛ (dc)

²¹ Hɛn nu a ɉɔlɔɓo a gwɛlin a hvulu, lúwɔ́ hva kɛ mą nąą pulu.

Yálá laawoo hɛɓɛ

²¹ Hɛn nu a ɉɔlɔɓo a gwɛlin a hvulu, lúwɔ́ hva kɛ mą nąą pulu.

Bible

²¹ Tɔɔ-laa nyii núu a zɔlɔ ƃô a maa féla, lûwa fé pâi kɛ̂i ma a gbɛɛ-ŋa.

Hanwon 20:21 Referans Kwoze

Hanwon 13:22

Nu lɛlɛɛ hɔlɔɓo hɛn, a həli nonnii di wɔ lonnii diɛ. Kɛlaa, nɛ̨ŋɛ̨n ɉəɠəmun ɲəi hɛn gɔw, yɛ lɛɛ a tələnmomun nwɔɔ.

Timote dɔlɔɔ 6:9

Yii ɓaa nuąi diɛ di kɛ a hɛn gɔw nąmįną, diɛ ɓə da too ɲąąhɛn mɛ̨nį ŋą hɛlɛn ɲą, kilikpɛɛɲəi, hɛn nwɛlilaa tamąą, da di kpɔwɔ kala mɛ̨nįɠaa, mɛ̨nįɠaa tii ɓə da nu kanŋaa lɔ di kala mɛ̨nį hu, da di nwun napili mɛ̨nį.

Habakukə 2:6

Nɔiɠaa tii da di hon diɛ ɓo di yee mu, di kaa pai yɛlɛ kulɔ ɉu wooɠaa ɓoi di laa mɛ̨i. Nɔiɠaa tii kaa pai kɛi mą: Kpalo ɓɛlaai kaa kaai nu takpɛliɠaa yəi hɛn gɔw nwuɔ̨i kaa dɛ gee ɓa kaa di yəi hɛnŋąą həɠə a tolaa. Ka káá pai lɛɛi yili kɛi tii, ə lɛɛ ɉu, mįnɛ̨ lɔwai?

Hanwon 28:22

Hɛn nwɛlimun ɲɛ̨i a kulɔ mɛlaa di wɔ hɛn bɔ, yɛ gilɛ həɠə bulu, gili hvo ɉu yɛ kɛ yeehvowololaa yɛi ə pa wolo mą.

Hanwon 28:20

Nui dələnmoɔ, a lúwɔ́ hɔlɔɓo. Kɛlaa, nui gaa bɔ ə hɛn ɉɔlɔɓo a yee mąąhulɔ, hvo pai hvɛɠɛi hutɔɔ hu.

Hanwon 28:8

Nui a nwɔ hɛn gɔw ta pɛlɛ mą a hvulu, gaa ɉɛn gɔwi tii tɛi gee mɛ̨i a mąąwɛli nuą mąąkpɔnmąą ɓomun nwɔɔ.

Hanwon 23:4

'Hvó ə kpɔwɔ hviikpɛɛ, yɛ́ kɛ ə́ kaa kɛi a hɛn gɔw nąmu, 'hvó ə́ níí laa yili mɛ̨i.

Malasi 2:2

Ɲą́ą́ Yai-Laa Mɛ̨nį Kəlee ŋą Hééɓomun, ka wala ka wəli tɔɔ, ka hvo gɛ pələ kwɛli mą, ka hvo náá mąąwiɛ mɛ̨nį həɠə a ka lii kəlee, gáá pai mɛ̨nį ɲąąnwąnąą laai kaa, mɛ̨inɛ̨ɛ̨ɠaai wɔlɔ ŋą́ naakwɛlanmo kaa, ŋą́ mąą pənə a nɛ̨ŋɛ̨n naa; ŋą́ gɛ tii, mąąhɔlɔɓo, ka hva mɛ̨nį ta kɛ a gɛ pələ.

Zakari 5:4

Yai-Laa Mɛ̨nį Kəlee ŋą Hééɓomun woo ka, yɛ: Gáá nɛ̨ŋɛ̨n naa kɛi, yɛ nwuɔ̨mun nwɔ pɛlɛ́i hon, da nui a gwɛla a lɛɛ, nwɔ pɛlɛ́i. Yɛ hee kpɔ bɛlɛ́ hɛ̨ąi, yɛ nwuluɠaa, da gwɛniɠaa, di kələn.

Hanwon 20:20

Nui a nąn da nee di nɛ̨ŋɛ̨n naa, nwɔ nwɔ̨n kaa pai luwun ɉii kwii hąą ton-ton.

Hanwon 20:22

'Hvó kɛ diɛ: «Mɛ̨ni ɲɔ̨n di naa mą́ą́, gáá gwələ kulɔi.» Ə́ kilitɔɔ lɔ Yai-Laa ɓa, gaa pai ə́ ɓaloi.

Hanwon 21:6

Hɛn gɔw kɛnɛ̨ hɔlɔɓoɔ a nu ɓowo wooɠaa, gaa a nuąi haa kwɛlii di ɓowo hɛn.