Hanwon 20:1 - Yálá laawoo hɛɓɛ (dc)

¹ Lɔɔ a nu kɛ a yɛlɛkulɔɉumun, lɔɔ kpəɠiɛ yɛ hvaa too. Nui a gbɔwɔ lɛɛ a lɔɔ ŋą hon, hva pɛli kɛi a kilimąą mun.

Yálá laawoo hɛɓɛ

¹ Lɔɔ a nu kɛ a yɛlɛkulɔɉumun, lɔɔ kpəɠiɛ yɛ hvaa too. Nui a gbɔwɔ lɛɛ a lɔɔ ŋą hon, hva pɛli kɛi a kilimąą mun.

Bible

¹ Wãai da lɔɔ kpânaŋ kpeleɛɛ a núu kɛ̀ a yóo-yoo-nuu da laa-saa tée-nuu. Ǹúui a kânaŋ mai, vé táre ní.

Hanwon 20:1 Referans Kwoze

Osia 4:11

Lɔɔ da wɛli mɛ̨nį daa di nwun ɉu lan.

Ifisiɛŋ 5:18

'Ká hvo kɛ a lɔɔ hon, a nu nwun na pili, kɛlaa, 'ká pilɛ a Yálá nwɔ Kilii.

Azaya 28:7

Ɉaláá laa həli nuą da Yálá kwəi mɛ̨nį hukulɔ nuą kəlee, lɔɔ aa di nwun ɉu lan, nɔɔ kpəɠiɛɠaai tii kaa di tɔɔi takpa takpa; lɔɔ aa di nwun ɉu lan ɲee aa tɛɛ diɛ, nɔɔ kpəɠiɛɠaa tii kaa di tɔɔi takpa takpa; di nwɔ hį́iɠaa kili yɛ kpɛɛ di ɲą, diɛ lan ɉukulɔi.

Hanwon 31:4

Lemuɛlə! Kpaa-o! Lɔɔ hva heeɓolaa mąą hon. Lɔɔ yamąn ŋąą mąą hvo nɛ̨ɛ̨li a tɔɔɓɛlaa kpələ hɛn.

Korɛntə dɔlɔɔ 6:10

ə kɛ a nwuɔ̨ nuą, ə kɛ a wɛa hɛn ɉəɠə nuą, ə kɛ a lɔɔ honŋaa, ə kɛ a nu laa kala nuą, ə kɛa gbąną-gbąną hɛn ɉəɠə nuą; di tai lɔpee heei hvo Yálá nwɔ tɔɔlaai hu.

Galatə 5:21

hɛn nwɛlilaa, lɔɔ kpələ kpɔn, yɛlɛkulɔ ɉu da yiiɠaa kpɔ da diɛni da li di kee pɔ, ɛlɛɛ, mɛ̨nįɠaa tii kɛ nuą; gáá kpɔ nąą kili tooi ká ɲą, yɛ bələi ŋį́ mo la káá, dɔ̨nɔ̨ kpɛli hvo pai nwɔɔ nąą hɔlɔɓoi Yálá ŋą tɔɔlaai hu.

Samia Veerɛi 11:13

Davidə ə Uri təli kɔ̨nɔ̨n ma, di kɔ̨nɔ̨n mįi, di di kpələ, Davidə ə lɔɔ tɔɔ Uri la nɔɔ ə ɉon. Kɛlaa, mąą yələwulii, Uri ə kulɔ ɲɛ̨nɛ̨ɛ̨, ə laa ɓɛi wɛi ə laa laa, dɔɔ pɛlɛ́ mąąkpɛ nuą lɔwai, hvo gɛ hvo li ɲəi bɛlɛ́n.

Azaya 56:12

Di woo laa diɛ, 'ka pa, ku kaa lii pai a lɔɔ, lɔɔ kpəɠiɛɠaa ɓə gu kaa pai pilɛi ɉu, gwa tinąą gɛ lɔ yɛ háákəlee; gbəli kaa pai lɛɛi kpɔ kɛnɛ̨.

Azaya 5:22

Kpalo ɓɛlaai diɛ, di kaa a lɔɔ kpələ kuláaɠaa, di yee tɛɛ nu kəlee ɓa lɔɔ kpəɠiɛɠaa humui.

Osia 7:5

Ku wɔ tɔɔmun nwɔ hvólói, nɔi ɲɛ̨itɔwɔ nuą, da di kpɔwɔ kɛ a ɲɔ̨n gɛ nuą, a lɔɔ laa pɔɔ, tɔɔmun aa ɲɛ̨i tinɛ̨n yɛlɛ kulɔɉu nuą pɔ pələ.

Samia Veerɛi 13:28

Absalɔn yɛ ɲəi bɛlɛ́n góló kɛ nuą diɛ: «Ka gɛ a nɛlɛɛ, ɓɛlɔwai ka Amnɔn kaa la nɔɔ aa ɉon, ŋą́ kɛ kaa: ‹Ka Amnɔn kɛlɛ›, ka baa. Ka hvo ɲɔw, ɲą́ą́ ɓə ka tɔɔ la ka ká liikpələ, ka gɛ a hulɔnu laa.»

Levetekɔ 10:9

«Yɛ́ ka ə́ lonnii, ɓɛlɔwai ka kɛi li la gee kaa kələ mu, ka hvo lɔɔ kpələ, da kpələ hɛn a nu hon, ə gɛ ka hvo pa haa, ka mąą tɔ́n ni, a yələ kəlee ka ka huwuhu nuą, yili hva ɉəɠə mą.

Hanwon 23:20

'Hvó too lɔɔ kpələ nuą pɔ, ə mą kɛ, nuąi da di koo laahvɛɛ a huwɔ.

Habakukə 2:5

A tɛ̨ą lɔɔ a nu ɓowo. Kpɔɔɲąŋą kɛnɛ̨ yɛ nu həɠə pələ mɛ̨i. Di kwəi kɛnɛ̨i yɛ ɲąmuątaa di kɛ pələ kaa yɛ haa, di hva pilɛ. Da lɔi tɔ̨nɔ̨ hu nuą kpələ, di hvilɛn dakpɛliɠaa pulu. Diɛ lɔiɠaa lɔ di yee mu.

Azaya 5:11

Nuąi da humo diɛ lɔɔ kpəɠiɛɠaa mąą gilɛ həɠə, ɛlɛɛ, kpinį ə mąn pɛlɛ, di ɓo lɔ lɔɔ ɓa, kpalo ɓɛlaai diɛ, mąąhɔlɔɓo, lɔɔ aa di kili mɛ̨i kpulu.