Hanwon 2:4 - Yálá laawoo hɛɓɛ (dc)

⁴ Akɛ yá gwɛli yɛ bələi da hɛn gwɛli la, ə́ gwɛli pələ kɛ yɛ hɛn gɔw yii noɔ,

Yálá laawoo hɛɓɛ

⁴ Akɛ yá gwɛli yɛ bələi da hɛn gwɛli la, ə́ gwɛli pələ kɛ yɛ hɛn gɔw yii noɔ,

Bible

⁴ Gɔ́ri a gbanaŋɔɔ yɛ̂ɛ berei nûa da káne kɔ̀ri lai, kpaa máŋ yɛ̂ɛ diai da tɔɔ-sãa sɔ̃ɔ kpanaŋɔɔ kɔ̀ri nyii gáa loo-perei.

Hanwon 2:4 Referans Kwoze

Maafîu 13:44

«Yálá-taa tɔɔlaa kaa yɛ, hɛn gɔw yii noɔ tíi hu. Yii hulɔnu ta ə li, ə gaa, ə pənə ə mɛ̨i kpulu. Gwəi ə nɛ̨ɛ̨ kpɔ kɛnɛ̨, ə li ə ɲəi hɛn gəlee lɔwɔ́tɔɔ, ə pənə ə pa, ə díi tii ya la.»

Maafîu 19:29

Ə lɛɛ, nui lɔpee a nwɔ pɛlɛ́i lɛɛ, ə nąn nonni hinąą da nąn nonni nɛ̨ą lɛɛ, ə nąn a wala kɛ tii ə nee lɛɛ, ə nonni da nwɔ hihɛn ɉaa kəlee lɛɛlaa náá mąą mɛ̨nį ɓa, a gbulu kɛnɛ̨ hɔlɔɓo, ə yɛnɛ̨ɛ̨ kpɛɛ hvo mą hɔlɔɓo Yálá yəi.

Hanwon 16:16

Kili hviɛlaɓoɔi, hɛni hu waa kɛɛ nu yəi ɓa. Nu nwun gɛɛ ɉu hviɛlaɓoɔi ə tɛɛ wali kɛɛ nu yəi ɓa.

Zôo 3:21

Mɔ̨nɔ̨ mįi nuąi ti, di kaa heeni diɛ haa mąą kpɔn, haa hva gɛ hvo pa; Da kɛ haa kwɛlii kpɔ kɛnɛ̨ ə tɛɛ, hɛn gɔw kwɛliɛ ɓa.

Lukə 16:8

Ɉɛn gɔw laaikɛ mun vuluɔ tii, nąmu ə mąątɛ̨nɛ̨ nwɔ gbąnąlaa túwɔ́ tii hu. Ɲɛnɛ̨ɛ̨ ŋɛ̨i hu nuą gbąnąąi di kee ni lɔwai mɛ̨nįɠaa kɛɛ hu, ə tɛɛ kɛɛ pono lonnii diɛ.»

Ikilisiati 4:8

Nu ta a kɛ laa, veelɛ hvo mą, yaa tɔ̨nɔ̨ lɔ ɓə nwɛi hu yɛnɛ̨ɛ̨; ɉiɛ gee pulu hvo mą, gaayɔwɔ hvə mą, ɛlɛɛ, lon və kpɛli mą. Kɛlaa, hva kpɛla kóló kɛɛ ɓa, yɛ mɔ̨nɔ̨ mįi, hvóló kəlee gaa lɔ hɛn gɔw gwɛliɛ hu; bələi mąn a góló himąi tii kɛ la, hva ɲąąnɛ̨ɛ̨ kulɔ ɉɛn gaa gwɛlii ɉu, yɛ kɛ gbɔwɔ ɓa: Akɛti, gbɛɛ kpɔ ɓə gáá ɉɛn ŋɛ̨i kwɛlii ma-oo?. Yili kaa nwɔ̨nɔ̨ a mɛ̨nįi a nu kwəi pili mą, ɛlɛɛ, nu nwɔ yɛnɛ̨ɛ̨ kɛ pələ a kɛ tii, yili ɲąąnwąnąąi.

Hanwon 23:23

Tɛ̨ą, kili, nwun gɛ ɉulaa da hutɔɔ, gwɛli; yɛ́ ɉɔlɔɓo, 'hvó nɔwɔtɔɔ.

Mąątɛ̨nɛ̨ 119:127

Nwɛ́i, ə́ wɔ tíɓoɠaai wɛli kaa mą́ą́, dɛɛ hɛni ɓa, ə mą kɛ hɛni hu waa kpɔ hva-hva.

Mąątɛ̨nɛ̨ 119:72

Tɔn nwooi a kulɔ ə́ la, yili hviɛlaɓoɔi mą́ą́, ə tɛɛ hɛni da wali puɔ gee mɛ̨i ɓa.

Mąątɛ̨nɛ̨ 119:14

Ŋą́ą́ lɛɛ ə́ wɔ tɔn nwooɠaai pulu, ŋą́ą́ gwə́inɛ̨ɛ̨ mɛ̨nį hɔlɔɓo, gaa lɔ yɛ ŋą́ kwiɛn a hɛngɔw kɛnɛ̨ɛ̨.

Mąątɛ̨nɛ̨ 19:10

Mɛ̨nį haŋąą ɓaa nu ə ɲɔw Yai-Laa ɓa, yili dɔlɔ hva kpɛɛ; Yai-Laa nwɔ mɛ̨nį hutɔɔ woo kəlee kaa a tɛ̨ą, gəlee haŋąąi.

Hanwon 2:3

A tɛ̨ą, akɛ yá kilaa pɔ̨nɔ̨ kwɛli, ə́ nwun gɛ ɉu mɛ̨nį kwɛli,

Hanwon 8:17

Nuąi da nwɛ́lilakɛ, diɛ gwɛ́li a di lii kəlee, da gáá.

Zɛnɛse 26:32

Voló tɔ̨nɔ̨i tii yee mu, Isaakə nwɔ luwɔɠaai di pa di mɛ̨nį ta ɓo mą, yɛ hvilɛn na ɲálɔwa nįnɛ̨ ɓa, yii di kɛi dee, diɛ mą: «Kwaa həli ya ɓa.»

Hanwon 4:7

Kili mɛ̨nį kɔwɔ tɔɔi ka: 'Tɔ́ɔ́ a ə́ nwąnąi ə́ kili kwɛli, 'gwɛli a ə́ yəi hɛn gɔw kəlee, hɛn gaa ə́ yəi, gəlee kwɛlɛ ə gɛ, ə́ nwun gɛ ɉu mɛ̨nį hɔlɔɓo.