Hanwon 2:2 - Yálá laawoo hɛɓɛ (dc)

² Ə́i wəli tɔɔ kilimąą woo ɓa Ə́ tɔɔ a ə́ nwąnąi, ə́ gbaɠala kaa.

Yálá laawoo hɛɓɛ

² Ə́i wəli tɔɔ kilimąą woo ɓa Ə́ tɔɔ a ə́ nwąnąi, ə́ gbaɠala kaa.

Bible

² Íwoli tɔ́ɔ dáre-woo-ŋai dîa. Kɔ́ í díŋa káa.

Hanwon 2:2 Referans Kwoze

Hanwon 23:12

Mɛ̨nįi di kaa ə́ kalan ɉii la, ə́ lii laa ɓo dɔwɔ, ə́ ə́ wəli tɔɔ mɛ̨nį kɔ́lɔn nwoo ɓa.

Hanwon 18:1

Nui gbɔwɔ nwɔ tɔ̨nɔ̨ wɛli kaa mą, a tɔɔ dɔ̨nɔ̨ konɉu. Da niɛwoo kɛ a nwąną mą.

Mąątɛ̨nɛ̨ 90:12

Ku yíi hvóló hu hvo kwɛa li, yili kpaɠala lɛ kuɔ, ku kili ə pu ɉu, əgɛ, kuɔ pɛli kili hɔlɔɓoi.

Maafîu 13:9

Jesus ə kpɛɛ lɔ a yili ɓoɔ yɛ diɛ: «Nui wəli kaa mą, ə mɛ̨n.»

Azaya 55:3

'Ka ka wəli tɔɔ, 'ka pa bɔ́ pələ; 'ka ka wəli tɔɔ, ka ɓalo, gáá pai mįnɛ̨ laai gwa kaa ni gu lɔwai, a hvóló kəlee da nwɔɔ; mɛ̨inɛ̨ɛ̨ɠaai ŋį́ di laakwɛlanmo Davidə ɓa, gɛ́ di kɛ.

Ikilisiati 8:16

Bələi nu a tɛɛ la yɛ kɛ a kilimąą mun, ŋą́ą́ nį́í lɔ yili kwɛliɛ hu, ə gɛ, ŋą́ gbaɠala kaa. Ɛlɛɛ, mɛ̨nįi kpɔ nu lonnii yee kaa mą lɔi mɛ̨i, ə gɛ, ŋį́ gaa ŋį́ mąąkpɛɛ. Mąąhɔlɔɓo, ŋą́ą́ gaa, yɛ ə kɛ a kpinį yɛ ə kɛ a hvóló, nu lonnii di yíi, di lɔ a di ɲɛ̨i.

Ikilisiati 8:9

Mɛ̨nįɠaa kpɔ kɛi ɓɛ yələkɔlɔn mu, ŋą́ą́ mąąkpɛɛ, ŋą́ nu lonnii kaa, diɛ hee di ɓɛlaa mɛ̨i, diɛ di mɔ̨nɔ̨ɓo.

Ikilisiati 7:25

Yili ɓa, ŋą́ gbɔ́wɔ́ lɔ mɛ̨nį kwɛliɛ hu da mɛ̨nįɠaa kɛ mɛ̨nį nwun; ŋą́ kɛ bɔ, ŋą́ kili mɛ̨nį kaa. Yii ŋį́ gaa ya ɓaa: Nwąnąlɔ da kilikpɛɛgwəi di kaa a ɓowo mɛ̨nį.

Gɛlaɠaa 17:11

Yiliɠaa lii lɛlɛɛi kɛ di kwəi, ə tɛɛ Tesalonikə Ɉuifəɠaa diɛ. Di di yee hee Yálá lawoo mu a di kwəi kwəlɛɛ, ɛlɛɛ, hvóló tɛitɛi yee mu, di kɛli Yálá lawoo hɛɓɛ́ mąą kpɛɛ, akɛ, mɛ̨nįi di kaa nɛi diɛ, gaa kpɔ ti a tɛ̨ą.

Hanwon 2:3

A tɛ̨ą, akɛ yá kilaa pɔ̨nɔ̨ kwɛli, ə́ nwun gɛ ɉu mɛ̨nį kwɛli,

Hanwon 4:1

Nónii, mɛ̨nįi ŋɛ̨i ka nąn gaa nɛi kaa, ka ka wəli tɔɔ mą. A kɛ tii, bələi mąąnɛ̨ɛ̨ ka kɛ la a nwun gɛ ɉu nuą, ka bələ kaa.

Hanwon 4:20

Nón, ə́ wəli tɔɔ nwóó ɓa, ə́ ə́ wəli tɔɔ nwɔ́ liɛwooɠaa diɛ.

Hanwon 6:32

Nui da wɛlikɛ nɛ̨ɛ̨nu da kɛ, mąą nu hva mɛ̨nį ɲąą kaa, nui gaa bɔ ə gbɔwɔ yee lɛɛ ɉu, bələ ɓə a túwɔ́ la.