Hanwon 2:10 - Yálá laawoo hɛɓɛ (dc)

¹⁰ Kili a kɛ yɛ́, mɛ̨nį kɔ́lɔn ŋąą yɛ kwəinɛ̨ɛ̨ tɛɛ ə́ pɔ. Ə́ nwun a kɛ ə́ hu, hva lan.

Yálá laawoo hɛɓɛ

¹⁰ Kili a kɛ yɛ́, mɛ̨nį kɔ́lɔn ŋąą yɛ kwəinɛ̨ɛ̨ tɛɛ ə́ pɔ. Ə́ nwun a kɛ ə́ hu, hva lan.

Bible

¹⁰ Táre a pâi kɛ̂i íŋuŋ su, mɛni ŋá-kaa é lii-nɛ̃ɛ tɛɛ ípɔ.

Hanwon 2:10 Referans Kwoze

Ɉeremi 15:16

Yai-Laa Mɛ̨nį Kəlee ŋą Hééɓomun Yálá! Ya lɔ ɓaa, ŋą́ kwiɛn a ə́ laa woo, ŋį́ níí laa, ŋį́ mukpələ. Ə́ laa woo ə kɛi gwə́inɛɛ, yɛ níí nɛ̨ɛ̨ gwə́i. Mąąhɔlɔɓo, náá kwɛlanmoɔi yɛ́.

Kolosə 3:16

Kristə woo ə ɉeei kulɔ ká nįį hu, da ŋą hɛn nąmu laa kəlee, ká ká keeni kilaa pono a kili pələ, káá mɛ̨inɛ̨ɛ̨ hu kɔlɔn nwələ too Yálá ɓa ká nįį hu, a Yálá mąątɛ̨nɛ̨ wooɠaa ɓoɔ gee ɓa, 'káá Naa tɛ wələɠaa too, da kalan nwələɠaai Kili a dɛ ká la.

Zôo 23:12

Gɔ́wɔ́ hvo ta həɠə li nwɔ tɔ́nŋąąi mɛ̨i. Wooɠaai da kulɔ na ŋą́ gəlee lɛɛ gíli pɔ.

Mąątɛ̨nɛ̨ 119:162

Gwə́inɛ̨ɛ̨i, ə́ wooi ə́ gwɛlɛ mąą mɛ̨nį ɓa, lɔ yɛ, nu a kulɔ hɛn gɔw kɛnɛ̨ mɛ̨i ə́ tɛɠii.

Mąątɛ̨nɛ̨ 104:34

Mąątɛ̨nɛ̨ wələi gáá dooi, ə nɛ̨ɛ̨ nwəlii! Ɛlɛɛ, Yai-Laai, 'ə kɛ lɔ a nwɔ kwəinɛ̨ɛ̨.

Mąątɛ̨nɛ̨ 19:10

Mɛ̨nį haŋąą ɓaa nu ə ɲɔw Yai-Laa ɓa, yili dɔlɔ hva kpɛɛ; Yai-Laa nwɔ mɛ̨nį hutɔɔ woo kəlee kaa a tɛ̨ą, gəlee haŋąąi.

Mąątɛ̨nɛ̨ 119:111

Gwɛ́lin mąą Ə́ laawoo a yələ kəlee, yá ɓə a gwə́inɛ̨ɛ̨.

Hanwon 14:33

Kili mɛ̨nį a ɉeei hɔlɔɓo mɛ̨nį kɔ́lɔnmun nii hu. Kɛlaa, kilikpɛɛgwəi nuą da mɔ̨ɔ̨ pɛli gɔlɔn ɉii?

Mąątɛ̨nɛ̨ 119:103

Ə́ wɔ tɔn nwooɠaai nɛ̨ɛ̨i ná, dɛɛ kwɛ̨in nwulɔ ɓa.

Mąątɛ̨nɛ̨ 119:97

Ə́ wɔ tɔn nwooi wɛli kaa mą́ą́! Ŋą́ ɉu kpɛ a yələ kəlee.

Hanwon 1:4

A kiliŋą kulɔ tɛɛ nu tunun bɔ, yɛ mɛ̨nį kɔ́lɔn ŋąą tɛɛ hulɔnon bɔ, da mɛ̨nį hukpɛ kili.

Hanwon 22:18

Mąąhɔlɔɓo, yá ə́ kili lɛɛ ɉu, ə́ naaikɛ ə́ líi hu, a ə́ laaləi kɛ kili pələ ɓo laaləi.

Hanwon 4:6

'Hvó ə́ pulu tɔɔ kili mɛ̨nį ɓa, ya ɓə pai ə́ mɛ̨i kaa. Nwɛli la kɛ, ya ɓə a ə́ mąąkɔ̨nwɔ̨.