Hanwon 19:29 - Yálá laawoo hɛɓɛ (dc)

²⁹ Hutɔɔ hvaɠa kaa a yɛlɛ mąą kɛ nuą di wɔɔ, ɛlɛɛ, gbɔn ə ɓo kilikpɛɛgwəi nuą hąą.

Yálá laawoo hɛɓɛ

²⁹ Hutɔɔ hvaɠa kaa a yɛlɛ mąą kɛ nuą di wɔɔ, ɛlɛɛ, gbɔn ə ɓo kilikpɛɛgwəi nuą hąą.

Bible

²⁹ Ɣɛ́lɛ-ma-kula-nuu a ŋɔtɔŋ-kpɛ-maa sɔlɔ ƃô. Ƃoo-nuu ŋɔtɔŋ-kpɛ-maa ƃa lókwa.

Hanwon 19:29 Referans Kwoze

Hanwon 26:3

Hoo da naa kwɛli, hoohvaalən da gɛlɛ hvaɠa, kilikpɛɛgwəi mun da galakpa.

Hanwon 10:13

Kilimąą mun vaa woo a kili tɛɛ nu pɔ, Kɛlaa, hvaɠa kaa kilikpɛɛgwəi mun bulu.

Hanwon 9:12

Ya kɛ a kilimąą mun, yáá kpinįi ɓə yá dɔ̨nɔ̨ hɔlɔɓo; yá kɛ a yɛlɛkulɔ ɉumun, yɛ́ tɔ̨nɔ̨ ɓə ya mɔ̨nɔ̨ mįi.

Hebreu 12:6

Mąąhɔlɔɓo, nui nwɛli kaa gu Ną́mu ɓa, ya ɓə a ɉutɔɔ. Lon a ɲee hee mu, ya ɓə a ɉutɔɔ.»

Azaya 29:20

Mąąhɔlɔɓo, nɔi mɔ̨nɔ̨ɓo-tɔɔɓɛlaa di wɔ yələi kpɛɛi lɔwai li, yɛlɛkulɔ ɉu kɛ nuą nwun na yɛ pili; ɛlɛɛ, nuąi kpɔ mɛ̨nį ɲɔ̨n gɛ kili kaa di kwəi, di kəlee di kaa pai haai:

Azaya 28:22

Ka hvo kɛa tɔɔ yiihu, kaa kɛ ka káá yɛlɛmąą kɛi, di hvo pa ka yili yɛli hu yala kaa; mąąhɔlɔɓo, ŋąą mɛ̨n Nąmu Yai-Laa Mɛ̨nį Kəlee ŋą Hééɓomun la, yɛ a nɔi nąą kəlee kala mɛ̨nį gili tee gwəi.

Hanwon 18:6

Kilikpɛɛɲəimun vaa woo a hvaa too, a pələ ɓo, hvo kɛli kɛlɛ ɓo a kulɔ ɉu.

Hanwon 17:10

Mɛ̨nį toɔ kilimąą mun ma, dɔlɔ kaa mą, ə tɛɛ hvaɠa ɲąą nwun dɔ̨nɔ̨ kulaa kilikpɛɛgwəi mun ɉu, ɓa.

Hanwon 7:22

Ɉulɔnui tii ə nɛɛ mą, ə hvilɛn bulu, yɛ nįŋɛ̨ a hvilɛn baamun bulu, diɛ li baai. Yɛ da yɛli too ɓowomun gɔwɔ kwąną, diɛ li dooi kpɔnɔ ɲą.

Hanwon 3:34

Yai-Laa a yɛlɛkulɔ yɛlɛmąą kɛ nuą hu, Yɛ ɲɛ̨i lɛlɛɛ hee kpɔwɔmąą yɛɛ nuą diɛ.

Dutɛrɔnome 25:2

Akɛ mąąnɛ̨ɛ̨ di ɉɔn mąą mun gɛlɛ, giti tee mun a bɛlɛ nɔi ɓa, di gɛlɛ ɲɛ̨i ɓa, yɛ bələi ɉɔn ə kɛ la.

Mąątɛ̨nɛ̨ 1:1

Nwun na nɛ̨ɛ̨mun maa, nui hvo nu ɲɔ̨nwɔ̨ɔ̨ɠaa di wɔ liɛwoo pɔ, hva hiɛ nɛ̨ŋɛ̨n ɉəɠə nuą di wɔ pələi mɛ̨i, ɛlɛɛ, hva hee nuąi da yɛlɛ kulɔ Yálá hu, di lɔwai.

Tɔɔɓɛlaa veelɛ 2:24

Elise ə tinɛ̨n, ə ɲɛ̨i hee diɛ, ə di nɛ̨ŋɛ̨n nąą Yai-Laa laa hu. Nąąlɔwai ursə hveelɛ di kulɔ nɔwɔi, di pa, di nɛapɛlɛ tii bow nąąn kɔ́w hveelɛ paa ɉu.

Hanwon 1:22

«Kilikpɛɛgwəimun! Ə́ kaa pai lɛɛi kilikpɛɛgwəilaa hu, ə lɛɛ ɉu lə yələ? Yɛlɛkulɔ ɉumun! Ə́ kaa pai lɛɛi yɛlɛkulɔ ɉu kɛi, ə lɛɛ ɉu lə yələ? Mįnɛ̨ lɔwai ɓə ɓowo nuą kaa pai mɛ̨nį kɔlɔn ŋąą wɛlilakɛi la?

Hanwon 1:26

Ɲą́ą́ gbɛli, mɔ̨nɔ̨ a laa kaa, ŋą́ yɛlɛ kaa, kpalo a ɓɛla kaa, ŋą́ yɛlɛkulɔ ka hu;