Hanwon 19:23 - Yálá laawoo hɛɓɛ (dc)

²³ Nu ya ɲɔw Yai-Laa ɓa, a nu ɓalo. Ɲɔw mąą tii, a nu niilɔ, ya yɛnɛ̨ɛ̨ kɛ, mɛ̨nį nwąnąą hva ə́ hɔlɔɓo.

Yálá laawoo hɛɓɛ

²³ Nu ya ɲɔw Yai-Laa ɓa, a nu ɓalo. Ɲɔw mąą tii, a nu niilɔ, ya yɛnɛ̨ɛ̨ kɛ, mɛ̨nį nwąnąą hva ə́ hɔlɔɓo.

Bible

²³ Ɣâla Yâwɛɛ ŋɔyao-maai a pâ a fúlu-laa su kôyaa. Ǹúui a gíli pù mai, a líi-laa sɔlɔ ƃô. Mɛni nyɔ́mɔɔ fé pâi pâi bɔ́.

Hanwon 19:23 Referans Kwoze

Maafîu 5:6

Nwun na nɛ̨ɛ̨ nuą ɓaa nuąi tələnmolaa wɛli kaa diɛ. Mąąhɔlɔɓo, Yálá kaa pai tələnmolaa tɛɛi di pɔ!

Hanwon 12:21

Mɛ̨nį ɲɔ̨n va həli tələnmomun ma, Kɛlaa, nwąnąlɔ nuą ɓə kpalo a di kaa.

Mąątɛ̨nɛ̨ 90:14

'Ku pilɛ ə́ wɔ wɛlikɛmąąlaa hu, yələwala piinɛ̨ɛ̨, a kɛ tii, kwa túwɔ́ kwəinɛ̨ɛ̨ hu, kuɔ wələ too.

Timote dɔlɔɔ 4:8

Nu yá ə́ kɔ́lɔ ɲąątɔɔ a mɛ̨nį ta, dɔlɔ kaa lɔ mą mɛ̨nį pɛlɛɛɠaa hu, kɛlaa Yálá mɛ̨nį nwɛi, dɔlɔ kaa mą mɛ̨nį kəlee hu. Kɛlɛi yili mun mə, yɛnɛ̨ɛ̨ laakwɛlanmoɔ ɉu, yɛ ə kɛ a, háákələi yɛnɛ̨ɛ̨, awala kɛ tii, tínąą gaa pai?

Hanwon 10:27

Nu a ɲɔw Yai-Laa ɓa, a nwɔ yɛnɛ̨ɛ̨ hu kwɛa, Kɛlaa, nwąnąlɔ nuą yíi hvo kwɛa li.

Mąątɛ̨nɛ̨ 103:17

Kɛlaa Yai-Laa nwɔ wɛlikɛmąąlaa kaa a yələ kəlee mɛ̨nį, nuąi da mąąwiɛ di mɛ̨i; ɛlɛɛ, a yiliɠaai lonnii di wɔ lonnii hon a wɛlikɛmąąlaa;

Mąątɛ̨nɛ̨ 85:9

Mɛ̨nįi Yai-Laa nwɔ́ Yálá kaa moi, nwə́li tɔɔi mą, yɛ «liilaa ə pa» nwɔ lɔi mɛ̨i, da nwɔ tələnmo nuąi mɛ̨i, Kɛlaa, di hvo kɛa pənə di hvo di yee lɔ di wɔ ɓowo mɛ̨nįi ta hu.

Lomaŋ 8:28

Gu gɔlɔn nwɔ̨nɔ̨ guɔ diɛ: Nuąi da Yálá wɛlilakɛ, di mąąkpɔnmąą ɓo mɛ̨nį kaa mɛ̨nį kəlee hu; a diɛi tii ə di həɠə ɉu, yɛ bələi nwɔ mɛ̨nį pɛliɛ kaa la.

Mąątɛ̨nɛ̨ 91:16

Ŋą́ bilɛ yɛnɛ̨ɛ̨ hu, ŋą́ malo.

Mąątɛ̨nɛ̨ 25:13

Mąą nu a yíi nɛ̨ɛ̨ ɓo, ɉuwu yɛ lɔi hɔlɔɓo.

Timote veelɛ 4:18

Gu Ną́mu kaa pai gúlɔi mɛ̨nį ɲɔ̨n gəlee yəi, ɛlɛɛ, ə málo ŋą yələkɔlɔn ɉu tɔɔlaai mąą mɛ̨nį ɓa. Mąąwiɛ ə kɛ mą a yələ kəlee kpɛɛ hvo mą! Yálá ə kɛti.

Mąątɛ̨nɛ̨ 19:9

Yai-Laa nwɔ tíɓoɠaai haŋąąi, a nu lii ɲąąnɛ̨ɛ̨, Yai-Laa nwɔ tɔ́n nwooi hu pɔ̨nɔ̨ɔ̨i, a nu kiliŋą pono a nu.

Gɛlaɠaa 9:31

Nąąlɔwai, ə gɔwɔ tɔɔ Ɉude lɔi hu, Galile lɔi da Samari lɔi hu, gbɔn ə kɛ liilaa hu nąą kəlee, ɉu yɛ walawala, diɛ lɛɛ gu Ną́mu Jesus woo mu, diɛ tɛ tɔwɔ Kili-Mąąhəɠɛɛ háálai.

Mąątɛ̨nɛ̨ 91:10

Mɛ̨nį ɲɔ̨n və pai həlii yɛ́, mɛ̨nį ɲąąnwąnąą ta hva lɛɠɛ ə́ wɔ yíi-pɛ́lɛ́i ɓa;

Hanwon 11:19

Nuąi da li Nɛ̨ɛ̨nui tii pɔ, di hva di pulu pənə. Di hva yɛnɛ̨ɛ̨ kɛ pələ kaa.

Hanwon 19:22

Hɛn da gwɛli nu yəi ya ɓaa a kulɔ nwoo ɓa laa, yili ɓa, yeehvowolomun viɛlaɓoɔi lɛɛmun ma

Hanwon 3:24

Yá laa a kpinį, hva ɲɔw, yá laa, ə́ yíi a nɛ̨ɛ̨ hvɛ-hvɛ.

Hanwon 22:4

Nui a gbɔwɔ mąą yɛɛ Yai-Laa yee mu, yɛ ɲɔw mą, vɛla ɓaa yee la hvólóon, mąąwiɛ, da lamun yɛnɛ̨ɛ̨.