Hanwon 19:13 - Yálá laawoo hɛɓɛ (dc)

¹³ Lon gilikpɛɛɲəi kaa a nąn nwɔ mąąwɛli mɛ̨nį. Nɛ̨ąą di wɔ hvaa kaa yɛ yái a hvilɛn tən tən, hva kpəla mą.

Yálá laawoo hɛɓɛ

¹³ Lon gilikpɛɛɲəi kaa a nąn nwɔ mąąwɛli mɛ̨nį. Nɛ̨ąą di wɔ hvaa kaa yɛ yái a hvilɛn tən tən, hva kpəla mą.

Bible

¹³ Ƃoo lôloŋ a ǹâŋ su kàra. Laa-saa-nɛni káa yɛ̂ɛ pɛ́rɛ nyii a ƃɔ̂ a tãi kéleei.

Hanwon 19:13 Referans Kwoze

Hanwon 27:15

Tulɔyá kpoloon hva kpəla tɛɛ ɓa, a tulɔ pu yələ, da nɛ̨ɛ̨nui hvaa wɛli kaa mą, di kaa taanɔ̨n.

Hanwon 21:9

Nu kɛɛ pɛlɛ́ hvaŋąn mu, ə́ ɓo hoŋon ma, yili hviɛlaɓoɔ dɛɛ ka hvaa kɛ nɛ̨ɛ̨nu ka kɛɛ pɛlɛ́ tɔ̨nɔ̨ mu ɓa.

Hanwon 10:1

Kilimąą lon gaa a nąn nwɔ kwəinɛ̨ɛ̨, kilikpɛɛgwəi lon ə ɓo a nee nwɔ liihɛlɛn.

Hanwon 25:24

Nu kɛɛ pɛlɛ́ hoŋon ɉu hviɛlaɓoɔi, ka hvaa kɛ nɛ̨ɛ̨nu ka kɛɛ pɛlɛ́n ma.

Hanwon 21:19

Nu kɛɛ heeni lɔi pun ɉu, viɛlaɓoɔi, ka hvaa kɛ nɛ̨ɛ̨nu ka kɛɛ yɛnɛ̨ɛ̨ hu ɓa, yai mɛ̨nį ta hva gwəinɛ̨ɛ̨.

Hanwon 17:25

Kilikpɛɛɲəi lon gaa nąn ma a liikələn gwəi, ə ɓo a lííɲąnwąną gaa lee ɓa.

Hanwon 17:21

Nui a kilikpɛɛgwəi lon gaa, ya ɓə pai ɉu mɔ̨nɔ̨ mįi, nu a kɛ a ɓowomun, nąn va kwəinɛ̨ɛ̨ hɔlɔɓo.

Zôo 14:19

Ya a pɛli kwɛniɠaa ɓuwɔi, yɛ gbaalə laa lɔi hu. Bələ ɓə yáá nwɔ́ kilitɔɔmąą laa hu kala la,

Hanwon 15:20

Lon gili kɛɛ ɲəi, gaa nąn ma a kwəinɛ̨ɛ̨, Kɛlaa, lon gili hvo ɲəi, a tɛɠɛ ɓo nee hu.

Hanwon 17:17

Nu mɛlan a nwɛlilakɛ a yələ kəlee, Kɛlaa, nu nəɠə nwɛi, da gɔlɔn nɔ a ə́ mąąwɛli yələ.