Hanwon 18:19 - Yálá laawoo hɛɓɛ (dc)

¹⁹ Kaayɔwɔ hvaa hu hon naa walaai, ə tɛɛ kɔ́ taa walawala hon ŋąą ɓa. Vaa taaləi tii a walawala yɛ kwɛli.

Yálá laawoo hɛɓɛ

¹⁹ Kaayɔwɔ hvaa hu hon naa walaai, ə tɛɛ kɔ́ taa walawala hon ŋąą ɓa. Vaa taaləi tii a walawala yɛ kwɛli.

Bible

¹⁹ Kpɔŋ íbarâŋ-nuui ma, gɛ̀ ní a pâi ímaa kɔ̃ɔ̂i yɛ̂ɛ taa-lee nyii siɣãŋ tínaŋɔɔ̂i mai. Kɛ́lɛ à kɛ̀ ka dîa-ni ka laa-saa kɛ̀, da pâi díkpôŋ láa tɛ̂i íperei.

Hanwon 18:19 Referans Kwoze

Hanwon 16:32

Nui hva níiholi ɉa, viɛlaɓoɔ ɓə kɔ́kuláá ɓa. Nui a gbɔwɔ hu hon, viɛlaɓoɔ ɓə dɛɛ taalee honmun ma a kɔ́.

Gɛlaɠaa 15:39

Polə da Barnabasə di woo hvo naa mą, ya ɓə gɛ, nu kəlee ə li a dee. Barnabasə ə Markə həɠə di tɛ gələn ɉu, Siprə.

Hanwon 6:19

lɛɛ kɛla hvaa ɓomun, nui a hvaa too leegaaɠaa lɔwai.

Tɔɔɓɛlaa dɔlɔɔ 12:16

Israɛlə nuą kəlee di gaa diɛ tɔɔmun və nwəli tɔɔ li di woo ɓa, nuą di nwoo pulu pənə, diɛ mą: «Lə mɛ̨nį ɓə kwa Davidə ni ku lɔwai? Ku kpɔnmąą hɛn və laa, kwa Ɉɛse lonnii. Israɛlə nuą, nu kəlee ə li ɲəi bɛlɛ́ laaləi, Davidə lon ə́ wɛi, Ə́ ɲɛ̨i lɛɛ kɛa ə́ wɔ pɛ́lɛ́i ɓa.» Israɛlə nuą di li di yəi bɛlɛ́ɠaa mu.

Samia Veerɛi 13:28

Absalɔn yɛ ɲəi bɛlɛ́n góló kɛ nuą diɛ: «Ka gɛ a nɛlɛɛ, ɓɛlɔwai ka Amnɔn kaa la nɔɔ aa ɉon, ŋą́ kɛ kaa: ‹Ka Amnɔn kɛlɛ›, ka baa. Ka hvo ɲɔw, ɲą́ą́ ɓə ka tɔɔ la ka ká liikpələ, ka gɛ a hulɔnu laa.»

Samia Veerɛi 13:22

Absalɔn hvo mɛ̨nį lɔpee ta ɓo Amnɔn laa mɛ̨i a ɲɔ̨nwɔ̨ɔ̨ ə mą kɛ a nɛlɛɛ. Kɛlaa, nwɛli ə kpɛɛ mą, mąąhɔlɔɓo, aa too mąąhala Tamarə mɛ̨i.

Zɛnɛse 37:11

Ɉosɛfə niɛni di tolo hee mą, kɛlaa, nąn nwɛi, ə kɛi giliŋąhiɛ ɉįiɠaai tii non ə gaa, mą.

Kɔlɔnikɔ Veerɛi 13:17

Abiya da nwɔ nuąi di yee ə tɛɛ diɛ kpɔ tɛ̨ɛ̨tɛ̨ɛ̨, di nu waa nwun nɔɔli paa Israɛlə nuą lɔwai.

Samuɛlə dɔlɔɔ 17:28

Davidə niɛ nu pɔlɔ Eliavə ə Davidə woo mɛ̨n, ɓɛlɔwai Davidə da nuą di kɛi nono kɛ la. Níi ə holi nəɠə pɔ, yɛ mą: «Lə ɓə mun ə́ pa ɓɛ gɛi? Gbɛɛ ɓə ə́ daatɛlɛɛ logoloi tii lɛɛ ɲəi nɔi pun ɉu? Ŋą́ ə́ kɔ́lɔn, ə́ kaa wúu; ə́ wɔ kiliŋąhiɛ hvo lɛlɛ li, gɔ́ naa kaa mɛ̨nį ɓə ə́ paa la.»

Hanwon 18:18

Da lɔwɔ lɔ, a hvaa kɛ nuą hveelɛ taɠa di kee ɓa, yɛ hvaa kpɛɛ nu kpɛa-kpɛa lɔwai.

Hanwon 18:20

Nu hvaa woo nɛ̨ɛ̨ a pɛli ə gɔ̨nɔ̨n ɉɔlɔɓo, yii a mo, a kpɔmąą tɛɛ bɔ nwɔ yɛnɛ̨ɛ̨ kɛ pələ hu.