Hanwon 18:14 - Yálá laawoo hɛɓɛ (dc)

¹⁴ Nu kwəi kili lɛlɛɛ ɓə a kpɔmąą tɛɛ bɔ ɲɔ̨n ɉu, Kɛlaa, a kɛ gili lɛlɛɛi tii mąą a hvalin a ɲɔ̨nwɔ̨ɔ̨, gbɛɛ ɓə ɲee a lɔ mą, ə bɛli.

Yálá laawoo hɛɓɛ

¹⁴ Nu kwəi kili lɛlɛɛ ɓə a kpɔmąą tɛɛ bɔ ɲɔ̨n ɉu, Kɛlaa, a kɛ gili lɛlɛɛi tii mąą a hvalin a ɲɔ̨nwɔ̨ɔ̨, gbɛɛ ɓə ɲee a lɔ mą, ə bɛli.

Bible

¹⁴ Kɔlɔ-fela fa lii-kpele-nuu líi tòo pôlu, kɛ́lɛ gbɛ̂ɛ ƃa pɔ̂ri lii-too pôlu-nuu líi mu siɣêi?

Hanwon 18:14 Referans Kwoze

Hanwon 15:13

Nu kwəinɛ̨ɛ̨ ɲɛ̨ilai kaa a wɛlikɛmąą ɲɛ̨ilai, Kɛlaa, nui a kɛ lii kələngwəi hu, ɲɛ̨i mąą a luwu.

Hanwon 17:22

Líílaa kaa a ɲɔ̨n ɉalə kɛnɛ̨, Kɛlaa, lííkələn gwəi, a nu kulɔ nwului.

Piɛrə dɔlɔɔ 1:6

Ɛlɛɛ nwɔ̨nɔ̨, 'ká pili yələi a kwəinɛ̨ɛ̨, ə mą kɛ, di kaa ká mɔ̨nɔ̨ɓoi lɔwai logolo yee mu, a hukɔɔn mɛ̨nįɠaa,

Zĩi 1:2

Ną́n nonnii, hu kɔ́ɔn mɛ̨nįɠaa da həli kaa, 'ká ká kwəinɛ̨ɛ̨ gəlee hu;

Mąątɛ̨nɛ̨ 147:3

Nuąi di lii yalia di kwəi, a di ɓalo, yɛ di wɔ palaɠaai waa.

Korɛntə veelɛ 2:7

Viɛlaɓoɔi ká mąąhvaalɛɛ, ká niilaa, ə gɛ, niiɲą hvo pa nəi nwąną hvo tɛɛ ɲɛ̨n ɉu.

Mąątɛ̨nɛ̨ 109:22

Ɲą́ą́ ga, hɛn və ɲə́i, mą́ą́wɛliɛ, ɛlɛɛ, níi kpɔ kpɔɔ yaliɛi gwə́i.

Korɛntə veelɛ 1:12

Ku ɲɛ̨i pono mɛ̨nį ɓaa, ku kwəi kili ŋą kɛla wooi a mo kuɔ, ya ɓaa: Ku túwɔ́ yɛnɛ̨ɛ̨ hu, gəlee ə mą kɛ ləi, ká mąą mɛ̨nį hu, a kwəi kwələlaa da mąąhəɠəlaai a həɠə Yálá pɔ, hvo kɛli kɛ a nu kan ŋą kilikɛɲəi laa, kɛlaa, ə kɛ a Yálá ŋą nɛ̨ɛ̨laa.

Mąątɛ̨nɛ̨ 55:5

Níi hvo kpɔ gɛi, gɛ́ kpɔ ŋą́ haa a ɲɔw.

Mąątɛ̨nɛ̨ 55:3

'Ə́ ɲɛ̨i hee bɔ́ pələ, nwóó pulu pənə; ɉú aa pu mą́ą́, gɛ́ nwóó laa.

Zôo 6:4

Mąąhɔlɔɓo, Huwalawala Kəlee Nąmu Yálá aa ɓɔ ɉú a nwɔ mɛ̨ɛ̨ kɔ́w, nɔ̨́ɔ̨ pələ tɛitɛi, yɛ nwąną lɔ ɉú. Yálá nwɔ ɲɔw mąą laa a muhəɠə mɛ̨́i.

Lɛɛ gbɔwɔ ɓa 6:9

Moisə ə nwooi tii ɓo Israɛlə lonnii diɛ, di hvo kpɛli di wəli tɔɔ nwoo ɓa, mąąhɔlɔɓo, nuwɔ laa nwɔ mɔ̨nɔ̨ aa kɛ hee di hu.