Bib sou entènèt

Hanwon 18:10 - Yálá laawoo hɛɓɛ (dc)

¹⁰ Yai-Laa laa kaa a nu mąąkpɛɛ hįi. Nu haŋąą a noo ɉu, mɛ̨nį ta hva ɉɔlɔɓo.

Gade chapit la Kopi

Yálá laawoo hɛɓɛ

¹⁰ Yai-Laa laa kaa a nu mąąkpɛɛ hįi. Nu haŋąą a noo ɉu, mɛ̨nį ta hva ɉɔlɔɓo.

Gade chapit la Kopi

Bible

¹⁰ Ɣâla Yâwɛɛ wóo káa yɛ̂ɛ yeŋkêŋ kpanaŋɔɔ. Núu sã́a a lî naa a gɛɛ é ŋuŋ ma ƃô sɔlɔ ƃó.

Gade chapit la Kopi

tounen moute ⬆

Hanwon 18:10
29 Referans Kwoze

Samia Veerɛi 22:3

Nwɔ́ Yálá kaa a kwɛnii ŋą́ mą́ą́kilɛ bulu. Gaa a nwɔ́ hə́mə́, yɛ ɓo a nwɔ́ yee tɛɛ mąą kwɛli hɛn. Gaa a nwɔ́ taa walawala yii ŋą́ mą́ą́kilɛ ɉu. Málomun ni, nwún mąąɓomun ni. Ya ɓə a gúlɔ toomɛ̨i kɛ nuą yee mu.

Mąątɛ̨nɛ̨ 91:2

Ŋą́ kɛ Yai-Laa ɓa, «Yɛ́ ɓə a mą́ą́kilɛi, mą́ą́kpɛ taa ɓaa Yɛ́, Yɛ́ ɓə a nwɔ́ Yálái, gílitɔɔi mą!»

Azaya 26:4

'Ka ka kilitɔɔ Yai-laa ɓa a yələ kəlee da nwɔɔ, Yai-Laa ɓə gaa a gu mąąkɔ̨nwɔ̨ kwɛni a yələ kəlee.

Mąątɛ̨nɛ̨ 144:2

Dɔ́ɔ́ bulumun ni, da mą́ą́kɔ̨nwɔ̨ taa, nwɔ́ kɔ́ taa ka ti, da gúlɔ ɉumun, mą́ą́kpɛ kpanąn, bɔɔli ɓə ŋą́ mą́ą́ kilɛ laa, a nwɔ́ nuąi lɔ nwɔ́ heeɓolaa yee mu.

Mąątɛ̨nɛ̨ 27:1

Davidə nwɔ wələ woo. Yai-Laa ɓə a nwɔ́ kɛɛ pɔ̨nɔ̨, da málomun. Gbɛɛ ɓə ŋą́ pɛli ɲɔwi mą? Yai-Laa ɓə a mą́ą́ kɔ̨nwɔ̨ hį́i. Gbɛɛ ɓə mą́ą́ a kpɛlin ɲɛ̨i ɓa?

Mąątɛ̨nɛ̨ 18:2

Yɛ diɛ: Ə́ wɛli kaa mą́ą́ Yai-Laa, yɛ́i a nwɔ́ huwalawala.

Zɛnɛse 17:1

Ɓɛlɔwai Abramə kaa kwɛlan ə kɛ a kwɛlan bow mɛ̨inaa-kɔw mɛ̨inąąn, Yai-Laa ə gbɔwɔ lɛ mą, yɛ mą: «Ɲą́ą́ ɓə gaa a Huwalawala Kəlee Nąmu Yálá, mąąnɛɛ ə́ hiɛ ɲɛ̨́i ɓa a ɉaŋąą, hɔn və kɛ yɛ́.

M̀ɛni-lɛɛi 1:8

Ɲą́ą́ ɓə a dɔlɔɔ, ɛlɛɛ, a gbɛlai, Hééɓo laa Kəlee Nąmu Yálá woo li! Yai kɛ laa, yai laa Yiihu, ɛlɛɛ, yai pai, yai a Hééɓomun.

Maafîu 1:23

Ə mo yɛ: «Nɛ̨ɛ̨gbəla ta yii hvo hulɔnu mɛ̨nį hu kɔ́lɔn, gaa pai koo həɠəi, ə lon ɉulɔnu hɔlɔɓo, di naa hee a Ɛmanuɛlə (mukulaa ɓaa: Yálá kaa gu pɔ).»

Azaya 9:6

Nwɔ heeɓolaai, yee kɔnwɔ̨n ɉu a ɓɛlɛɛ, ɛlɛɛ, kpɛɛ hvo nwɔ tɔɔlaa ɓa. Yii ɓaa nąn Davidə nwɔ tɔɔkpəlin, Ya ɓə pai vilɛn ɉii gbilin, tɛ̨ą mɛ̨nį da tələnmolaa mɛ̨i, ə həɠə yiihu ɓa, ə lɛɛ la ɉu, wɔ. Yili ɓə Yai-Laa Mɛ̨nį Kəlee ŋą Hééɓomun kaa pai gɛi, nwɔ wɛlikɛmąą kɛnɛ̨ɛ̨ hu.

Samuɛlə dɔlɔɔ 30:6

Davidə kwəi pilɛɛ kɛ mą, mąąhɔlɔɓo, nuą di kɛi baa mɛ̨nį ɓo a kwɛni. Nu kəlee liikələn ŋąą kɛ gwəi, da kɛi di kiliŋąhiɛ di lonnii hinąą da di lonnii nɛ̨ąą diɛ. Kɛlaa Yai-laa haalai, Davidə ə nii kpələ.

Ɉeremi 23:6

Nwɔ yɛnɛ̨ɛ̨ hu, Ɉuda nwun mąą a ɓo Israɛlə yɛ kɛ nɛ̨ɛ̨ hu. Naai di kaa pai ɉeei mą, ya ka: ‹Yai-Laa ɓə a ku wɔ tələnmolaa.›»

Mąątɛ̨nɛ̨ 91:14

Yii kpɔ aa kanąn mą́ą́, ŋą́ gulɔ ɲəi kɛ, ŋą́ mąąkɔ̨nwɔ̨, mąąhɔlɔɓo ə gɔ́lɔn.

Habakukə 3:19

Yai-Laa, ya ɓə gaa a Ną́mu. Ya ɓə gaa a nwɔ́ huwalawala Yaa tii ɓə aa gɛ́ gili-gili, yɛ lomą, Yaa tii ɓə a dɛ́ kpɔ ləɠə-ləɠə. Nwələ ɲɛ̨i tɔwɔmu mə nwələi ŋɛ̨i too, dɛi muhee a gwɛnįn.

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Samia Veerɛi 22:51

Yai-Laa a kɔ́ nɛ̨ɛ̨ nwɔ tɔɔmun ma nui a ɉəɠə ɉu ə mąątí, a lɛɛ mąą nu ɓa a woo tɔ̨nɔ̨, a lɛɛ Davidə da ɉuwuhu nuą kəle pɔ, a yələ kəlee.

Zɛnɛse 32:11

Mą́ą́ hvo nɛ̨ɛ̨li kɛ a mɛ̨inɛ̨ɛ̨ kɛnɛ̨ɛ̨ ŋɛ̨i nąmu. Hvo gaai, gɛ́ɛ́ Ɉurdɛn teen ɉii, gbɔn nɔ ɓə kɛ ɲə́i. Ya ka ŋɛ̨i Yáá ɲéé laahvɛɛ a mɛ̨inɛ̨ɛ̨ kpɛa-kpɛa hveelɛ, gɛ́ pənə gɛ́ paa la ną́n ɲəi bɛlɛ́n.

Lɛɛ gbɔwɔ ɓa 6:3

Ŋą́ wɔlɔ gbɔ́ɠɔ́ lɛ Abrahamə ɓa, ə mą kɛ Isaakə da Ɉakɔbə. Ŋą́ gbɔ́ɠɔ́ lɛ diɛ yɛ: ‹Huwalawala Kəlee Nąmu Yálá›, kɛlaa, di kili hvo kɛ ɉu, diɛ kɛ náá ɓaa: ‹Yai-Laa.›

Samia Veerɛi 22:2

Yɛ kɛ mą: Yai-Laa kaa a nwɔ́ kwɛni, da nwɔ́ hį́i, da nwún mąąɓomun.

Hanwon 14:26

Nui a ɲɔw Yai-Laa ɓa, dɔɔi a walawala, Yai-Laa kaa a mąą nu mąąkilɛi, nonnii wəli pulu laɠiɛ.

Hanwon 29:25

Ɲɔw kɛnɛ̨ a hɛlɛn dɛ nuą tɔwɔ. Kɛlaa, nui a gilitɔɔ Yai-Laa ɓa, a mąą nu mɛ̨i kaa.

Samuɛlə dɔlɔɔ 17:45

Davidə yɛ Goliatə ɓa: «Ə́ wɛi, ə́ kaa pai pɛlɛi mą́ą́, ɓɔwa kwɛa yɛ ɓo ə́ yəi, kpala yɛ ɓo ə́ yəi, wulu ɲąą kulaa ə́ ɓo ə́ yəi. Nwɛ́i, gáá pai ə́ pɔ Yai-Laa Mɛ̨nį Kəlee ŋą Hééɓomun laa hu, yai a Israɛlə nwɔ Yálái, a Yaa tii ə́ kaa gwɛlin baa pɔlɔn dɔɔi.

Mąątɛ̨nɛ̨ 20:2

Yai-Laa ə ə́ woo mu hon a ɲələi ə́ lii a kələn na ə́ kwəi, Ɉakɔbə nwɔ Yálái laa ə ɲɛ̨i kɛ yɛ́!

Swiv nou:

Lyen patwone

Piblisite

Piblisite