Hanwon 17:3 - Yálá laawoo hɛɓɛ (dc)

³ Wali, hɛni, da di huwaa a hvuluun nwɔ̨n, Kɛlaa, Yai-Laa ɓə a nu líi hu mɛ̨nį huwaa.

Yálá laawoo hɛɓɛ

³ Wali, hɛni, da di huwaa a hvuluun nwɔ̨n, Kɛlaa, Yai-Laa ɓə a nu líi hu mɛ̨nį huwaa.

Bible

³ Da káne da gôo kɔ̀ɔŋ ŋɔŋ su, kɛ́lɛ Ɣâla Yâwɛɛ ƃa núu líi su kɔ̀ɔŋ.

Hanwon 17:3 Referans Kwoze

Azaya 48:10

Ya ka ŋɛ̨i kɛa ŋą́ą́ ə́ waa nwɔ̨n ɉu, yɛ da kɛi wali waa, ŋą́ą́ ə́ hu həɠeen a mąąwɛli mɛ̨nį.

Ɉeremi 17:10

Ɲą́ą́ Yai-Laa, ɲą́ą́ ɓə ŋį́ nu kwəi kiliŋąhiɛɠaa hu kaa, gɛ́ gwəi kili hu kpɛ. Ŋą́ nu kəlee hvɛla kulɔ yɛ bələi a túwɔ́ la. Yɛ bələi gɛ pələ kaa la.

Mąątɛ̨nɛ̨ 26:2

'Mą́ą́kpɛɛ, Yai-Laa, 'ɉú kɔ́ɔn, níí da gwə́i 'di hu kaa, nwɔ̨n ma.

Hanwon 27:21

Da wali hu waa huluun ɉu, diɛ hɛni hu waa nwɔ̨n ɉu, nu nwɛi, ɉutɔɔ hɛn mąą ŋą túwɔ́ pələ lɛlɛi nuą da dɛ.

Piɛrə dɔlɔɔ 1:7

əgɛ, ká wɔ laa na laai ɉu aa waa, yai viɛlaɓoɔ dɛɛ hɛnii da ɉu waa a nwɔ̨n mą, ə mą kɛ tii, ɉɛnii tii a kala lɔ, ká wɔɔ laa na laa tii, ə mąątɛ̨nɛ̨ laa, mąąwiɛlaa da ɓɛlɛlaa hɔlɔɓo, a ɲələi Jesus Kristə kaa pai gbɔwɔ lɛi la,

Kɔlɔnikɔ Maa-ŋuŋ 29:17

Ną́mu Yálá, gbaɠala kaa mą́ą́, gɛ́: Yá nu kwəi kaa, kwəi kwələlaa yɛ Ə́ lii hon, nwɛ́i, ŋą́ą́ ɉɛnŋąąi tii kəlee tɛɛ kpɔ Ə́ pɔ gbɔ́wɔ́ ɓa, ɛlɛɛ a gwə́inɛ̨ɛ̨. Ya ka nwɔ̨nɔ̨, gáá ə́ nwɔ nuąi ŋɛ̨i ɓɛ di kaai, diɛ pa Ə́ pɔ di kpɔwɔ ɓa a mɛ̨inɛ̨ɛ̨ɠaa.

Mąątɛ̨nɛ̨ 66:10

Yálá, ə́ ku hukɔɔn, ə́ ku huwaa, yɛ bələi da gɛ la a wali.

M̀ɛni-lɛɛi 2:23

Nonnii di wɛi, gáá pai di kɛlɛi a haa; ɛlɛɛ, gbɔn gəlee kaa pai gbaɠala kaa, diɛ kɛ, Ɲą́ą́ ɓə ŋą́, nu kwəi mɛ̨nį da nii hu mɛ̨nįɠaa kaa, ɛlɛɛ, ŋą́ ká tɛitɛi ká hvɛla kulɔ yɛ bələi ká tuwɔ la.

Zakari 13:9

Gáá pai ɉaaɓanąą tii tɛɛ nwɔ̨n ɉu, ŋį́ ɉu waa, yɛ bələi da wali hu waa la, ŋį́ ɉu həɠeen, yɛ bələi da hɛni hu həɠeen na. Gaa pai kɛi vɛ́lii, ɛlɛɛ, ɲą́ą́n, gɛ́ nwoo mu hon. Gáá pai kɛi diɛ: «Nwɔ́ nu huwu li.» Yaan gaa pai kɛi diɛ: «Nwɔ́ Yálá ɓaa a Yai-Laa.»

Mąątɛ̨nɛ̨ 139:23

Yálá! Gwə́i pələ kaa, gwə́i kili kaa, níihɛlɛn gáá mą́ą́, ə́ gɔ́lɔn.

Hanwon 15:11

Ɲąmuątaa da lɔi mu hɛnŋąą, di kaa a mąą pɔ̨nɔ̨ɔ̨ Yai-Laa ɓa, gu hvo mun kɛ nuą kwəi kiliɠaa!

Hanwon 17:2

Luwɔ mɛ̨nį hukpɛ kili kaa mą, a hee lon a nwumɛ̨ tɛ a gaa nuą, nwun na, da bɛlɛ́n nɛapɛlɛɛ, da kpɔn di bɛlɛ́n ɉɛnŋąą diɛ.

Izikiɛ 22:18

«Hulɔnu lon, Israɛlə nwɔ pɛlɛ́i aa kɛ mą́ą́ yɛ kwɛli kpo, di kəlee; yɛi kɛ a wali, ɓala kwɛli, kwɛli kpɛli kpɛli, howa kwɛli, yii di kaa bui ya ɓə, di kəlee daa kɛ a kwɛli kpo, kwɛli kələ mu.

Danîa 11:35

Nwun gɛ ɉu nuąi tii, damaa da haa, di wɔ haai a nuą mąąhəɠə, ə di mąą waa, di kwələ, ə lɛɛ la ɉu, ŋaakpɛɛi lɔwai. Kɛlaa, yili hvo pai kɛi a ŋaakpɛɛi lɔwai.

Dutɛrɔnome 8:2

Bələ kwɛaai Yai-Laa ka wɔ Yálá ə ka hvilɛn mɛ̨i kwɛlan bow nąąn ɲee mu, nɔi pun ɉu, yɛ mɔ̨nɔ̨ lɔ ka pɔ, ka gəlee nąą kili too ka ŋą. Ka hukɔɔn ga tii ə kɛi mo, yɛ ka kwəi kɔ́lɔn; akɛ ka káá pai nwɔ tíɓoɠaa kɛi, a wala kɛ tii, akɛ ka káá pai ɓoi diɛ ka di too.

Dutɛrɔnome 8:16

Nɔi pun dɔ̨nɔ̨i tii hu ɓə, ə manə tɛɛ laa ka pɔ, kaa mįi; a hɛn yii ka nąnni di hvo kɛ gɔlɔn. Ə yili kɛ tii, ə gɛ, ka yee ŋą kpɛɛ, ɛlɛɛ, da ka hukɔɔn mɛ̨nį ɓa; əgɛ, ka wɔ yɛnɛ̨ɛ̨ dɔwɔ pələ ɲąą ə nɛɛ.

Zôo 23:10

Ya pa, ə dɛ́ɛ́ pələ kɔ́lɔn. A ɉúkɔɔn, ŋą́ kulɔ ɉu a mąąhɛɠɛɛ yɛ hɛni.

Zôo 28:1

Wali kulɔi kaa mą, hɛni waai ə ɓo mą,

Hanwon 16:2

Nu a ɉiɛ pələ kəlee kaa a ɉaŋąą gbɔwɔ ɲɛ̨i ɓa, Kɛlaa, Yai-Laa ɓə ə nu kwəi kiliɠaa kɔlɔn.

Hanwon 21:2

Nu a ɉiɛ pələ kəlee kaa a ɉaŋąą gbɔwɔ ɲɛ̨i ɓa, Kɛlaa, Yai-Laa ɓə a nuą lii hu kaa.