Hanwon 17:23 - Yálá laawoo hɛɓɛ (dc)

²³ Nwąnąlɔmun a nɔgwəi mɛ̨inɛ̨ɛ̨ hon loo hu, ə gɛ, ə tɛ̨ą mɛ̨nį kpɛlaan.

Yálá laawoo hɛɓɛ

²³ Nwąnąlɔmun a nɔgwəi mɛ̨inɛ̨ɛ̨ hon loo hu, ə gɛ, ə tɛ̨ą mɛ̨nį kpɛlaan.

Bible

²³ Wôya mɛni-saa ƃó nuu a ǹyée sèe yee-pɛlɛ-ǹá-sɛŋ-kao mu a gɛɛ é dɔ̃yâi perêi kpáaŋ.

Hanwon 17:23 Referans Kwoze

Mise 7:3

Di yee kaa lɔ mɛ̨nį ɲɔ̨n ɉu, nɔi ɲąąwooɓomun a gbɛa niiɓa hɛn vɛli, hvo tɛɠa kɛ mɛ̨nį ɓoi. Giti teemun yɛ nɔgwəi hɛn vɛli, galanɉon a pələ ɓo, ɉɛn ɲɛ̨i a kulɔ bɔ mąą mɛ̨nį ɓa.

Hanwon 17:8

Mɛ̨inɛ̨ɛ̨ kaa a nwun na nɛ̨ɛ̨ hali, pələi lɔpee a ɉon na, ɉu a nɛ̨ɛ̨ mą.

Lɛɛ gbɔwɔ ɓa 23:8

Hvó ə́ yee hee nɔgwəi hɛn mu. Mąąhɔlɔɓo, nɔgwəi hɛn a mɛ̨nį kɔ́lɔnmun ɲɛ̨i kpinį mą, yɛ tələnmo nuą di wɔ tələnmolaa kpəlaan.

Dutɛrɔnome 16:19

Mąą hvo nɛ̨ɛ̨li, ka hvo tɛ̨ąą mɛ̨nį pili ɉu, ka hvo tɔɔ hulu mun da pulu. Ka hvə ka yee hee nɔ gwəi hɛn mu. Mąąhɔlɔɓo, nɔ gwəi hɛn a mɛ̨nį kɔ́lɔn nuą ɲɛ̨ipu, yɛ tələnmomun nwɔ tɛ̨ąą mąą mɛ̨nį pili ɉu.

Mise 3:11

Ɲɛ̨itɔwɔ nuą, da kiti tee a hvulu, mąąhɔlɔɓo, da nɔ gwəi hɛn ɉon, ɉaláá laa həli nuą, da nu mąąkwɛli, a tɔ̨nɔ̨ hɔlɔɓo pələ, Yálá kwəi mɛ̨nį hukulɔ nuą, diɛ mɛ̨nį hukulɔ nuą diɛ, wali ɓa, ɛlɛɛ, Yai-Laa ɓə di kilitɔɔ mą, diɛ kɛ diɛ: «Yai-Laa hvo mɔ̨ɔ̨ ku lɔwai? Lɛɛ li, mɛ̨nį ɲąąnwąnąą hva pɛli ku hɔlɔɓoi.»

Izikiɛ 22:12

Da mɛ̨inɛ̨ɛ̨ hon ə́ pɔɔli, ɲąmą pu mɛ̨nį ɓa; yá kɛ hɛnŋaa hɔ̨nwɔ̨ kɛnɛ̨i ə́ pɔɔli, yɛ́ dɛɛ ɲɛn ɉu. Yɛ́ ə́ yee pənə ə́ hee yɔwɔ hu a wea mɛ̨nį; ɛlɛɛ nwɛi, yɛ́ lɛ̨ą mą́ą́. Mɛ̨nį kəlee ŋą Hééɓomun Yálá woo li.

Azaya 1:23

Ə́ nwun nąmįną daa di pulu tɔɔ mą́ą́, da nwuɔ̨ kuláaɠaa daa di yee pili gee hu, di kəlee, nɔgwəi hɛn mə nwɛli kaa diɛ, di hvilɛn ŋąą nɔgwəi hɛn gɔw pulu diɛ gwɛli, di hva mɛ̨nį haŋąą kɛ a təlilon, kalanin a mąą kanąn naa həli diɛ, diɛ di yee lɔ di wəlii.

Hanwon 21:14

Mɛ̨inɛ̨ɛ̨ nu a gɛ loo pələi, a líiholi kɔ́lɔ haa mą, yá nɔgwəi hɛn nɔ yuɓo hu, a líiholi kɛnɛ̨ ɲąą yɛɛ.

Hanwon 18:16

Hąmą pilɛ a pɛlɛ́ kəlee laa ɓo, yɛ nu lɔ tɔɔɓɛlaa yəi bɛlɛ́n.

Samuɛlə dɔlɔɔ 12:3

Ɲą́ą́ ka tɔɔni ka lííla Yai-Laa ɲɛ̨i ɓa da nwɔ nui ə ɉəɠə ɉu, nui ɉɔ́n gaa gwəi, ə mo. Gbɛɛ ɓə ŋą́ Nįŋɛ̨ ɲəi? Gbɛɛ ɓə ŋą́ hoohvaalən ɉəɠə ɲəi? Gbɛɛ ɓə ŋą́ ɲéé pənə ɉu? Gbɛɛ ɓə ŋą́ too mɛ̨i hɛn ɉəɠə ɲəi? Gbɛɛ ɓə ŋą́ wali həɠə ɲəi a gili ŋapɛlɛ pələ? Nui ŋą́ yili kɛ la, mąą nu ə hvaa, ŋą́ pənə ŋą́ dɛɛ bɔ.»

Samuɛlə dɔlɔɔ 8:3

Kɛlaa, non ɉinąąi tii, di hvo hvilɛn bɔɔ ŋą, hɛn nwɛlilaa ə di kili kala di kwəi, diɛ nɔgwəi mɛ̨inɛ̨ɛ̨ɠaa hon, diɛ tɛ̨ą mąą mɛ̨nį pili ɉu.

Ikilisiati 7:7

Yaan, mɔ̨nɔ̨ laa nu mɛ̨i a kilimąą mun gɛ yɛ ɓowo mun, nɔgwəi hɛn gɔw a nu nwɔ tələnmolaa kulɔ ɲəi.

Azaya 5:23

Nui aa ɉɔn gɛ, da kiti nɛ̨ɛ̨ mą, mąąhɔlɔɓo, aa di tuwɔ ɲąą, di hva tələnmo mun nwɔ tɛ̨ą ɓo.

Izikiɛ 22:27

Ɲɛitɔwɔ nuą kaa di lɔwai yɛ kwɛ́liɠaa da kɛ huwɔɠaa lɔwai, diɛ ɲąmą pu, diɛ nuą paa di wɔ hɛn gɔwɠaai nwuɔ̨ mɛ̨nį ɓa.

Mise 3:9

Ka ka wə́li tɔɔ mɛ̨nįi ŋɛ̨i ɓa, Ɉakɔbə nwɔ pɛ́lɛ́i ɲąąwooɓo nuą, Israɛlə nwɔ pɛ́lɛ́i ɲɛ̨itɔwɔ nuą, a kaai ŋɛ̨i tɛ̨ą wɛli kpɛɛ kaai, kaa mɛ̨nį haŋąą kəlee kpɛlaan.