Hanwon 17:14 - Yálá laawoo hɛɓɛ (dc)

¹⁴ Nui a hvaa kɔ́wɔ tɔɔ, gaa yɛ nui a gaɓan ɉəɠə yá tɔwɔ. Gɛɛ vaa hu hvo kɛnɛ̨, həɠə laa.

Yálá laawoo hɛɓɛ

¹⁴ Nui a hvaa kɔ́wɔ tɔɔ, gaa yɛ nui a gaɓan ɉəɠə yá tɔwɔ. Gɛɛ vaa hu hvo kɛnɛ̨, həɠə laa.

Bible

¹⁴ Laa-saa kɔ́ɔ pîlanii káa yɛ̂ɛ yá a ya-gaaŋ ƃɔ̀ a guro, gbera, à wàla kɛ̀ tí, zu a kɛ̂tɛ.

Hanwon 17:14 Referans Kwoze

Hanwon 25:8

Mɛ̨nįi ə́ ɲɛ̨i ə gaa, 'hvó humo 'hvó mo kiti haɠa ɓa, yili a kɛ tii, akɛ nui ŋɛ̨i ə́ ɉɔn doo a pa, tɛ̨ą a wala kɛ ə́ pɔ, lə ɓə kɛa yá gɛ?

Hanwon 20:3

Nui a ɲee kulɔ hvaa mɛ̨nį hu, ɲɛ̨i a pɔ̨nɔ̨. Kɛlaa, kilikpɛɛgwəi nuą líiholi laa nɛ̨ɛ̨i.

Tɛsalonikə dɔlɔɔ 4:11

'Ká ká wɔ yɛnɛ̨ɛ̨ kɛ, a yíi-la-nɛ̨ɛ̨, 'nu kəlee ə ɲɛ̨i lɛɛ gbɔwɔ mɛ̨nį ɓa, ɛlɛɛ, ə kóló kɛ a gbɔwɔ yee, yɛ bələi ku ká tí la,

Hanwon 15:1

Woo ɲąąpənə lɛlɛɛ, a líi holi kpɛla bələi. Kɛlaa, woo ɲɔ̨n moɔ nu ɓa, a líi holi ta pɛlɛ mą.

Lomaŋ 12:18

Akɛ pɛli mąą a kɛ ɉu, ká hvaa mą ɓə-o, liilaa ə kɛ ka nu kəlee ka lɔwai.

Hanwon 29:22

Nui níiholi laa nɛ̨ɛ̨, a hvaa too. Nui níi kələn ŋąą gwəi, a nɛ̨ŋɛ̨n diɲɛ gee mɛ̨i.

Hanwon 26:21

Tiɠi a nwɔ̨n deŋą kulɔ, kwɛi tɔɔ nwɔ̨n ma a nwɔ̨n ɉee; bələ lɔ ɓə nui hvaa wɛli kaa mą, a hvaa ŋąą hee la.

Hanwon 17:19

Nui hvaa wɛli kaa mą, nɛ̨ŋɛ̨n nwɛli kaa mą, nui a pələ ɓo yaɠayaɠa, ɲee a lɛɛ ɉu.

Hanwon 16:32

Nui hva níiholi ɉa, viɛlaɓoɔ ɓə kɔ́kuláá ɓa. Nui a gbɔwɔ hu hon, viɛlaɓoɔ ɓə dɛɛ taalee honmun ma a kɔ́.

Hanwon 14:29

Nui hva níiholi ɉa, kilimąą mun gɛnɛ̨ li. Nui níiholi laa nɛ̨ɛ̨i, a nwɔ ɓowo laa tɔɔ ɲɛ̨i.

Hanwon 13:10

Hvaa lɔ ɓə kpɔwɔɲąą kɛnɛ̨mun a ɉɔlɔɓo, nuąi da di wəli tɔɔ liɛwoo ɓa, kili ɓə da ɉɔlɔɓo.

Kɔlɔnikɔ Veerɛi 28:6

Remaliahu lon Peka ə nu waa nwundɔ̨nɔ̨ nu waa pow hveelɛ paa Ɉuda nuą lɔwai a hvoló tɔ̨nɔ̨, gəlee di ɓo a kuláa walawala. Mąąhɔlɔɓo, aa kɛ kulɔ nąnni di wɔ Yálái Yai-Laa woo mu.

Kɔlɔnikɔ Veerɛi 13:17

Abiya da nwɔ nuąi di yee ə tɛɛ diɛ kpɔ tɛ̨ɛ̨tɛ̨ɛ̨, di nu waa nwun nɔɔli paa Israɛlə nuą lɔwai.

Samia Veerɛi 19:41

Tɔɔmun da Kimhamə ni di lɛɛ di kee pɔ, də li Gilgalə daai. Ɉuda nuą kəlee da Israɛlə nuą bələ tɔ̨nɔ̨, diɛ ɓə kpɔmąą tɛɛ tɔɔmun bɔ, di ɲa teen na.

Hanwon 19:11

Mɛ̨nį ɲąąkaamun nii kələn naa walaai gwəi, ɛlɛɛ, mąąwiɛ mɛ̨nį ɓaa, ə gili kulɔ lalan ɉu.