Hanwon 16:24 - Yálá laawoo hɛɓɛ (dc)

²⁴ Wɛlikɛmąą woo kaa yɛ kwɛin nwulɔ, a nu lii laa, ə vaŋalɔ.

Yálá laawoo hɛɓɛ

²⁴ Wɛlikɛmąą woo kaa yɛ kwɛin nwulɔ, a nu lii laa, ə vaŋalɔ.

Bible

²⁴ Wóo lɛ́lɛɛ káa yɛ̂ɛ kɔ̃́iŋ-wulɔ, a lâa núu líi ma gɛ́ núu ƃàlo.

Hanwon 16:24 Referans Kwoze

Hanwon 12:18

Hvaa pulu-pulu a kɛɛ kala lɔ yɛ ɓɔwa kwɛa, Kɛlaa, kilimąą nuą woo kaa a kɔ́lɔi pɔ̨nɔ̨ hali.

Hanwon 4:22

Nuąi da di yee hee mu, a di yíi kwɛa, ə di kɔ́lɔi pɔ̨nɔ̨.

Hanwon 3:8

Yili ɓə a ə́ kɔ́lɔi pɔ̨nɔ̨, ɛlɛɛ, ə ə́ kɔ́wɠaa huwalawala.

Hanwon 23:16

Gwə́i a nɛ̨ɛ̨ akɛ yá kɛi mɛ̨nį ɓo a ɉaŋąą.

Hanwon 27:9

Mąątí wulɔ mąą kun nɛ̨ɛ̨ a nu kwəinɛ̨ɛ̨. Nu mɛlan nwɔ wɛlikɛmąąlaa viɛlaɓoɔi ə tɛɛ nu kpɔwɔ kpinįi nwɔ liɛwoo ɓa.

Mąątɛ̨nɛ̨ 119:103

Ə́ wɔ tɔn nwooɠaai nɛ̨ɛ̨i ná, dɛɛ kwɛ̨in nwulɔ ɓa.

Mąątɛ̨nɛ̨ 19:10

Mɛ̨nį haŋąą ɓaa nu ə ɲɔw Yai-Laa ɓa, yili dɔlɔ hva kpɛɛ; Yai-Laa nwɔ mɛ̨nį hutɔɔ woo kəlee kaa a tɛ̨ą, gəlee haŋąąi.

Ɉeremi 15:16

Yai-Laa Mɛ̨nį Kəlee ŋą Hééɓomun Yálá! Ya lɔ ɓaa, ŋą́ kwiɛn a ə́ laa woo, ŋį́ níí laa, ŋį́ mukpələ. Ə́ laa woo ə kɛi gwə́inɛɛ, yɛ níí nɛ̨ɛ̨ gwə́i. Mąąhɔlɔɓo, náá kwɛlanmoɔi yɛ́.

Hanwon 15:26

Kiliŋąhiɛ ɲɔ̨nwɔ̨ɔ̨ɠaa wɛli kpɛɛi Yai-Laa ɓa kpɔ tɛ-tɛ, Kɛlaa, wɛlikɛmąą woo hu həɠeen ŋąąi.

Dutɛrɔnome 32:2

Nwooɠaai gáá ka kalan ɉii la, ə hala lɔi mɛ̨i yɛ tulɔ ya, nwóó ə pɛlɛ yɛ náláán, yɛ weewaa tulɔ kala tiliinŋąą mɛ̨i, yɛ hvóló laa ɓoɔ tulɔ kala tiliinŋąą mɛ̨i.

Hanwon 15:23

Mɛ̨nį hutoɔ a woo nɛ̨ɛ̨, a nu kwəinɛ̨ɛ̨, mɛ̨nį ɓoɔ a moi lɔwai, yili ɲąą nɛ̨ɛ̨i kpɔ nwɔ̨nɔ̨ a mɔlɔ.

Wɛli 4:11

Ə́ woo nɛ̨ɛ̨i ə́ la, yɛ kwɛi gban naa nįnɛ̨. Kwɛin nwulɔ da ɲįnįya di kaa ə́ nɛ̨n mu, ə́ mąą həɠə hu kun nɛ̨ɛ̨ yɛ Liban mąąti wulɔ.

Hanwon 17:22

Líílaa kaa a ɲɔ̨n ɉalə kɛnɛ̨, Kɛlaa, lííkələn gwəi, a nu kulɔ nwului.

Ikilisiati 12:10

Kilimąą mun ə gɛ pələ kwɛli kpɔ mą, ə mɛ̨nįɠaai mɛ̨n ŋąą ɲąąnɛ̨ɛ̨, ə di kiliin, yiiɠaai viɛlaɓoɔ, ə nɛ a tɛ̨ą.

M̀ɛni-lɛɛi 10:10

Ŋą́ ɉɛɓɛ́ logoloi tii hon malaka yəi, ɛlɛɛ, ŋį́ mįi. Nɛ̨ɛ̨i kɛ ná yɛ kwɛin nwulɔ, kɛlaa, yii kɛa ŋį́ mįi, ə nwąnąą góólon ɉu.