Hanwon 16:22 - Yálá laawoo hɛɓɛ (dc)

²² Nuąi da kili mɛ̨nį kɛ, diɛ ɓə yíipoo kaa di yəi. Kilikpɛɛɲəi nuą di wɔ ɓowo ɓə gaa a di hutɔɔ hɛn.

Yálá laawoo hɛɓɛ

²² Nuąi da kili mɛ̨nį kɛ, diɛ ɓə yíipoo kaa di yəi. Kilikpɛɛɲəi nuą di wɔ ɓowo ɓə gaa a di hutɔɔ hɛn.

Bible

²² Táre káa yɛ̂ɛ fúlu-laa ya-toŋ táre-nuu mɛni ma, kɛ́lɛ da ƃoo-nuu kula maa kɛ́ ŋɔƃoo-tuai mɛ̂ni ma.

Hanwon 16:22 Referans Kwoze

Ɉaan 6:63

Kili a nu kɛ a vulú, kɛlaa, nu hvo ɓaa hɛn da. Nwooɠaai ŋɛ̨i ŋį́ mo kaa ya ɓə gaa a Kili da yɛnɛ̨ɛ̨.

Maafîu 15:14

Ka di lɛɛ laa, ɲɛ̨ipunuą ka tii di ɓɛlaa di wɔ tunwɔ̨n ɉon ɉii. Ɲɛipumun lɔpee a mɛlan nwɔ tunwɔ̨n ɉon, di nu hveelɛ da too lɔwai.»

Hanwon 13:14

Kilimąą mun a mɛ̨nį lɛ nu ɓa, gaa a yɛnɛ̨ɛ̨ yáton, a gɛ, nu yɛ pɛli haa nwɔ hɛlɛnŋąą mąąlaai.

Ɉaan 5:24

«A tɛ̨ą, a tɛ̨ą kpɔkpɔɔ gáá moi kaa: nui a nwəli tɔɔ nwóó ɓa, ɛlɛɛ, nui dɔ́ɔ́, yɛ laa na, a yɛnɛ̨ɛ̨i kpɛɛ hvo mą hɔlɔɓo. Kiti mɛ̨nį hvo mą, kɛlaa, aa kulɔ haa yəi, yɛnɛ̨ɛ̨i kpɛɛ hvo mą, aa ɉɔlɔɓo.

Hanwon 10:11

Tələnmomun naaləi kaa a yɛnɛ̨ɛ̨ nwun gulɔi, Kɛlaa, nwąnąlɔmun nwɛi kaa a toomɛ̨i nwun gulɔi.

Ɉaan 6:68

Simɔn Piɛrə ə nwoo pulu pənə yɛ mą: «Ną́mu, gbɛɛ takpɛli ɓə kwa pɛli lii bɔ? Mąąhɔlɔɓo, nwooɠaai gaa ə́ la, da yɛnɛ̨ɛ̨ kpɛɛ hvo mą tɛɛ nu pɔ.

Hanwon 18:4

Nu hvaa woo kpon ɉu kwɛai, yɛ palə. Kili mɛ̨nį kaa yɛ yáton hva kpala.

Hanwon 15:28

Tələnmomun a gwəi kwɛli, hvo tɛɠa kɛ nu woo pulu pənəi, Kɛlaa, nwąnąlɔ nuą da di laa tee lɔ ɓowo mɛ̨nįɠaa ɓa po.

Hanwon 15:2

Kilimąą nuą hvaa woo a kili wɛli too nu ɓa a ŋąąnɛ̨ɛ̨. Kɛlaa, kilikpɛɛgwəi nuą laa hvili yɛ tɔɔ a ɓowo.

Hanwon 14:27

Ɲɔw Yai-Laa ɓa, kaa a yɛnɛ̨ɛ̨ yáton, ya ɓə a gɛ nu yɛ haa nwɔ ɓaaləɠaa mąąlaa.

Hanwon 3:22

Di kaa a ə́ nįį nwɔ yii-yɛnɛɛ, di ɓo a mɛ̨inɛ̨ɛ̨ kwɛɛn ə́ kwąną.

Hanwon 16:21

Nui kili kaa mą, ya ɓə da kɛ mą nwun gɛ ɉumun. Woo ɲąąlaɠi ɓə a nu kili ta pɛlɛ mą.

Hanwon 16:23

Kilimąą mun a gbɛa giliŋąhiɛ, yɛ tɛɠa lɛɛ hvaai. Mɛ̨nį kɔ́lɔn mɛ̨nį a kulɔ na.

Hanwon 18:7

Kilikpɛɛɲəimun naaləi a nwun na pili, vaa woo ə ɓo a hɛlɛn yii a dɛ gbɔwɔ tɔwɔ.