Hanwon 16:2 - Yálá laawoo hɛɓɛ (dc)

² Nu a ɉiɛ pələ kəlee kaa a ɉaŋąą gbɔwɔ ɲɛ̨i ɓa, Kɛlaa, Yai-Laa ɓə ə nu kwəi kiliɠaa kɔlɔn.

Yálá laawoo hɛɓɛ

² Nu a ɉiɛ pələ kəlee kaa a ɉaŋąą gbɔwɔ ɲɛ̨i ɓa, Kɛlaa, Yai-Laa ɓə ə nu kwəi kiliɠaa kɔlɔn.

Bible

² Núu-kpune tûa-pere kélee lɛ̂lɛɛi gbîŋ ŋ̀ɛ́i, kɛ́lɛ Ɣâla Yâwɛɛ è mɛnii kpîŋ kɔ́lɔŋ ǹíi sui.

Hanwon 16:2 Referans Kwoze

Hanwon 21:2

Nu a ɉiɛ pələ kəlee kaa a ɉaŋąą gbɔwɔ ɲɛ̨i ɓa, Kɛlaa, Yai-Laa ɓə a nuą lii hu kaa.

Samuɛlə dɔlɔɔ 16:7

Kɛlaa, Yai-Laa yɛ Samuɛlə ɓa: «Hvo ə́ kili lɛɛ nui ŋɛ̨i koloon ma, da dɔɔmɛ̨i, yili hvəi gáá bɔ. Yii nuą da gaa, yili hvəi; nuą di wɛi, da nu kɔ́lɔ ɓa kaa, Yai-Laa yɛ nu líí hu kaa.»

Lukə 16:15

Jesus ə mo diɛ, yɛ diɛ: «Ka kɛ ka kpɔɔ kɛi a nu haŋąąɠaa nuą ɲɛ̨i ɓa. Kɛlaa, Yálá ə ka kwəi kiliŋąhiɛ kɔ́lɔn. Mąąhɔlɔɓo, yii mąąwia nuą ɲɛ̨i ɓa, mɛlɛkpɛɛi ma Yálá ɲɛ̨i ɓa.

Hanwon 30:12

Nu taɠaa kaa laa, da di kpɔwɔ kaa a di mąąhəɠɛɛ di kpɔwɔ ɲɛ̨i ɓa, yá pa, diɛ ɓo mąąliɓilaa hu.

Ɉeremi 17:10

Ɲą́ą́ Yai-Laa, ɲą́ą́ ɓə ŋį́ nu kwəi kiliŋąhiɛɠaa hu kaa, gɛ́ gwəi kili hu kpɛ. Ŋą́ nu kəlee hvɛla kulɔ yɛ bələi a túwɔ́ la. Yɛ bələi gɛ pələ kaa la.

Hanwon 24:12

Ə́ kaa kiɛ pai kɛi diɛ: «Ku kili hvo pu ɉu!» Kɛlaa, nui a nu nįį hu kaa, ə gbaɠala kɔ́lɔn. Gaa pai nu kəlee hvɛla kulɔi, yɛ pələi di túwɔ́ pələ kaa la.

Mąątɛ̨nɛ̨ 36:2

Túwɔ́ pələ ɲɔ̨n gulɔmun nwɔ woo ɲɔ̨n a mo, nąą kili kaa ŋą́, nwɔ kili ɓa, mąą hva pɛli kpɛlin ɉii Yálá ɲɛ̨i ɓa.

Hanwon 5:21

Ə́ kiliŋąhiɛ, nu kəlee túwɔ́ pələ hu pɔ̨nɔ̨ɔ̨i Yai-Laa ɲɛ̨i ɓa, a gəlee hu kaa.

Hanwon 16:25

Túwɔ́ pələi nu a giliŋąhiɛ mą yɛ kɛ ɉaŋąąi, ŋąą a pɛli ə kpɛɛ a haa.

Danîa 5:27

‹Tekɛli› mukulaa ɓaa: Daa ə́ wiɛ yee kɔ́ɔn, gɔwɔn gwɛli ŋą, yaa lɛɛ huwahuwa.

Azaya 26:7

tələnmomun nwɔ pələi haŋąą dədən, ɛlɛɛ, Yá tələnmomun gbaalə hu lala.

M̀ɛni-lɛɛi 2:23

Nonnii di wɛi, gáá pai di kɛlɛi a haa; ɛlɛɛ, gbɔn gəlee kaa pai gbaɠala kaa, diɛ kɛ, Ɲą́ą́ ɓə ŋą́, nu kwəi mɛ̨nį da nii hu mɛ̨nįɠaa kaa, ɛlɛɛ, ŋą́ ká tɛitɛi ká hvɛla kulɔ yɛ bələi ká tuwɔ la.

M̀ɛni-lɛɛi 2:18

Malakai gbɔn nwun na Tiatirə, hɛɓɛ́ kɛ ə dɛɛ mą: «Yálá Lon nwoo ka, yai ɲɛ̨i kɔwɠaa kaa yɛ nwɔ̨n nən, ɛlɛɛ, gɔwɔɠaa di ɓo yɛ da ɓala-kwɛli hu waa, yɛ diɛ:

Samuɛlə dɔlɔɔ 2:3

Ka hvo ka nwun dɛɠii hvaa ɓo lɔ tii, tɛɠɛɓo ɉu woo hvo kulɔ ka la. Yai-Laa kaa a Yálái mɛ̨nį kəlee kpaɠala kaa mą, ya ɓə a nuą kɛ mɛ̨nįɠaa kiti tee.

Hanwon 12:15

Kilikpɛɛɲəimun dúwɔ́ pələ haŋąąi lɔ gbɔwɔ ɲɛ̨i ɓa. Kɛlaa, nui a nwəli tɔɔ liɛwoo ɓa, kilimąą mun ni.

Lonon mo 22:32

Yai-Laa nwɔ malakai yɛ kɛa mą: «Lə ɓə kɛ yai ə́ ə́ wɔ hoohvaalən kɛlɛ gee mɛ̨i haaɓa? Yáá gaa, ɲą́ą́ ɓə pa gɛ kpeɲan bələi ə́ tɔwɔ; yíli ɓa, yáá ɉiɛi ŋɛ̨i kulɔ hvo ə́ kiliŋąhiɛ li a nɛlɛɛ.

Nwun mąąɓo 7:6

Nu nwun ɉaaɓaa ɓə ɲá pili na a di yee. Yiiɠaai kpɔ tii bɛlɛ mą, gəlee di di laa pɛlɛ ɲái, diɛ di kpələ.

Nwun mąąɓo 17:6

Nąąlɔwai tii hu, tɔɔmun da hvo kɛ Israɛlə nuą nwun na, yii kɛi nɛ̨ɛ̨ diɛ, ya ɓə di kɛi gɛ.

Hanwon 17:3

Wali, hɛni, da di huwaa a hvuluun nwɔ̨n, Kɛlaa, Yai-Laa ɓə a nu líi hu mɛ̨nį huwaa.