Hanwon 16:1 - Yálá laawoo hɛɓɛ (dc)

¹ Nu a mɛ̨nįɠaa mąą kili tee gwəi, Yai-Laa ɓə a ɉeegbąɲą.

Yálá laawoo hɛɓɛ

¹ Nu a mɛ̨nįɠaa mąą kili tee gwəi, Yai-Laa ɓə a ɉeegbąɲą.

Bible

¹ Núu-kpune ŋɔmɛni-kpɛtɛɛ a kûla ǹíi su, kɛ́lɛ Ɣâla Yâwɛɛ ƃa ŋɔmɛni gbɛɛ-ŋai kpɛtɛ-nuu.

Hanwon 16:1 Referans Kwoze

Hanwon 19:21

Mɛ̨nį tamąą ka tii nu a mąą kili tee gwəi, Yai-Laa kwəi kili ɓə a nɛ̨ɛ̨ mą.

Hanwon 16:9

Nu kili a ɉiɛ pələ mąąkpɛɛ, Kɛlaa, Yai-Laa ɓə a gɔwɔ hukɔ́lɔ.

Filipə 2:13

Mąąhɔlɔɓo, Yálá ɓə a, niiɓa gɛ lii, da gɛ wɛli too káá, yɛ bələi gaa la gwəi a nɛlɛɛ.

Hanwon 20:24

Yai-Laa ɓə a nu hiɛ pələ tənən dɔɔ, Kɛlaa haa mun ni pələ kɔ́lɔn bələ kɛ ləi?

Ɉeremi 10:23

Yai-Laa! Gíli kaa ɉu, gɛ́: Nu kanŋaa di hva pɛli di kpɔɔ tənən dɔɔi, yɛ bələi mąąnɛ̨ɛ̨ la. Di hvo kpɛli pɛli li di kpɔɔ kɔ́wɔ hvilɛn ɉi kili ɓoi.

Hanwon 21:1

Tɔɔmun gili kaa yɛ tɛɛyá Yai-Laa yee ŋą, a dənən dɔɔ ɓɛi lɔpee a kɛ bɔ.

Mąątɛ̨nɛ̨ 119:36

'Gíli tɛnɛ̨n dɔɔ ə́ wɔ tíɓoɠaai pɔ pələ! 'Hvó ɲɛ̨i tinɛ̨n hɛngɔw pɔ pələ.

Lɛɛ gbɔwɔ ɓa 4:15

Ya həli mą, mɛ̨nį kəlee hukulɔ mą ə́ ə́ woo pu na. Ɲą́ą́ Gáá Lɔ ə́ laaləi pɔ ka yaa, mɛ̨nį mąąnɛ̨ɛ̨ ka gɛ, ŋą́ nɛ kaa.

Ɛsdrasə 7:27

«Mąąwiɛ kaa Yai-Laa ɓa, ku nąnni di wɔ Yálá; Yaai ə hvaa mą, Yai-Laa nwɔ pɛ́lɛ́i gaa Ɉerusalɛmə, ə mąą mɛ̨nį too tɔɔmun nii hu.

Mąątɛ̨nɛ̨ 10:17

Yai-Laa, yá mąąwɛli nuą liiɓa mɛ̨nį kɛ; yá di liikpələ, yɛ́ ə́ wəli tɔɔ di woo ɓa.

Nehemi 1:11

Ee Yai-Laa! Ə́ wəli tɔɔ ə́ wɔ tímun nwɔ hvɛli ɓo woo ɓa, ə́ wɔ tínuą di di wɔ hvɛli ɓo woo ɓa, diɛi da ɲɔw ə́ laa ɓa, hvaa mą, ɉulɔnui ŋɛ̨i ə ɲɛ̨i lɛlɛɛ hee ə́ wɔ tímun ma.» Nąąlɔwai, ɲą́ą́ ɓə kɛ a tɔɔmun nwɔ lɔɔi pɛlimun.

Kɔlɔnikɔ Veerɛi 18:31

Ya ɓəi gɛ, ɓɛlɔwai kɔ́-wotolo nwun nąmįną di Ɉosafatə kaa la, di kɛi kɛ diɛ: Israɛlə tɔɔmun ga tii. Di nɛɛ mą, di mąątínɛ̨n, əgɛ, di ɉon. Kɛlaa, Ɉosafatə ə tómą, Yai-Laa ə kpɔnmąą tɛɛ bɔ, Yálá ə di ɲɛ̨i tínɛ̨n ə ɉəɠə mą.

Korɛntə veelɛ 8:16

Yálá hɛɠɛɛ mąmą, yai ká mąą lii too Titə kwəi.

Hanwon 15:33

Nui a ɲɔw Yai-Laa ɓa, mąą nu kaa kili mąąkwɛlii. Kpɔwɔ mąąyɛɛlaa kaa mąąwiɛlaa tɔwɔ.

Samia Veerɛi 7:5

«Lí, yɛ́ nwɔ́ tímun Davidə ɓa: Mɛ̨nii Yai-Laa ə mo, ya ka: Yɛ́ hvəi pai pɛlɛ́ tɔɔi mą́ą́, gɛ́ lɔ mu.

Zôo 17:11

Nwɔ́ hvólóɠaai daa tɛɛ, da giliŋąhiɛɠaai kpɔ kɛ mą́ą́. Ə mą kɛ níí hu mɛ̨nįɠaa.