Hanwon 15:31 - Yálá laawoo hɛɓɛ (dc)

³¹ Nui a nwəli tɔɔ a nɛlɛɛ, malo liɛwoo ɓa, a ɉeei ɉɔlɔɓoi kilimąą nuą lɔwai.

Yálá laawoo hɛɓɛ

³¹ Nui a nwəli tɔɔ a nɛlɛɛ, malo liɛwoo ɓa, a ɉeei ɉɔlɔɓoi kilimąą nuą lɔwai.

Bible

³¹ Ǹúui a ŋ̀óli tɔ̀ɔ tɔ̃yâ lia-woo mai, gáa a dáre-ƃelai da.

Hanwon 15:31 Referans Kwoze

Hanwon 15:5

Kilikpɛɛɲəimun a tɛɠɛ ɓo nąn nwɔ mąąkwɛli woo hu. Kɛlaa, nui da nwəli lon doo ɉu, yɛ gili lɛɛ ɉu, mɛ̨nį kɔ́lɔnmun ni.

Hanwon 25:12

Kilimąą mun a nu hɔn doo, yá ə́ nwəli tɔɔ mą a nɛlɛɛ, gaa yɛ hɛni gbono da hɛni kwɛɛn.

Hanwon 19:20

Ə́ wəli tɔɔ liɛwoo ɓa, mɛ̨nįi di kaa ə́ kalan ɉi la, ə́ ɉon; yili ɓə a nu kɛ a kilimąą mun tɔwɔ pələ.

Hanwon 13:20

Nui a hvilɛn kilimąą nuą pɔ, a kɛ a kilimąą mun, nui a kanąn kilikpɛɛgwəi nuą diɛ, a ɉu mɔ̨nɔ̨ mįi.

Hanwon 1:23

'Ka pənə ka pa, 'ka nwɔ́ kilaa pɔ̨nɔ̨ wooi mɛ̨n! Akɛtii, gáá pai nwɔ́ Kilii tɛɛi ka pɔ, ŋą́ ka kilaa pɔ̨nɔ̨, ŋą́ gwə́i woo lɛ kaa.

Zɔ̂ŋ Maa-ŋuŋ 2:19

Gu pɔɔli ɓə di kulɔ laa, kɛlaa di hvo kɛli a gu ta. Də li kɛ a gu tai, də li lɛɛ gu pɔ. Kɛlaa, hvo kɛli kɛ di kəlee di too tii pono ɲą, di nɛ kpɔ tii, diɛ di hvo a gu ta.

Azaya 55:3

'Ka ka wəli tɔɔ, 'ka pa bɔ́ pələ; 'ka ka wəli tɔɔ, ka ɓalo, gáá pai mįnɛ̨ laai gwa kaa ni gu lɔwai, a hvóló kəlee da nwɔɔ; mɛ̨inɛ̨ɛ̨ɠaai ŋį́ di laakwɛlanmo Davidə ɓa, gɛ́ di kɛ.

Hanwon 15:30

Wɛlikɛmąą kɛɛ kaa, a nu kwəinɛ̨ɛ̨ kpɔ kpąąn, wɛlɛɛ nɛ̨ɛ̨, yɛ nu hvaŋąlɔ.

Hanwon 15:32

Nui a mąąkwɛli woo pili, a tɛɠɛ ɓo gbɔwɔ hu, nui a nwəli tɔɔ gilaa pɔ̨nɔ̨ woo ɓa, a kili hɔlɔɓo.

Hanwon 18:15

Nui nwun gaa ɉu, ya ɓə a kili mɛ̨nį kwɛli, kilimąą mun nwəli a mɛ̨nį kɔ́lɔn gili kwɛli.

Ikilisiati 7:5

Nu wəli tɔɔ kilimąą mun nwɔ liɛwoo ɓa hviɛlaɓoɔi, ə tɛɛ nu wəli tɔɔ kilikpɛɛgwəi nuą di wɔ wələ wooɠaa diɛ.

Hanwon 13:18

Nui a bulu tɔɔ mąąkwɛli woo ɓa, laanɔ̨nwɔ̨ da nwumɛ̨ da hee mą. Kɛlaa, nui da nwəli lon doo ɉi, ə gili lɛɛ ɉu, mąą a wiɛ.