Hanwon 15:3 - Yálá laawoo hɛɓɛ (dc)

³ Yai-Laa ɲɛ̨i kaa kɛɛnąą kəlee, yɛ nwąnąlɔɔ nuą da nu lɛlɛɛɠaa mąąkpɛɛ.

Yálá laawoo hɛɓɛ

³ Yai-Laa ɲɛ̨i kaa kɛɛnąą kəlee, yɛ nwąnąlɔɔ nuą da nu lɛlɛɛɠaa mąąkpɛɛ.

Bible

³ Ɣâla Yâwɛɛ a kúmɛni-ŋai kélee kàa, kúmɛni nyɔ́mɔɔ-ŋai da kúmɛni lɛ́lɛɛ-ŋai.

Hanwon 15:3 Referans Kwoze

Hebreu 4:13

Hɛn nɔpee ta hvo yɛnɛ̨ɛ̨, noɔ mą, hɛn gəlee mąąkpoloonŋąąi ɲɛ̨i mu, gəlee laa niila. Yai gu kaa lii gu kwɛlanmoi mą.

Ɉeremi 16:17

Ɲɛ̨́i kaa kpɔlɔɔ di túwɔ́ pələɠaa kəlee diɛ, da hva tɛɛ mą́ą́, di wɔ kiliŋąhiɛ ɲɔ̨nwɔ̨ɔ̨ ta lɔpee hvo loo li mą́ą́.

Ɉeremi 23:24

Ə mą kɛ, nu ta aa noo honwon da hu, vá pɛli mɔ̨ɔ̨ gai? Ɲą́ą́ Yai-Laa nwóó li! Ɲą́ą́ hvəi mɔ̨ɔ̨ ŋą́ą́ yələkɔlɔn da lɔi di laahvɛɛ?» Yai-Laa woo li.

Kɔlɔnikɔ Veerɛi 16:9

Mąąhɔlɔɓo, Yai-Laa a ɲɛ̨i laa lɔi mɛ̨i nąą kəlee, nuąi di kilitɔɔ mą di kwəi tɔ̨nɔ̨ mɛ̨i, yɛ tɔɔ di pulu. Mɛ̨nį yii ŋɛ̨i hu nwɛi, yáá túwɔ́ yɛ ɓowomun. Yili mąą mɛ̨nį ɓa, ə həɠə yiihu ɓa, di kaa pai kɛi kɔ́ pɛlɛi yɛ́.»

Hanwon 5:21

Ə́ kiliŋąhiɛ, nu kəlee túwɔ́ pələ hu pɔ̨nɔ̨ɔ̨i Yai-Laa ɲɛ̨i ɓa, a gəlee hu kaa.

Zôo 31:4

Yálá hvo mɔ̨ɔ̨ dúwɔ́ pələ kaai? Hva mɔ̨ɔ̨ kɛ gɔ́wɔ́ hvilɛn ɉii tɛitɛi lonoi?

Ɉeremi 32:19

Ə́ kaa a liɛwoo kɛ mun nɛlɛɛ, mɛ̨nį lɛlɛɛ kɛ mun. Ə́ ɲɛ̨i kaa nu kəlee túwɔ́ pələ ɓa, yá nu kəlee hvɛla kulɔ, yɛ bələi ə túwɔ́ la; yɛ bələi gɛ koló kaa la.

Zôo 28:24

Ɓɛlɔwai ə kɛi ɲɛ̨i pili la lɔi kpɛlai, yɛ yələkɔlɔn mu hɛnŋąą kəlee mɛ̨i kaa.

Hanwon 15:4

Nu hvaŋąlɔ woo kaa a yíipoo wulu, Kɛlaa, nui nɛn gaa na hveelɛ, a nu lii yali gwəi

Zakari 4:10

Gbɛɛ ɓə kɛi tɛɠɛɓo volói ku mɛ̨nįɠaa kpala tɔɔ la a viikpɛɛ, di hu? 'Di kwəinɛ̨ɛ̨ kulɔ kani, bɛlɛ́ tɔɔ kinɛ̨ kɔ́w kaa Zorobabɛlə yəi. Nwulɔ nwɔ̨n mɛ̨ihveelɛi, di kaa a Yai-Laa ɲɛ̨i kɔ́w mąą nįnįn, yai a lɔi mɛ̨i kəlee kaa la.»

Zôo 24:23

Ya pa Yálá a hvaa mą, yɛ nwɔ yɛnɛ̨ɛ̨ kɛ liilaa hu, Kɛlaa, ɲɛ̨i heɛ di hiɛ pələɠaa hu.

Mąątɛ̨nɛ̨ 33:13

Yai-Laa a lɛɛ yələkɔlɔn ɉu, ə ɲɛ̨i hee, yɛ nu kəlee kaa.